Се дезинфицираат и чистат сите детски и спортски игралишта, училишта, цркви, џамии кои се на територија на општина Гази Баба

Општина Гази Баба продолжува со акциите за одржување на хигиената на јавните површини.

Денеска, меѓу останатото, ставивме акцент на спортските зони и верските објекти. Ги дезинфициравме и чистевме сите детски и спортски игралишта,  потоа фитнес зоната во парк шумата Гази Баба како и урбаната опрема на детското игралиште во ООУ “Григор Прличев” и црквите и џамиите кои се на територија на општина Гази Баба.

Сите месни и урбани заедници, пензионерскиот дом во Автокоманда, а започнавме со машинско чистење со мала и голема механизација обезбедена со помош на приватни компании кој  ја ставија на располагање за потребите на општината. Досега опфативме во Железара, Автокоманда и Ќерамидница мали сервисни улици, а од Трубарево до Дрма со голема механизација се чистеа и главните и сервисните улици. 

Извршивме и дезинфекција во просториите на Домот на културата “Димитар Влахов” во Автокоманда, библиотеката “Браќа Миладиновци” и објектот на УЗ Автокоманда.

Домот на културата “Димитар Влахов” согласно препораките во овој период е затворен и одложени се сите активности, a eкипи на ЈКП Гази Баба ќе извршат повторно дезинфицирање на објектот пред неговото повторно отворање.

Од општинското јавно комунално претпријатие извршија рачно чистење и на плочникот пред кино Маџари, како и целосна дезинфекција на урбаната опрема на овој јавен простор, а извршија и целосна дезинфекција на Сточниот пазар кој е времено затворен поради состојбата со корона вирусот.

И наредните денови продолжуваме со одржување на чистотата во општина Гази Баба, следејќи ги препораките на Министерството за здравство и на Владата, со цел да се заштитат граѓаните и да се спречи ширење на корона вирусот преку јавните површини, стои во соопштението од Општина Гази Баба.

Без вода ќе останат корисници од неколку улици во Скопје

ЈП Водовод и канализација-Скопје информираат дека денеска поради дефект на затварач ф-80мм на ул.Јосиф Јосифовски Свештарот бр.35, без вода ќе останат корисници од ул.„Јосиф Јосифовски Свештарот", „Ленинградска", „Тетовска" и дел од ул.„Пролет" од 08:45 часот до завршување.

Скопски Чаир е на врвот по број на заболени од Ковид-19

Од вкупно 175 нови потврдени случаи на Ковид-19 во Македонија, дури 131 е во Скопје.

Со овие нови заразени, бројката на активни случаи во Скопје се искачи на 829.

Најпогодена општина е Чаир каде што има 209 активни случаи, речиси една четвртина од вкупниот број.

По општини активни случаи во Скопско заклучно со вчера:

•       Чаир-209

•       Бутел-76

•       Аеродром-75

•       Гази Баба-75

•       Центар-73

•       Карпош-72

•       Сарај-64

•       Кисела Вода-43

•       Ѓорче Петров-35

•       Шуто Оризари-26

•       Студеничани-24

•       Арачиново-24

•       Илинден-19

•       Петровец-6

•       Чучер Сандево-4

•       Сопиште-2

•       Странец-2

Денеска се отвора живеалиштето на фламингата во Зоолошка

Денеска ќе биде отворено живеалиштето за фламинга во Зоолошка градина Скопје. Овој проект е изработен со поддршка на градот Скопје и направено е едно од најубавите живеалишта за овие егзотични птици во Југоисточна Европа.

По тој повод ќе се одржи прес-конференција во Скопје ЗОО, точно пред новото живеалиште за фламинга, во 13 часот. На пресот ќе се обратат градоначалникот на Град Скопје, Петре Шилегов и директорот на скопската зоолошка, Ѓорѓи Галетановски.

Во Скопје ЗОО, во новата мала лагуна, живеат 15 фламинга.

Популарно