Коронавирусот е измама, а доказ за тоа е банкнотата од 10 австралиски долари, тврди една група Австралијци

Една група Австралијци смета дека станува збор за измама, и покрај тоа што коронавирусот однесе повеќе од 320.000 животи низ целиот свет досега. Тие тврдат дека доказот дека станува збор за заговор може да се најде на банкнотата од 10 долари.

Имено, овие теоретичари на заговор веруваат дека пандемијата на коронавирус е оркестрирана со цел да се вакцинираат граѓаните. Тие тврдат дека тајното општество на милијардери се обидуваат да воспостават доминација над планетата и тие планираат да го постигнат тоа преку контрола на луѓето со вакцина.

Движењето ја поддржува и идејата дека антените за 5G се опасни по здравјето на луѓето и на некој начин влијаат на ширењето на вирусот корона. А сега, се појави додаток на светската завера, а сето тоа можете да го видите на банкнотата од 10 австралиски долари.

Имено, некои од теоретичарите веруваат дека печатот на банкноти има слика на КОВИД-19 во десниот агол кога се гледа под микроскоп, пренесува „”News.co.au“.

– Кога ќе ја свртите банкнотата, го добивате ефектот во боја и тогаш симболот е видлив. Може да се види на сите банкноти … во овој случај, дизајнот на симболите е начинот на кој дизајнерот го толкувал типот на акација „Acacia Victoriae“ што е на банкнотите – велат од банката на резерви во Австралија.

Кејти Атвел од Универзитетот во Западна Австралија рече дека сегашната клима на конфузија и несигурност стана основа за теории на заговор.

– Општеството е несигурно и во страв и нивниот когнитивен процес е целосно нарушен. Владите на светските земји, особено на САД, не успеаја да го спречат коронавирусот, кој има потенцијал да ги исплаши граѓаните – истакнува Атвел.

– Тоа е нестабилен коктел, границата помеѓу она што е ебено лудо и она што основано нè загрижува, почнува да нè крши – додаде таа.

Руската вакцина против коронавирусот ќе биде регистрирана на 12 август

Руската вакцина против вирусот Ковид-19, направена од центарот „Гамалеј“, ќе биде регистрирана на 12 август, а ќе биде прва што ќе ја примат медицински работници и постари жители на земјата, изјави денеска заменик-министерот за здравство на Русија, Олег Гриднев.

– Во тек е последната, трета фаза од тестирањето. Тестирањето на вакцината е многу важно. Треба да разбереме дека вакцината мора да биде безбедна. Медицинските работници и старите лица ќе бидат вакцинирани прво, рече Гриднев, додавајќи дека ќе биде можно да се процени ефикасноста на вакцината кога ќе се формира имунитет кај населението.

Претходно, министерот за здравство Михаил Мурашко најави дека масовната вакцинација против коронавирусот во Русија е планирана за октомври

Бил Гејтс со ново предупредување: Идната пандемија ќе биде полоша од ковид-19

Ако ги научивме лекциите на ковид-19, сега е време да започнеме да размислуваме како да ја спречиме следната пандемија - рече тој, додавајќи дека неактивноста не е одговорот.

Со право или не, во последните месеци сопственикот на „Мајкрософт“ Бил Гејтс е идентификуван како главен осомничен за избувнување на новата пандемија на коронавирусот, бидејќи уште во 2015 година американскиот тајкун го предупреди човештвото да се подготви за разурнувачки вирус.

Сега славниот милијардер предвидува кога да ја очекуваме следната пандемија, за која вели дека ќе биде уште полоша од ковид-19. Во својот личен блог, Гејтс пишува дека следната погубна пандемија за човештвото ќе бидат климатските промени.

– Иако целиот свет во моментов работи на ограничување на ширењето на новиот коронавирус и да започне со нејзино закрепнување, ние мора да започнеме да работиме денес за следната ваква пандемија, која се очекува да биде од климатските промени. Ние мора да бидеме иновативни за да се стави крај на штетните емисии на гасови или ќе се соочиме со еколошка катастрофа. Со други зборови, ако не постапиме сега, до 2060 година, човечката смртност од климатските промени ќе биде толку голема како што е сега од ковид-19. Сепак, до 2100 година, смртноста ќе биде пет пати поголема, коментира Бил Гејтс.

– Ако ги научивме лекциите на ковид-19, сега е време да започнеме да размислуваме како да ја спречиме следната пандемија – рече тој, додавајќи дека неактивноста не е одговорот.

Прогласена тридневна жaлост во Либан: Се очекува пораст на бројот на жртвите

Либанските спасувачки екипи и денеска продолжија со потрагата по преживеани меѓу урнатините по стравотната експлозија во Бејрут, во која животот го загубија најмалку 135 луѓе, а над 5.000 се повредени.

Премиерот Хасан Дијаб прогласи тридневна жалост почнувајќи од денеска, а првичните резултати од истрагата покажуваат дека виновник за експлозијата е невниманието на надлежните.

Без домови останаа 300.000 луѓе, соопштија властите.

Се очекува пораст на бројот на загинати во експлозијата за која властите откриваат големо складиште на високоексплозивен материјал, кој со години бил чуван во небезбедни услови во пристаништето.

Претседателот Мишел Аун изјави дека 2.700 тони амониумнитрат, кој се користи за ѓубриво и бомби, бил складиран шест години во пристаништето по запленувањето.

Тој додал дека владата е одлучна во тоа да истражи што побгуо што се случило и одговорните и оние што се однесувале неодговорно да бидат казнети.

Владата нареди пристанишните власти, кои учествувале во складирањето и чувањето на материјалот, да се стават во домашен притвор.

Властите не го потврдија потеклото на почетниот пожар, кој доведе до експлозија, но локалните медиуми и еден безбедносен извор наведуваат дека пожарот го предизвикале луѓе што заварувале.

Популарно