Вработените во болницата веруваат дека недостигот на заштитна опрема е виновен за смртта на еден од нивните колеги

Поради недостиг на заштитна опрема во една болница во Менхетен, Њујорк, медицинските сестри биле принудени да носат на себе кеси за ѓубре.

На фотографијата, која брзо се прошири на Интернет, се гледа како три медицински сестри во болницата Маунт Синај Вест како позираат во ходникот на болницата облечени во големи црни пластични кеси за ѓубре, прекроени во заштитни наметки, а едната од нив држи кутија со тие кеси, јави Њујорк пост.

Во меѓувреме, вработените во болница недалеку од Колумбовиот Круг во центарот на Менхетен веруваат дека недостигот на заштитна опрема е виновен за смртта на еден од нивните колеги, на кого му бил дијагностициран новиот коронавирус пред две недели.

– Болницата го уби и тој треба да одговара за тоа, рече една од медицинските сестри.

Друга медицинска сестра рече дека проблемите со недостиг на опрема не се нови и траат една година, поради што персоналот честопати бил принуден да ги крие личните резерви и дека ситуацијата станала критична кога пациентите со коронавирус почнале да пристигнуваат во болницата.

Поради тоа, сестрите почнале да носат вреќи за ѓубре.

Шкотската премиерка: Носењето на маски треба да стане автоматско - како врзување на појас

Шкотската премиерка Никола Старџен изјавила дека носењето на маски треба да стане подеднакво автоматско како и ставањето безбедносен појас во автомобилите.

Таа тоа го кажала во момент кога носењето на маска станало задолжително во продавниците и во јавниот превоз ширум Шкотска, пренесува "BBC". 

Старџен навела, дека со оглед на тоа дека продавниците се затворени простории, во нив треба да се носат маски, бидејќи постојат се повеќе докази дека носењето на маска може да има улога во спречувањето на пренесување на вирусот.

"Во догледна иднина, тоа што им го зборувам на луѓето, е дека носењето на маска во продавници или јавен простор треба да стане подеднакво автоматско како и ставањето на безбедносен појас кога влегуваме во автомобил", истакнала шкотската премиерка.

Таа, меѓутоа, додала дека носењето на маска во ресторан или паб потешко се спроведува од очигледни причини.

Никола Старџен навела и дека во Шкотска втор ден по ред нема смртни случаи.

Во Шкотска од коронавирус вкупно починале 2.490 лица, а регистрирани се уште 18 новозаразени во последните 24 часа.

Старџен изјавила дека тоа е најголем пораст на позитивни случаи во последните три недели.

извор:tocka.mk

Италија ја затвори границата за Македонците

Се зголемува листата на држави кои го забрануваат влезот на македонските државјани во нивната земја.

Последната во низата е Италија која ги затвори своите граници за 13 земји, а меѓу кои е и Македонија, а ги сметаат најризични места за ширење на коронавирусот.

Забраната за влез во Италија и на Ерменија, Бахреин, Бангладеш, Бразил, БиХ, Чиле, Кувајт, Молдавија, Оман, Панама, Перу и Доминиканската Република, објави министерството за здравство.

Епидемијата е глобално во најакутна фаза. Не можеме да ја загрозиме жртвата која Италијанците ја поднесоа во последните месеци – рече министерот за здравство Роберто Сперанза.

На граница ќе се блокираат и луѓето кои биле или транзитираат низ тие земји во последните две недели, додаде тој. Суспендирани се и директните и индиректните летови со тие држави.

Пандемијата и натаму се забрзува и не е под контрола

Пандемијата на коронавирус и натаму се забрзува, а повеќето земји сè уште не успеале да ја стават под контрола, предупреди денеска директорот на Светската здравствена организација, Тедрос Аданом Гебрејесус.

Тој посочи дека од над 11,8 милиони случаи во светот, колку што биле пријавени во таа организација, половина биле потврдени во изминатите шест недели.

Гебрејесус оцени дека пандемијата открила нееднаквости, на глобално ниво и во одделни земји, како во медицинскиот систем, така и пошироко во општеството, пренесува „Гардијан”.

– Вообичаено се вели дека заразните болести не знаат за граници. Тие не се грижат за политичките разлики ниту оние меѓу здравството и економијата, животот и опстанокот. Пандемијата на Ковид-19 ги избриша сите, рече Гебрејесус. 

Популарно