Шведската влада нема да препорача вакцинирање за коронавирусот на децата под 18-годишна возраст, бидејќи шведските експерти сметаат дека децата го пренесуваат вирусот на ограничен начин, па затоа не им е потребна вакцината.

Од друга страна, шведските здравствени власти им ја препорачуваат вакцината на возрасните, особено на оние кои се од ранливите групи и на постарите лица, пренесе Си-Ен-Ен.

Главниот шведски епидемиолог, Андерс Тегнел, објасни дека Шведска работи според принципот на доброволна вакцинација, а тоа беше случај и за време на минатите пандемии, кога беа вакцинирани голем број луѓе.

– Веројатно го имавме најголемиот процент на вакцинирани лица во светот. На почетокот нема да биде најрелевантно да се вакцинираат децата, туку оние кои се ризична група – постарите лица и оние кои работат со нив – рече Тегнел.

Долгите авионски летови се погодно тло за ширење на коронавирусот, покажа едно ново истражување, поткрепувајќи го овој заклучок со примерот на летот од Лондон до Нахоја, кога една патничка од авионот заразила 15 други лица.

Станува збор за летот VN54 од 1 до 2 март, кога во бизнис класата имало жена која кашлала и имала болки во грлото. Кога слетала во Виетнам, таа добила висока температура и потоа била тестирана на коронавирус.

Научниците добија можност детално да го испитаат случајот и дојдоа до заклучок дека 12 патници од бизнис класата и двајца патници од економската класа, како и една стјуардеса, во текот на летот се заразиле со коронавирусот, иако ниту еден од новоинфицираните немал симптоми.

Врз основа на ова истражување научниците докажале дека движењето на аеросолите може да претставува проблем во авионите и дека авионите се плодна почва за масовно ширење на коронавирусот.

Рускиот ловец Су-27 е направен за да пресретнува американски и шведски воени авиони над Балтичкото море.

„Руските средства за контрола на воздушниот простор на 17 септември открија над неутралните води на Балтичкото море две воздушни цели кои се приближуваат кон границата на Русија. За идентификација на воздушните цели и спречување на повреда на државните граници на Русија, во воздух летна Су-27“, пишува во соопштението.

Се споменува дека екипажот на Су-27 идентификувал авиони од американската морнарица П-8А и извиднички авион на шведското воздухопловство.