Венко Филипче: Градинките ќе започнат со работа на почетокот на јуни, а отворањето на границите се очекува кон средината на јули

Министерот за здравство Венко Филипче информираше дека скринингот во градинките завршува следната недела, најавувајќи дека детските установи ќе започнат со работа кон почетокот на јуни.

– Оваа недела би требало да заврши скринингот и веќе од онаа следна недела градинките ќе почнат со работа, значи отприлика на почетокот на јуни, рече Филипче во интервју на Телевизија 24.

На новинарското прашање кога се планира да се отворат границите, министерот нагласи дека тоа се очекува кон средината на јули.

– Средина на јули се очекува отворање на границите, тоа е разумен период кога би можеле да се отворат границите, посочи Филипче, апелирајќи дека луѓето можат да одат каде било доколку ги почитуваат мерките.

Епидемиолози и полицајци во акција да земат епидемиолошки анкети од 200-те присутни на погреб

Министерството за здравство во соработка со Центарот за јавно здравје Скопје, а под асистенција на Министерството за внатрешни работи, денеска ќе направат акција да се земат епидемиолошки анкети од семејството на покојникот кој починал во приватна болница и кој не бил закопан според протоколот за вирусот ковид-19, иако посмртниот брис му бил позитивен.

Директорот на Центарот за јавно здравје во Скопје информираше дека семејството не сакало да се тестира и да соработува со епидемиолозите, и покрај тоа што на погребот имало 200 присутни луѓе.

Во моментов, осум вработени од приватната болница се во изолација поради контактот со пациентот кој починал и кај кого посмртно му бил дијагностициран коронавирусот.

Почина Горан Пандев, најголемиот навивач На “Академија Пандев“

На 28-годишна возраст почина Горан Пандев, познат како Гокче, најверниот навивач на ФК „Академија Пандев“ кој има исто име и презиме со сопственикот на клубот и капитен на македонската фудбалска репрезентација, Горан Пандев.

„Со голема тага и жалост ја примивме веста за нашиот верен поддржувач со исто име и презиме со нашиот сопственик Горан Пандев. Гокче беше присутен на секој домашен и гостински натпревар на ФК Академија Пандев, а беше и голем пријател на безброј спортисти и спортски работници. Почивај во мир Гокче, никогаш нема да бидеш заборавен“, објавија на Фејсбук страната на прволигашот ФК „Академија Пандев“.

Филипче: Да го зачуваме Клинички уреден, сликите од минатото да не ни се повторуваат

Министерот за здравство, Венко Филипче на својот Фејсбук профил објави фотографии од новиот изглед на Клиничкиот центар по реконструкцијата.

„Со нов лик, нови и проширени тротоари, зелени појаси и дрвореди, одвоени ленти за итна помош, патеки за посетители и лица со медицински помагала и велосипеди, како и ново улично осветлување. Да го зачуваме Клинички уреден, сликите од минатото да не ни се повторуваат.“

Јавното здравје е заедничка одговорност – од нас зависи, напиша Филипче.

Популарно