До утре ќе се знае дали ќе има нов полициски час

Комисијата за заразни болести најдоцна до утре ќе одлучи дали ќе предложи враќање на рестриктивните мерки за време на продолжениот викенд, пред христијанскиот празник Духовден.

– Одлуката ќе ја донесеме во следните неколку денови, сигурно до четврток, имајќи предвид дека и в петок има празник, кога може да се случи граѓаните да не ги почитуваат превентивните мерки. Во однос на тоа како ќе се изведе, сигурно добро ќе се разгледаат регионите, па потоа ќе разговараме со одговорни лица во МВР, кои што евентуално би го организирале сето тоа. До четврток ќе се донесе дефинитивна одлука за тоа како ќе се организира движењето во текот на викендот, изјави вчера министерот за здравство Венко Филипче.

Тој упати пораки до граѓаните дека игнорирањето на вирусот и негирањето дека тој постои, нема да помогне во надминувањето на оваа состојба и уште еднаш упати апел да се почитуваат превентивните мерки-носење маска, држење дистанца и често миење раце.

Министерот Филипче потенцира дека нашиот здравствен систем има капацитет да се справи со новиот бран на болеста.

– Има суштинска разлика меѓу првиот и овој бран.Тогаш, не знаевме што може да очекуваме, не знаевме колку може да се прошири вирусот, имаше многу непознати и за самиот вирус не знаевме колку може да го оптовари здравствениот систем, истакна Филипче, кој потенцира дека сега точно знаат што се случува.

Во однос на новозаразените во Штип, Државниот санитарен и здравствен инспекторат информира дека во тој град се затворени шесте конфекции, дадени се 55 решенија за самоизолација, а во текот на следните денови ќе се тестираат вкупно околу 600 вработени. Досега се направени 100 тестирања.

Во Тетово се издадени осум решенија за позитивно дијагностицирани пациенти, 54 за нивни контакти и има информации за еден нов кластер, еден позитивен со решение за самоизолација, а се прават анкети на 40 вработени. Се работи за правен субјект во Тетово, информира министерот Филипче.

Во однос на активностите на други места, тој посочи дека од вчера има 12 позитивни регистрирани од кумановскиот Центар за јавно здравје, од кои 11 се од Липково. Во однос на Липково, Чаир и Студеничани, Филипче истака дека дијагностицираните се во рамки на десет семејства.

– Огромен број контакти од вкупно дијагностицираните се во рамки на десет семејства, и тука се прават интервјуа, се ставаат луѓе во изолација, и се тестира согласно ризикот кој епидемиолозите го проценуваат од анкетите, додаде Филипче.

Меѓу новозаразените  е и полицаец од пограничната полиција, кој бил на должност на јужната граница на нашата држава, по враќањето во Унгарија бил тестиран и е позитивен на коронавирусот.

Завчера биле направени анкети на триесетина странски полицајци на јужната граница и 30 наши, кои биле во контакт со полицаецот кој заминал. Анкетите се завршени и издадени се решенија за изолација.

Според Филипче, огромен број контакти од вкупно дијагностицираните се во рамки на десет семејства и тука се прават интервјуа, се ставаат луѓе во изолација и се тестира, согласно ризикот кој епидемиолозите го проценуваат од анкетите.

Позитивни на Ковид-19 две штитенички и тројца вработени во објекти на дом за стари лица во Ченто и Кадино.

Министерот за здравство Венко Филипче денеска информираше дека на состанок, претставници од Фудбалската федерација на Македонија и членовите на Комисијата за заразни болести донеле одлука да се тестираат сите спортисти пред почетокот на сезона, како и лицата кои се инволвирани во тренинзите.

Тој посочи дека донеле одлука да почнат индивидуалните спортови како тенис, а во однос на тестирањата за групните спортови, истакна дека тоа е договорено на официјалниот состанок на Федерацијата и Комисијата за заразни болести.

Министерството за здравство информираше дека вчера биле дијагностицирани 76 случаи позитивни со коронавирус, еден починат и 26 оздравени. Вкупната бројка на дијагностицирани се искачи на 2391.

Од направени 885 тестирања, вчера беа регистрирани 76 нови случаи на ковид-19 и тоа во: Скопје-52, Куманово-2, Штип-1, Тетово-14, Велес-2, Гостивар-2, Кочани-1, Пробиштип-1 и Кратово-1.

Институтот за јавно здравје регистрира 26 оздравени пациенти во: Скопје-12, Куманово-2, Тетово-11 и Гостивар-1.

Во ГОБ „8 септември“ почина пациентка од Струга (56г) примена во болницата на 21 мај како сомнителна на ковид, потврдена позитивна по прием во болница.

(Видео) Закрепнува пациентот на кој му беше трансплантирано срце

Сам во болничка соба под постојан надзор на медицински лица...Иван Огњановски го живее својот втор живот. Овој 54-годишен скопјанец е првиот пациент што доби срце од починат донор. Во градите на Иван повеќе од 40 дена чука срцето на Емилија Динева, чие семејство и покрај големата загуба одлучи да спасИ човечки живот. Секој ден на ехо ги слуша отчукувањата.

 -Тоа го гледам скоро секој ден..На ехо ме ставаат слушам дека не е пластика или некоја играчка, вели Иван Огњановски.

Единствен спас за Иван била трансплантација на срце. Пред да биде изведена оваа сложена интервенција, му се слошило и се разбудил во болница. Знаел дека е прв пациент на кого ќе работи бројниот медицински тим, но му верувал на кардиохирургот Јовев дека ќе успеат.

-Др. Јовев ме предупреди..нема мрдање нигде, денес ќе го добиеш срцето. Беше решен дека ова ќе успее, вели Иван.

-За моментот кога се разбуди, кога свати дека операцијата завршила?

Да ви кажам уште не бев свесен дека сум опериран. Малку потешко, кога почнав да ги правам првите чекори видов дека тоа било тешка операција, не дамо легни стани и оди си, вели Иван.

На кардиохирургија Иван вели дека се чуствува безбеден, сигурен и како да е дома.

-Има три сестри, Маријана, Елена и Бојана тие се 24 часа со мене, се менуваат...вели Иван.

Иван има една голема желба кога ќе излезе од болница.

Благодарност на семејството Диневи. Кога ќе оздравам сакам да се запознаам со нив. Јас сум член на нивното семејство.

Хируршката интервенција почна на 22 мај ноќта...заврши на 23 во раните утрински часови...Во кардиохирургија беа собрани и државно и приватно здравство. Околу 200 лица учествуваа во процесот со кој ја испишаа историјата во македонското здравство а сите претходни подготовки ги направи тимот на националниот координатор за трансплантација каде се 5 жени.

 -Ние знаевме но требаше и да покажеме. Се помина добро, тој сега е добар, ќе го пуштиме дома но ќе мора да ја зема терапијата, ќе го следиме постојано, вели проф. Др. Сашко Јовев директор на Клиника за државна кардиохирургија.

Преку примерот на Огњановски, кардиохирурзите сакаат да ја подигнат свеста за органодаритерлството во нашата земја.

-По повеќе од 40 дена поминати на клиника, наредната недела Иван огњановски ќе ја напушти државната кардиохирургија и ќе си замине дома во добра здравствена состојба.

Иван го оставивме во болничката соба со број 1, каде вели дека е безбеден и опкружен со медицинскиот персонал.

Довидување да сме живи и здрави...

Извор: Сител

Денес се регистрирани 147 новозаразени од Ковид-19 во земјава

Во последните 24 часа се направени 1296 тестирања, а регистрирани се 147 нови случаи на ковид-19.

- Скопје 64

- Куманово 8

- Штип 6

- Прилеп 3

- Тетово 16

- Струга 7

- Велес 5

- Битола 4

- Охрид 5

- Гостивар 9

- Струмица 1

- Крива Паланка 1

- Кочани 1

- Пробиштип 1

- Кратово-1

- Свети Николе 7

- Кичево 4

- Ресен 4

Починати се 6 лица, тројца пациенти од Скопје, еден од Куманово, еден пациент од Штип и еден од Берово.

Денеска Институтот за јавно здравје регистрира 111 оздравени пациенти.

- Скопје 56

- Штип 7

- Тетово 36

- Велес 2

- Битола 3

- Гостивар 1

- Гевгелија 2

- Струмица 1

- Свети Николе 1

- Ресен 2

Досега во земјата се направени вкупно 66.133 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 6932, бројката на оздравени пациенти е 2987, на починати е 334, а во моментов бројот на активни случаи во земјата изнесува 3611.

Кочанчанец кој не носел маска исте*ал вработен во маркет бидејќи бил предупреден да излезе

Надворешната канцеларија за криминалистички работи Кочани поднесе кривична пријава против В.Ѓ. (32) од Кочани, поради постоење основи на сомнение за сторено кривично дело „насилство“.

Како што соопшти МВР, на 28.04.2020 пријавениот влегол во маркет каде од вработената му било укажано дека треба да носи заштитна маска. Тој почнал да ѝ упатува закани, а кога другиот вработен В.С. му рекол да го напушти маркетот, В.Ѓ. физички го нападнал, користејќи и тврд предмет.

Популарно