Путин прогласи неработна седмица од 28 март до 5 април

Ситуацијата во светот со корона вирусот се развива драамично, изложувајќи ја на удар светската економија, истакнал денеска рускиот претседател Владимир Путин во ТВ обраќањето до нацијата, пренесуваат бугарските медиуми цитирајќи го ТАСС.

Гледаме колку драматично се одвиваат работите со епидемијата. Во многу земји бројот на заболени рапидно расте. На удар е економијата во целиот свет, рекол рускиот претседател. Руската економија исто така е под сериозен притисок, додал Путин, Луѓето кои ја загубииле работата поради епидемијата, треба да добијат помш од владата.

Путин објавил и дека следната седмица во Русија ќе биде неработна, а вработените ќе ги добијат платите.

Исклучително важно е да се сопре ширењето на заразата, затоа објавувам дека следната седмица ќе биде неработна. Со други зборови, нема да се работи од 28 март до 5 април, истакнал Путин.

Тој додал и дека малите и средните претпријатија треба да добијат даночни ослободувања, а луѓето кои имат кредити, треба да ги отплаќаат подоцна, без казни.

Извор: Република.мк

СЕ ГЛЕДА ЛИ НАДЕЖ: Израел објави антитело што го неутрализира коронавирусот, дури и меѓу заразените

Израелски институт за биолошки истражувања објави антитело кое го неутрализира коронавирусот, дури и меѓу заразените.

Израелскиот институт за биолошки истражувања (IIBR) и израелското Министерство за одбрана објавија дека е завршена фазата на развој на антитело што би било ефективно во неутрализирање на САРС-Ков-2, познато како коронавирус.

Преку својот профил на Твитер, израелското Министерство за одбрана го потврди развојот на она што може да стане првиот противотров на ковид-19.

Според субјектите, сега противотровот преминува од фазата на развој во фазата на прифаќање на фармацевтските компании, што ќе овозможи масовно да се произведува и комерцијализира.

Научниот развој би бил направен на база на неколку протеини кои се штетни за човечкото тело и веќе е тестирано кај пациенти кои се ризични случаи на коронавирус.

Израел тврди дека IIBR е првата институција што постигнала научен успех што ги исполнува сите три параметри:

Прво, ново и рафинирано моноклонално антитело што содржи дефицит на штетни протеини. Второ, антителото може да го неутрализира коронавирусот и трето, антителото експлицитно било тестирано во агресивни случаи на коронавирус.

Во меѓувреме, Владата на Израел најави целосно отстранување на ограничувањата за мобилност наметнати на граѓаните.

СЗО ПОТВРДИ: Коронавирусот се пренесува преку воздух

Светската здравствена организација призна дека постојат докази за пренесување на Ковид-19 преку воздух, откако 239 меѓународни научници посочија на таква можност.

-Признаваме дека на тоа поле се појавуваат докази. Можноста вирусот да се пренесува преку воздух на јавни места, особено во посебни услови, доколку се преполни, не може да се исклучи. Но, доказите мора да се соберат и да се толкуваат, рече претставничката на СЗО Бенедета Алегранзи, на брифинг во Женева.

Стотици научници тврдат дека постојат докази дека мали честички на новиот коронавирус во воздухот можат да заразат луѓе, и ја повикаа Светската здравствена организација да ги ревидира препораките.

Најчесто пријавувани се играчки поради нивните хемиски состојки како и ризикот од гушење кај деца

Европската комисија денеска го презентираше извештајот за заштита на безбедноста на потрошувачите и производите на европскиот внатрешен пазар, земјите на ЕУ генерално бележат напредок во надзорот и реактивноста, јавува дописничката на МИА од Брисел.

Според податоците од земјите членки на ЕУ, секоја година националните власти преземаат повеќе и поефикасни мерки за справување со лажни и небезбедни производи кои влегле на пазарот на ЕУ, изјави еврокомесарот за правда, Дидие Рејндерс на прес конференција утрово.

Европската комисија воспостави служба за брза реакција која работи 24/7 каде се пријавуваат производи кои не се во согласност со пазарните стандарди на Европската унија.

Лани пријавени се 4477 производи, претходната година биле 4050.

Освен земјите членки на ЕУ, во овој систем учествуваат Обединетото Кралство, Норвешка, Исланд и Лихтенштајн.

Во споредба со 2015 година, стапката на пријавени опасни производи е зголемена за 63 отсто.

Играчките за деца се најчесто пријавувани како опасни предмети, потоа моторните возила и електричните направи и опреми на трето место. Козметичките производи и модните парчиња се исто така високо на списокот, предупредува Комисијата.

Најчесто производите се пријавени затоа што предизвикале физичка повреда како скршеница, но пријавувани се и предмети поради нивните хемиски состојки, како и ризикот од гушење кај деца.

Властите најчесто реагирале со отстранување или уништување на производите.

Извештајот се однесува на 2019, но Европската Комисија информира дека од почетокот на оваа година пријавени се веќе бројни предмети поврзани за Ковид-19 како маски, дезинфекциски производи и слично, а властите веќе реагирале и за овие случаи кои ќе бидат дел од извештајот идната година.

-Како што видовме од извештајот за 2019, рекордно ниво на работа се врши за да се заштитат потрошувачите од опасни производи, изјави еврокомесарот за правда, Дидие Рејндерс.

извор: kurir.mk

Популарно