После 2 месеци отворена е кинеската провинција Хубеи: Локално ширење на Ковид-19 повеќе нема

Кинеските власти потврдија дека веќе втор ден во низа немаат забележано ниту еден случај на локално пренесување на коронаворусот, а сите нови случаи се однесуваат на лица кои допатувале од странство.

Во текот на вчерашниот ден, кинеските власти ги отворија границите на провинцијата Хубеи која се наоѓаше во тотален карантин од јануари. Токму Хубеи, односно градот Вухан беа главното жариште на Ковид-19, по што вирусот се прошири буквално насекаде низ светот.

Што се однесува до новите случаи, вчера се забележани 67 што е пораст во однос на претходниот ден кога беа регистриран 47. Околу 90% од случаите од странство се кинески државјани, а во најголем дел станува збор за студенти кои се враќаат од странство.

Главниот предизвик за кинеските власти сега е да спречат овие нови случаи од странство, да не ја прошират заразата во државата. Поради тоа, властите од Пекинг спроведуваат строги мерки – секое лице кое доаѓа надвор од Кина мора да биде сместено во централизиран карантин.

Секако, најголем успех е елиминацијата на вирусот во оваа провинција. Станува збор за територија со околу 60 милиони жители (од прилика колку и популацијата на Италија). Јавниот транспрот повторно е пуштен во употреба, луѓето започнаа да излегуваат на улиците, а многумина од нив и натаму поради претпазливост носат маски.

Градот Вухан во истата провинција кој беше епицентарот на вирусот ќе остане во карантин уште околу две седмици – планот на кинеските власти е мерките во градот да започнат постепено да се укинуваат од 8-ми април.

Погледнете како Кина успева да го претвори отпадот во пари

Во светот во кој секојдневно се зголемува отпадот, Кина знае подобро од сите други како да го претвори отпадот во пари. Во 19 век САД увезувале метален отпад од Англија и го користеле за изградбата на железници.

Пред Втората светска војна Јапонија увезувала метален отпад од САД и го користела за производство на оружје. По војната Јапонија повторно увезувала американски рециклиран отпад и го користела за градење инфраструктура.

Во 60-тите години Тајван станал најголемиот увезувач на метален отпад во Азија. Тајван го користел отпадот за производство на многу работи, меѓу кои и автомобилски делови. Во 80-тите години увезувањето отпад во Тајван се намалило бидејќи станало скапо.

Во тоа време Кина се отворала за бизнисот. Компаниите за рециклирање од Тајван се релоцирале во Кина. До средината на 90-тите години Кина станала најголем увезувач на отпад од метал, хартија, картон, пластика и електроника во историјата на човештвото. До 2009 година повеќе од половина од хартијата, 70% од алуминиумот и 60% од бакарот кој се користел од кинеските произведувачи доаѓале од рециклиран отпад. Дури и рециклираната пластика ја користеле некои од најголемите компании.

Многу кинески компании од разни индустрии користат рециклиран отпад за да ги намалат трошоците за производство. Вредноста на странскиот отпад кој го рециклирала Кина се проценува на стотици милиони долари. 

Во 2009 САД извезле над 23 милиони тони рециклиран отпад во Кина, а потоа количината почнала да се намалува. Порастот на платите и еколошките иницијативи предизвикале намалување на увозот на американски отпад во Кина. Многу кинески компании, меѓу кои и оние за рециклирање, почнале да се релоцираат во Југоисточна Азија и на други подостапни места. 

Сепак, Кина била доволно богата за да почне да создава доволно свој отпад кој би се рециклирал. Моментално Кина произведува најмногу отпад во светот. До 2017, годината кога Кина изјавила дека ќе започне да го ограничува увозот на рециклиран отпад, увозот на американски отпад во Кина изнесувал 15 милиони тони. Во меѓувреме земјите што дотогаш извезувале отпад во Кина почнале да се вртат кон други земји, како Малезија.

Извор: Факултети.мк

ВИДЕО: Ви благодариме што нè напуштивте, доаѓа кронавирусот и кај ВАС

На социјалните медиуми во Италија кружи видеото „Благодарам“, во кое граѓаните на оваа земја, најтешко погодени од коронарната пандемија, „им се заблагодаруваат“ на светските лидери, француските и американските претседатели, германската канцеларка и британскиот премиер за „помошта“ што ја „обезбедија“ Во најтешките времиња што ги поминуваат по Втората светска војна.

Италијанците потсетуваат на нивната извонредно богата традиција, култура, славни сонародници кои со векови ја издржале хуманоста, но исто така велат дека вирусот не знае за граници и ги погодува сите.

- Благодарам драги Макроне, благодарам драга госпоѓа Меркел, благодарам што нè напуштивте во моментот кога ни требавте. Ви благодарам што експлицитно одговоривте на нашето барање да ни испратите обични маски и други медицински материјали, со цел да се бориме против ширењето на вирусот. Знаете, ние би ви платиле за тоа!

Ние сме Италијанци, занаетчии, нечисти од работа, недисциплинирани, комични, бучни, музичари, понекогаш и мафијши. Но, знаете, ние изградивме патишта, училишта, ја напишавме азбуката што ја користите сега. Ние сме автори на најголемите уметнички дела, кои се „скриени“ во вашите музеи. Две третини од светското уметничко и културно наследство е со нас. Ние сме Италијанци, креатори на уметноста, културата, основата на нашата и вашата цивилизација. Ние сме креатори на моцарела, пршута, пармезан, равиоли, лазањи, пица, сладолед, но и мода .. Ние ги научивме Французите да прават вино, ракија.

Исто така, вие господин Трамп и вие господинот Џонсон, ви благодарам што избравте изолација наместо помош. Господине Трамп, се сеќавате ли кој ја откри Америка? Сите вие, кога остварувате повик, сетете се на Меучи, кога гледате телевизија и слушате радио, мислете на Маркони ...

Знаете, италијанците се Колумбо, Марко Поло, Леонардо Да Винчи, Микеланџео, Бернини, Тицијан, Рафаел, Галилео, Цезар, Аурелио, Веспасијан, Данте…

Драги наши, кога ќе го слушнете името на Италија следниот пат, спуштете ја главата. Кога ги посетувате вашите музеи, ве молиме, не потпирајте се на уметнички дела, направени од Италијанци. Ве молиме, држете се подалеку од посета на најубавата земја во светот. Им ја отвораме вратата и топло ќе ги поздравиме сите оние кои ни помогнаа “.

Во вашите пресметки, заборавате дека вирусот не знае за граници. Ги погоди сите. И Вас. Со вашиот егоизам, покажавте колку сте мали! Благодарам!

Во Шпанија за еден ден 950 починати, 8000 новозаразени

Во изминатите 24 часа во Шпанија од коронавирус починале дури 950 лица, регистрирани се и 8000 новозаболени.

Во Шпанија секојдневно рапидно расте бројот на починати и новозаразени лица со коронавирусот. Ако овој тренд продолжи Шпанија многу брзо би можела да ја помине Италија според бројот на заразени лица.

Во битката против страшната пандемија шпанската влада пред два дена воведе целосна забранана движење, воведене 24 часовен полициски час. Дозволено им е движењето само на лекарите, полицијата и војската.

Според медиумите здравствениот систем на Шпанија е пред колапс.

Со Ковид -19 во Шпанија се заразени повеќе од 12000 медицински работници.

Популарно