Ќерката на сопружниците позитивни на корона вирус вработена како наставничка во Неготино, граѓаните вознемирени!

Вкупната бројка на лица позитивни на корона вирусот се искачи на 76 лица – информираат од МЗ.

Во текот на денот било потврдено дека двајцата сопружници од Кавадарци се позитивни на вирусот, откако утринава имаше информација дека бил тестиран само сопругот, чиј тест бил позитивен.

Во Кавадарци жителите се вознемирени, бидејќи заразената жена е началник на Одделение во болницата во Кавадарци, а пак нејзиниот сопруг е функционер во ЈП Македонски шуми. Поради тоа граѓаните стравуваат дека бројот на заразени во градот може да биде многу поголем. Нема информација како сопружниците се заразиле, односно дали неодамна патувале надвор од земјата.

По објавата на веста, и во Неготино се чувствува вознемиреност. Имено, ќерката на позитивните сопружници е вработена како наставник – дефектолог во основно училиште во Неготино.

Според информациите, таа работи со деца со попреченост. ,,Фокус” го контактираше министерот за здравство Венко Филипче, со цел да дознаеме дали наставничката е во карантин и дали ќе биде тестирана наскоро, но до објавата на текстот не добивме повратен одговор.

Според МЗ, од Кавадарци се тестира уште едно лице кое нема поврзаност со сопружниците.

Извор Фокус.мк

Тачи: Ако Ахмети не е дел од Владата може да се случи сценариото од 2001

Лидерот на ДПА, Мендух Тачи во „Утрински брифинг“ на „Слободна ТВ“ денеска појасни дека неговата вчерашна изјава за војна доколку нема албански партнер во новата власт е ставена во лош контекст, истакнувајќи дека зборува за можните последици предизвикани од неговиот опонент Али Ахмети.

Барањето на Ахмети за премиер Албанец има директна закана, бидејќи тој е свесен дека ќе биде опозиција и последната алка му е национализмот и сака да ја направи тензијата голема. Бидејќи ако не биде тој во Влада, надевајќи се дека ќе биде прв кај Албанците, може да се случи сценариото од 2001. Мојата порака до граѓаните е граѓаните да не се вознемируваат, дека јас сум кандидат за заменик-премиер и ако седнам на тоа место, гарантирам дека Ахмети и ДУИ ќе го почитуваат гласот на граѓанинот и ќе бидат мирни како кокошки, порача Тачи.

Тој се наврати на политичката борба со поранешните претседатели Киро Глигоров и Бранко Црвенковски, и воедно рече дека политичкото искуство го научило да расчисти со предрасудите.

Јас сум имал директни политички конкуренти со кои сум се тепал со години, почнувајќи од претседателот Глигоров до премиерот Црвенковски. Од оваа дистанца многу ги ценам двајцата и сакам и мене да ме ценат така. Во мојата политичка кариера имав многу политички јаки изјави, можеби други ги толкуваа како непромислени, но успеав да одржувам мир, или сите можни конфликти да ги менаџираме со многу мали последици. Напротив, мислам дека политичките партии на Македонците му даваат значење на Ахмети и ви се молам да не се занимавате со таа глупа идеја, со која се бори за својата лична кожа – порача лидерот на ДПА.

Според него, кандидатот за премиер на ДУИ, Насер Зибери, дека подлежи на одговорност за напад врз ДПА во време кога беше заменик-премиер.

Павле Богоевски: Димитар Апасиев ќе стане пратеник во Собрание

Павле Богоевски, поранешниот водач на „Шарената револуција“, на својот профил на Фејсбук напиша дека кудерот на „Левица“, Димитар Апасиев, ќе добие пратеничко место и ќе влезе во македонското Собрание по парламентарните избори на 15 јули, но како што вели тој, да „ги извршува најцрните сценарија на ВМРО-ДПМНЕ“.

„Да, овој пат Апасиев ЌЕ ВЛЕЗЕ во Парламентот. Не поради неговите 387К интеракции на фб или „енгејџменти“ како што ги нарекува патриотот. Уште помалку поради неговиот партиски рејтинг од 1-1.3%.

Ќе влезе, бидејќи веќе одработи за вмро-дпмне и уште поважно, бидејќи на нив им треба гласен шарлатан во Парламентот. Бидејќи им треба некој кој ќе ги извикува нивните највлажни и најнационалистички соништа на сиот глас од собраниската говорница, блокирајќи ги сите процеси кои дпмне ќе треба да ги спроведат ако сакаат да останеме на патот кон ЕУ и давајќи им го совршеното алиби - дека не е од нивната партија и дека „немаат контрола врз него“.

Ќе влезе и ќе ги остави во заборав сите носители на листи, пратенички кандидати и „загрижени патриоти“ зад него, како што има направено многу пати до сега“ напиша Богоевски меѓудругото.

Поранешниот незавоисен пратеник кој беше во коалиција со актуелното владеачко мнозинство изминатиот период често се препукува со Апасиев и „Левица“ на социјалните мрежи.

„Бомба“: Јанакиески и Николоски договараат сообраќајка на патот Охрид-Кичево

На Јутјуб каналот „Обнова на режимот“ се појави нова бомба.

„Има два авиони шиптари треба да слетаат, да направите сообраќајка некоја, трактор нешто да се преврти, сериозен сум“, вели Јанакиески на својот сооворник, Александар Николовски.

Популарно