7 совети за коронавирусот да не ви го уништи бракот

За време на самоизолацијата многу бракови можат да бидат загрозени поради тоа што партнерите целото време го поминуваат заедно.

Луѓето кои се подолго време во брак споделија свои совети кои можат да ви помогнат да го сочувате вашиот брак.

1.Комуницирајте што е можно повеќе

Тајната на секој успешен однос е комуникацијата. Тоа важи секогашно и во околностите кои се последица на пандемијата од коронавирусот. Мајк Вејнер Дејвис, брачен и семеен терапевт од Колорадо вели дека не е важно како партнерите комуницираат во изолација, туку оти е важно да се трудат да комуницираат.

-Најголем проблем со кој се соочив е кога двајцата партнери гледаат на она што им се случва на другата – едната личност мисли дека сѐ се руши, другата дека се работите се „напумпани“. Кога луѓето имаат различни перспективи, имаат и различен став на она што треба да се прави, а единствен начин ова да се преброди е комуникацијата, вели Вејнер – Дејвис.

2.Дајте си простор еден на друг

Поголемиот дел од паровите поголем дел од денот го поминуваат одвоено – барем еден партнер излегува од дома за на работа, а сега кога фирмите од вработените бараат да работат од дома, тие се цело време заедно под ист кров. Тоа може да биде посебно проблем за паровите кои живеат во мали домови зашто може да се чувствуваат како да им е загрозен личниот простор.

Затоа многу експерти советуваат дека луѓето треба да ја сфатат важноста на времето кое го поминуваат сами со себе.

-Важно е паровите да знаат дека припаѓаат во категорија на луѓе на кои им е потребен партнер за да ги средат своите емоции или во категорија која тоа го регулираат сами. Ако знаете дека вашиот партнер сака сам да ги регулира своите емоции не треба да се обидувате да работите на тоа со него, туку да го пуштите сам да се занимава со тоа, вели Алев Атес-Барлас, терапевт од Њујорк.

Вели дека најдобар начин за да се преброди напнатоста меѓу партнерите е медитација или слушање музика на слушалки.

3.Кажете си ги работите кои ви сметаат

Заедничката работа од дома може од вашиот партнер да направи имагинарен колега кој е виновен за сѐ.

Александра Фонден за ова прочитала на Твитер и веднаш почнала да разговара со својот сопруг за тоа што меѓусебно им смета.

И други сопружници почнале да го применуваат ова и да пишуваат на Твитер под хаштагот #CovidConfessions.

4.Направете нови рутини

Никој сѐ уште не е сосема прилагоден на новите околности во кои се најдовме пораид пандемијата. Поради тоа Ли Милер, брачен терапевт од Лос Анџелес советува дека би било мудро да се направат нови рутини кои ќе му дадат смисла на новото секојдневние. Особено е важно да се одреди кој што ќе работи за време на денот, кој ќе готви, кој ќе чисти, кој ќе се јавува на телефон и слично.

-Ова не е ниту близу на типична ситуација, што значи дека постојат голем број на улоги околу кои партнерите би требало да се договорат и да се придружуваат додека работат од дома. Многу е важно да се одреди време да седнат и поразговараат за очекувањата кои ги имаат од другиот за време на овие времиња, вели Милер.

5.Не инсистирајте на секс

Според Бритни Блер, клинички психолог и сексуална терапевтка од Северна Калифорнија, сексуалната желба во време на коронавирусот може да биде помала поради тоа што стресот го намалува либидото кај 85 отсто од луѓето.

-Нормално е да имате помала желба за секс за време на овие случувања. Ако сте меѓу 15 отсто луѓе кои не се под стрес, треба да имате на памет дека вашиот партнер најверојатно е, вели Блер додавајќи дека ова им се случува на сите парови.

6.Концентрирајте се на малите работи

Ако по природа сте паничари, најдобро би било својот фокус да го промените на малите работи зашто паниката дополнително ќе го влоши односот со партнерот. Наместо да експлодирате, вдишете длабоко и размислувајте на нешто друго, како на пример на работите кои ги сакате кај вашиот партнер.

7.Ако сте загрозени

Постои можност во изолација да се зголеми тензијата меѓу сопружниците и да дојде до семејно насилство. Во тој случај не треба да трпите, туку да се информирате на кој начин може да се извлечете од таква ситуација. Карантинот не е поважен од вашето здравје. Полицијата и другите итни служби работат како и претходно, па обратете се кај нив .

Зошто партнерите во врска почнуваат да личат еден на друг?

Дали некогаш сте забележале дека луѓето кои се во врска долго време почнуваат да личат еден на друг?

Во некои случаи, нивната сличност е толку голема што луѓето мислат дека се брат и сестра. Дали причината за сето ова е што добар дел од луѓето бараат некој што има слични карактеристики како него? Од гледна точка на психолозите, се верува дека луѓето имаат тенденција да ги привлечат оние што личат на нив. Иако старата поговорка вели дека „спротивните се привлекуваат“, повеќе се случува да се привлечат луѓе со слични карактеристики и интереси.

Бихејвиористите тврдат дека тоа е секојдневен контакт што ги наведува луѓето да ги имитираат гестовите и изразите на лицето едни на други. Исто така, кога станува збор за среќна двојка, поголема е веројатноста да покаже слични физички карактеристики. Откривме повеќе причини зошто луѓето во пар изгледаат слично.

Ги поврзуваат заеднички искуства

Многу научници тврдат дека една од причините зошто партнерите почнуваат да си личат е тоа што ги доживеале истите искуства кои оставиле ист белег на нивните лица. Едноставно кажано, тие личат еден на друг поради заедничките емоции како смеа, тага и други моменти кои формираат линии на нивните лица. На пример, ако еден од партнерите се пошегува и двајцата се смеат, тие со текот на времето ја развиваат истата линија на смеа додека ги прифаќаат изразите на едни со други.

Адаптација

Како што поминува времето, луѓето во врска се прилагодуваат на навиките, начинот на живот и желбите на едни со други. Исто така, почнуваат да го имитираат стилот на другиот и заедно поминуваат низ слични искуства. Емоциите низ кои поминуваат паровите заедно доведуваат до формирање на нивниот карактер, но и мускулите на лицето, што најдобро се гледа на насмеано или намуртено лице. Како се формираат мускулите во текот на годините на адаптација во врската, мислите како изгледаат кога ќе ги погледнете.

Изборот на партнер е важен

Покрај тоа што споделените емоции и прилагодувања можат да направат парот да изгледа слично, некои научници веруваат дека жените и мажите избираат партнери кои се генетски слични на нив. Значи, сличноста е „намерна“. Истовремено, тоа е поврзано и со тврдењето на Фројд дека „луѓето ги привлекуваат луѓе како нивните родители“. Во човечката природа е да избира партнери кои личат на нивните родители од спротивниот пол. Во таа смисла, често ќе видите дека маж се оженил со девојка која многу личи на неговата мајка.

Влијание на животната средина

Честа причина за фактот дека парот е многу сличен е тоа што тие имаат слично социјално и културно потекло. Повеќето луѓе избираат партнери од нивната непосредна околина, што значи дека голема е веројатноста да се вклучат во исти социјални активности. Покрај тоа, многумина бараат истомисленици, и некој кој е на нивното академско ниво. Со сето ова во равенката, двата генетски отпечатоци ќе бидат многу слични, а со тоа и личностите на кои им припаѓаат.

Човекот е збир на неговите мисли

Една позната поговорка вели дека „човекот е збир на неговите мисли“, што би значело дека со текот на времето почнува да изгледа како што мисли. Затоа, кога двајца луѓе се во врска и се надополнуваат во говорот, социјалната интеракција и што е најважно во мислата, почнуваат да изгледаат слично. Ако мажот е збир од неговите мисии, а тој и неговата сакана го мислат истото во моментот, тие почнуваат да личат еден на друг. Дури и кога некој ќе дојде во контакт со нив двајца во различни прилики, тие ќе имаат впечаток дека разговараат со иста личност.

4 начини за фазата на „меден месец“ во вашата врска да трае подолго

Според истражувањето на психолозите, брачните парови имаат тенденција да искусат нешто што се нарекува „двегодишен наплив на страст“, ​​што е познато како „фаза на меден месец“.

Ова е обично време кога привлечноста помеѓу двајца луѓе го достигнува својот врв и кога парот практично не може да се засити еден од друг.

Но, дали тој период навистина трае само две години?

Истражувањето на психологот Соња Љубомирски од Универзитетот Риверсајд во Калифорнија откри дека по излив на жешка страст, жешката љубов се претвора во нешто поинаква врска. Имено, има продлабочување на чувствата на наклонетост и сочувство, но недостига тоа попримарно чувство на привлечност и поврзаност, без кое страста не може да напредува.

За жал, премногу парови денес имаат проблеми во врската бидејќи нивната страст изумрела. Во исто време, од незадоволителна или ретка интимност, може да се појави огорченост, или досада во врската. Тука се појавува прекумерна раздразливост, а врската може да стане тензична или плитка. Еден или двајцата партнери би можеле да го бараат она што им недостасува надвор од бракот.

Со други зборови, кога страста умира, со неа умира и самото срце на врската.

Добрата вест е дека е можно да се зачуваат страста и искрата во врската, а според истражувањето објавено од Your Tango, еве четири начини како фазата на меден месец да трае вечно.

1. Преиспитајте ги вашите верувања

Само затоа што две години се вообичаеното време за страст во нова врска, тоа не значи дека треба да биде така. Многу парови влегуваат во врска или брак со страв дека страста ќе изумре, а тоа изгледа неизбежно.

Можеби сте виделе дека искрата изгаснува кај други парови, сте читале написи или студии кои ве уверуваат дека е невозможно да се чувствувате возбудено и свежо во вашата врска како на почетокот, и затоа сте се препуштиле на верувањето дека тоа ќе ви се случи вам и на вашиот партнер.

Но, како можете да знаете што ќе се случи во вашата врска? Затоа, дури и кога мислите дека страста неизбежно ќе умре, застанете и поставете си го прашањето: „Дали навистина можам да знам дали ќе биде така и кај нас?“

2. Отстранете ги блокаторите на страста

Добар начин за одржување на страста во животот е да разберете што ѝ стои на патот. Кои се навиките, вашите и на вашиот сопружник, со кои ја прекинувате огнената врска?

Блокатор на страста во вашата врска може да биде и начинот на кој се договарате еден со друг, вашата преокупација со други работи или колку малку време поминувате заедно. Или, можеби нешто сосема друго.

Без да покажувате со прст, погледнете искрено на вообичаените начини на кои вие и вашиот партнер комуницирате едни со други и откријте што конкретно ја намалува вашата страст. Следниот логичен чекор е да престанете да ги правите тие работи доколку сакате да научите како да направите фазата на „меден месец“ да трае подолго.

3. Повикајте повеќе страст

Како што почнувате да ги отстранувате блокадите, свесно повикајте повеќе страст.

Започнете со себе. Дали вашиот пристап кон животот стана рутина? Дали имате тенденција да ги правите работите на стариот и докажан начин наместо да експериментирате со нешто ново?

Не треба да исфрлите се што сакате и ви е удобно од секојдневието, туку отворете ја вратата за нови искуства и излезете од вашата комфорна зона. Овие чекори можат да бидат едноставни или порадикални. Тоа може да биде преземање ризици на работа, пробување ново хоби или активност, читање книга во различен жанр или слушање музика што никогаш претходно не сте ја слушале.

Поентата е да го оживеете вашиот живот и да се чувствувате свежо. Знајте дека не можете лесно да внесете повеќе страст во врската со партнерот доколку не се отворите.

Донесете свесна одлука да комуницирате со вашиот партнер на начин што ја поттикнува страста. Не мора секогаш да значи физичка страст. Можете заедно да ја споделите страста за реновирање на вашата бања. Таквата страст може позитивно да влијае на вашата страст во спалната соба.

4. Кога страста „напаѓа“, искористете ја максимално

Кога вие и вашиот сопружник споделувате страстен момент, препознајте го и уживајте во него.

Во долготрајна врска, најверојатно нема да поминувате цел ден заедно во кревет или да се чувствувате страсно привлечени еден кон друг секоја секунда од секој ден. И тоа е сосема во ред.

Но, само затоа што не чувствувате страст еден за друг во секое време – тоа не значи дека страста умира. Можеби ќе ја почувствувате страста додека се бакнувате или се држите за раце и додека заедно шетате низ паркот. Можеби ќе почувствувате страст кога ќе помислите на љубезен збор или комплимент кој партнерот ви го дал тоа утро пред работа.

Осветлете ги тие моменти на страст и навистина искористете ги максимално. Разговарајте за тие моменти и тоа ќе ви ја отвори вратата тие да станат се почести.

(Фото) Седум пози што ги знаат само оние што се искусни во секс

Одредени луѓе сакаат да се покажат што умеат во секој аспект од животот, но и во сексот. Овие секс пози се наменети токму за нив, затоа што сигурно ќе го изненадите партнерот, но и ќе покажете што знаете и умеете.

Со некои од овие пози ќе ја покажете својата издржливост и ќе го излудите партнерот целосно, а добро е да ги пробате барем еднаш за да знаете за што се работи. Погледнете кои секс пози треба да ги знаат вистински искусните:

Популарно