Ќе има истрага за пандемијата со коронавирусот

Ќе има истрага за пандемијата со Ковид - 19. 

Членките на Светската здравствена организација, донесоа резолуција за независна проценка за реакцијата на агенцијата на ОН на пандемијата на новиот вирус.

Текстот е усвоен со консензус и предвидува што побрзо започнување на непристрасни, независни и целосни проценки на меѓународната акција преземена поради пандемијата. 

Ова е со цел подобрување на светските капацитети за превенција, подготовка и одговор на пандемијата.

Со таа проценка, чии детали се и натаму нејасни, би требало подобро да се проучат мерките кои ги презеде СЗО поради пандемијата на Ковид - 19 и нивната хронологија.

СЗО и генералниот директор Тедрос Ахан Гебрејесус се под постојан притисок на САД, кои ги обвинуваат за пристрасност во водењето на епидемијата. 

Членките се 194, а меѓу нив се САД и Кина. 

Повеќе од 318.000 луѓе починаа од коронавирусот. 

САД неколку пати ја обвинија Кина дека е виновна за пандемијата, но тврдеа и дека вирусот излегол од лабораторија. 

Руската вакцина „Епиваккорона“ ќе биде на пазарот од следниот месец

Вакцината против Ковид-19 – „Епиваккорона“, изработена од Рускиот државен истражувачки центар за вирусологија и биотехнологија, би можела да биде пуштена во цивилна циркулација уште следниот месец, изјави директорот на центарот, Ринат Максјутов.

– Веќе произведовме 35.000 дози вакцини и планираме до крајот на годинава да произведеме 50.000 дози. Околу 5.000 дози се дадени за пострегистрациски клинички тестирања, а остатокот ќе биде пуштен за цивилна употреба, истакна Максјутов, додавајќи дека очекува поголемиот дел да се најде на пазарот следниот месец.

Според него, првата серија вакцини, која ќе биде за цивилна употреба, веројатно ќе биде тестирана во институциите на Министерството за здравство најрано на 7-8 декември.

– Трошоците за двете руски вакцини против коронавирусот, Спутник V и Епиваккорона, ќе бидат речиси исти, нагласи Максјутов.

Се очекува наскоро во Русија да биде регистрирана уште една вакцина, која ја развива Федералниот научен центар за истражување и развој на имунолошки и биолошки производи при Руската академија на науките Чумаков.

Вакцинацијата во Русија ќе биде бесплатна.

Иако носите маска сепак има голема можност да се заразите со Ковид-19

„Колку почесто излегувате надвор и повеќе време поминувате во гужва, почесто треба да ја перете вашата заштитна маска или пак едноставно да ја фрлите во корпа за отпадоци штом дојдете дома и да си купите нова“, појаснила Натерсон.

Носењето заштитна маска е задолжително, но треба да се знае разликата помеѓу „било каква маска“ и носење заштитна маска која што е „сигурна и ефикасна“.

Постојат неколку знаци кои што укажуваат дека заштитната маска треба да ја замените или пак да ја исперете. Маската се раширила или пак има видливи дупчиња - тие се ефикасни во одбрана од заразата само доколку се „валидни“.

„Доколку маската има видливи дупчиња или пак некој дел од неа се раширил, таа повеќе не е употреблива и ја губи својата функција на заштита“, вели педијатарот Кара Натерсон.

„Целта на маската е да даде физичка бариера за да се оневозможи влегувањето на вирусот или доколку сте заразени да не може да го пренесете Ковид-19 на другите луѓе“, додала таа и порачала дека дупчињата на маската овозможуваат да продре Ковид-19 во вас.

Доколку сте допреле потенцијално контаминирана површина, како на пример корпа или количка во маркетите, квака на врата, а потоа сте ја допреле заштитната маска тогаш таа е контаминирана.

„Што почесто сте надвор или пак поминувате време во гужви, почесто треба да ја перете заштитната маска или пак едноставно да ја замените со нова“, појаснила Натерсон.

Сте се грижеле за заразена личност

Доколку член од вашето семејство или пак некоја друга ваша блиска личност за која што сте се грижеле, биле заразена со коронавирус, време е да ја исперете вашата маска или пак да ја фрлите и да си купите нова.

Според Центарот за контрола и превенција на болести, платнените маски треба да ги перете на највисока температура, а потоа да ја исушите пред наредно користење.

Вакцината за Ковид-19 во Грција ќе биде бесплатна и незадолжителна

Вакцината против ковид-19 во Грција ќе биде бесплатна од државата и нема да биде задолжителна.

Ова денеска при посета на болница во Солун го изјави грчкиот премиер Кирјакос Мицотакис, кој рече дека ќе се потпрат на здравиот разум на граѓаните, но дека советите на лекарите ќе бидат да охрабрат што е можно повеќе граѓани да се вакцинираат во јануари, кога ќе започне големата програма за вакцинација,

Објасни дека сликата постепено се стабилизира, со позитивен биланс меѓу примени и отпуштени од болниците, „што значи дека се намалува притисокот врз националниот здравствен систем“.

-Знаеме дека пред нас ќе имаме уште една до две многу тешки седмици, но исто така знаеме дека кога ќе почнеме да излегуваме од режимот на строги ограничувања, ќе мора да бидеме двојно претпазливи. Бидејќи, да бидеме искрени, летово не го сторивме тоа. Верувам дека сите сносиме одговорност и јас бев првиот што го призна делот од одговорноста што ѝ припаѓа на државата, но не смееме да заборавиме дека индивидуалните однесувања се тие што го одредуваат темпото на ширење на пандемијата, истакна Мицотакис.

Порача дека годинава божиќните празници ќе бидат поразлични, во тесниот круг на семејството.

Популарно