Коронавирусот е измама, а доказ за тоа е банкнотата од 10 австралиски долари, тврди една група Австралијци

Една група Австралијци смета дека станува збор за измама, и покрај тоа што коронавирусот однесе повеќе од 320.000 животи низ целиот свет досега. Тие тврдат дека доказот дека станува збор за заговор може да се најде на банкнотата од 10 долари.

Имено, овие теоретичари на заговор веруваат дека пандемијата на коронавирус е оркестрирана со цел да се вакцинираат граѓаните. Тие тврдат дека тајното општество на милијардери се обидуваат да воспостават доминација над планетата и тие планираат да го постигнат тоа преку контрола на луѓето со вакцина.

Движењето ја поддржува и идејата дека антените за 5G се опасни по здравјето на луѓето и на некој начин влијаат на ширењето на вирусот корона. А сега, се појави додаток на светската завера, а сето тоа можете да го видите на банкнотата од 10 австралиски долари.

Имено, некои од теоретичарите веруваат дека печатот на банкноти има слика на КОВИД-19 во десниот агол кога се гледа под микроскоп, пренесува „”News.co.au“.

– Кога ќе ја свртите банкнотата, го добивате ефектот во боја и тогаш симболот е видлив. Може да се види на сите банкноти … во овој случај, дизајнот на симболите е начинот на кој дизајнерот го толкувал типот на акација „Acacia Victoriae“ што е на банкнотите – велат од банката на резерви во Австралија.

Кејти Атвел од Универзитетот во Западна Австралија рече дека сегашната клима на конфузија и несигурност стана основа за теории на заговор.

– Општеството е несигурно и во страв и нивниот когнитивен процес е целосно нарушен. Владите на светските земји, особено на САД, не успеаја да го спречат коронавирусот, кој има потенцијал да ги исплаши граѓаните – истакнува Атвел.

– Тоа е нестабилен коктел, границата помеѓу она што е ебено лудо и она што основано нè загрижува, почнува да нè крши – додаде таа.

Во Велс 1.694 пациенти по грешка отпуштени од Психијатрија

Грешка која не смееше да се случи. Така здравствениот одбор во Велс ја опиша одлуката на психијатриската болница за време на пандемијата на коронавирусот да отпушти 1.694 пациенти, кои не биле за отпуст.

Сега болниците прават се за ментално заболените пациенти да се вратат на клиниката, додека властите се извинуваат на граѓаните.

Додатен проблем настанал кога испаднало дека не се знае точниот број на отпуштени пациенти.

На крајот дојдовме до цифра од 1.694 прерано пуштени пациенти од институцијата и тоа пациенти на кои и понатаму им е неопходна помош, соопштиле здравствените власти.

Кипар ги повикува туристите и ветува

Кипар вети дека ќе ги покрие трошоците на секој кој ќе биде позитивен на коронавирусот во текот на одморот на овој остров во Средоземното море.  

Владата на Кипар соопшти дека ќе ги покрие трошоците за привремено сместување, храна, пијалаци и лекови за пациентите кои се заболени од коронавирус и нивните семејства. Пациентите ќе мора да го платат само возењето со такси до аеродромот поради летот до дома.

За странските патници кои ќе бидат позитивни на тестот ќе биде одвоена болница со 100 кревети, а за пациентите во критична состојба ќе бидат резервирани 112 места на интензивна нега и 200 респиратори. За сместувањето на семејствата на пациентите и останатите блиски контакти ќе биде издвоен посебен “карантински хотел” со 500 соби.

Ваквите информации се наоѓаат во писмото на 5 страници кое е испратено до авиопревозниците и туристичките агенции. Во него се опишани строгите здравствени и хигиенски протоколи кои ќе стапат на сила на Кипар.

Туризмот има директен удел во кипарската економија од 13 отсто. Државата очекува оваа година да изгуби 70 отсто од 2,6 милијарди проценетиот приход од туризмот во оваа година.

Меѓународните летови на Кипар почнуваат од 9 јуни иницијално од 19 земји, а патниците мора да се тестираат на Ковид-19 три дена пред пристигнувањето. Ваквата мерка ќе биде укината на 20 јуни за 13 земји помеѓу кои се Германија, Финска, Израел, Грција и Норвешка.

извор: tocka.mk

Можна е повторна инфекција со коронавирусот дури и кај оние пациенти кои развиле имунитет кон вирусот

Повторна инфекција со коронавирусот е можна дури и кај оние пациенти кои развиле имунитет кон вирусот, тврдат руски лекари кои лекувале лица заболени од „ковид-19“.

Евгениј Шијато, шеф на работната група за спречување на коронавирусот во Санкт Петербург, тврди дека податоците што им се на располагање укажуваат дека инфекцијата со вирусот е можна дури и откако лицето веќе било заразено, пренесува ТАСС.

Шијато изјави дека денес е познато дека се потребни меѓу 100 и 120 дена за да се добие имунитет на вирусот, што значи дека теоретски постои можност за повторна инфекција во овој период.

Дури и кога некое лице го има прележано вирусот и има високо ниво на антитела, тоа не значи дека тој секогаш ќе биде заштитен од повторна инфекција, посочи овој руски лекар.

Јаков Накатис од Клиничката болница „Соколов“ бр. 122, во која се лекуваат пациенти со „ковид-19“, смета дека имунитетот на коронавирус може да биде сличен на имунитетот на грипот, од кој вакцината не заштитува секогаш. Накатис истакна дека степенот на имунитет не зависи од сериозноста на симптомите на болеста и дека зависи само од среќа дали некое лице повторно ќе се зарази или не.

Слично мислење има и Сергеј Петров од Градската болница „Свети Елизабета“ во Санкт Петербург, кој смета дека можна повторна инфекција и дека коронавирусот, како и секој друг вирус, може лесно да мутира, и тогаш стекнатиот имунитет веќе не би обезбедил заштита.

Во Русија, 362.342 лица се заразени со коронавирусот од почетокот на епидемијата, закрепнати се 131.129 пациенти, додека 3.807 починале.

Популарно