СДСМ и ВМРО-ДПМНЕ во заедничка коалиција по изборите: Причината е јасна

На 15-ти јули ќе се одржат одложените парламентарни избори, кои првично требаше да се одржат на 12-ти април, но поради пандемијата со корона вирусот, истите беа одложени. Сега, за прв пат ќе се гласа три денови, а втор пат главниот ден на изборите ќе биде среда.

Овие избори од многу аспекти ќе бидат поразлични од другите, а не е исклучена можноста и коалицирањето после изборите да биде многу поразлично од она нормалното на кое сме навикнати до сега.

Обично имаше коалиции победник со победник, а на последните парламентарни избори имаше владина коалиција меѓу СДСМ и ДУИ, иако СДСМ имаше два пратеници помалку од ВМРО-ДПМНЕ, кои заминаа во опозиција.

Сега сите опции се во игра, секој со секого може да коалицира, а се погласно меѓу аналитичарите се зборува дека реална е опција и коалиција помеѓу СДСМ и ВМРО-ДПМНЕ. А зошто е тоа така? Причината е јасна, нивниот коалициски партнер во минатото – ДУИ.

ДУИ влезе во кампања со крајно националистички барања. Во нивната програма влегува и мултиетничка химна, задолжителнио учење на албанскиот јазик, но и прогласување на 13-ти август денот на потпишувањето на Охридскиот договор како национален празник.

Промовирајќи ја својата програма Насер Зибери уште еднаш меѓу приоритетите го вброи ветингот на сите носители на јавни функции како и судии и обвинители. Порача дека назначувањето на иден премиер албанец нема ништо да им земе на македонските граѓани но мора да се почитува како што рече концептот еднакво општество за сите во кое ќе се донесуваат консензуални одлуки.

Зибери ја презентираше програмата само на албански јазик со обезбеден превод за медиумите пред Владата. На презентацијата беа присутни членови и симпатизери на ДУИ.

Сето ова буди голем револт, каков во СДСМ, така во ВМРО-ДПМНЕ, но и сите други албански партии освен ДУИ. Едноставно велат не е дозволиво со таква програма да настапуваат на изборите.

Дека е можно да има коалиција меѓу ВМРО-ДПМНЕ и СДСМ најави и поранешниот министер за образование и здравство во владите на Никола Груевски, Никола Тодоров.

Зошто да не СДСМ и ВМРО да направат коалиција? И така СДСМ е отворена и за македонските Албанци, има доста албански функционери, членови, но и доста албански гласови. А ја има и Беса во предизборна коалиција.

Зошто да нема коалиција помеѓу ВМРО, СДСМ, и БЕСА?

Или пак ако сме исто толку националистички настроени зошто да нема коалиција само помеѓу ВМРО и СДСМ без ниту еден Албанец во власта? Зошто да не? – Напиша Тодоров во својот статус на профилот.

Според досегашните анкети, СДСМ и ВМРО-ДПМНЕ тешко веројатно е дека ќе имаат 61 пратеник, што би значело дека една од партиите ќе може може да направи влада, а ако условот на ДУИ е премиер Албанец, тогаш коалицијата СДСМ/БЕСА-ВМРО ДПМНЕ е се поизвесна.

(Видео) Обраќање на претседателот на МОРО - Работничка партија Горан Зафировски

Македонија е држава во Европа. Влезот во Европската Унија треба да го оствариме како резултат на исполнување на европските стандарди и услови за живот, а не како награда илимилостина.

Нашите граѓани треба да бидат рамноправни со граѓаните во ЕУ. Македонскиот производ треба да биде ценет и баран во светот. Нашиот работник треба да биде платен подобро од работникот во европската унија.

(Видео) Закрепнува пациентот на кој му беше трансплантирано срце

Сам во болничка соба под постојан надзор на медицински лица...Иван Огњановски го живее својот втор живот. Овој 54-годишен скопјанец е првиот пациент што доби срце од починат донор. Во градите на Иван повеќе од 40 дена чука срцето на Емилија Динева, чие семејство и покрај големата загуба одлучи да спасИ човечки живот. Секој ден на ехо ги слуша отчукувањата.

 -Тоа го гледам скоро секој ден..На ехо ме ставаат слушам дека не е пластика или некоја играчка, вели Иван Огњановски.

Единствен спас за Иван била трансплантација на срце. Пред да биде изведена оваа сложена интервенција, му се слошило и се разбудил во болница. Знаел дека е прв пациент на кого ќе работи бројниот медицински тим, но му верувал на кардиохирургот Јовев дека ќе успеат.

-Др. Јовев ме предупреди..нема мрдање нигде, денес ќе го добиеш срцето. Беше решен дека ова ќе успее, вели Иван.

-За моментот кога се разбуди, кога свати дека операцијата завршила?

Да ви кажам уште не бев свесен дека сум опериран. Малку потешко, кога почнав да ги правам првите чекори видов дека тоа било тешка операција, не дамо легни стани и оди си, вели Иван.

На кардиохирургија Иван вели дека се чуствува безбеден, сигурен и како да е дома.

-Има три сестри, Маријана, Елена и Бојана тие се 24 часа со мене, се менуваат...вели Иван.

Иван има една голема желба кога ќе излезе од болница.

Благодарност на семејството Диневи. Кога ќе оздравам сакам да се запознаам со нив. Јас сум член на нивното семејство.

Хируршката интервенција почна на 22 мај ноќта...заврши на 23 во раните утрински часови...Во кардиохирургија беа собрани и државно и приватно здравство. Околу 200 лица учествуваа во процесот со кој ја испишаа историјата во македонското здравство а сите претходни подготовки ги направи тимот на националниот координатор за трансплантација каде се 5 жени.

 -Ние знаевме но требаше и да покажеме. Се помина добро, тој сега е добар, ќе го пуштиме дома но ќе мора да ја зема терапијата, ќе го следиме постојано, вели проф. Др. Сашко Јовев директор на Клиника за државна кардиохирургија.

Преку примерот на Огњановски, кардиохирурзите сакаат да ја подигнат свеста за органодаритерлството во нашата земја.

-По повеќе од 40 дена поминати на клиника, наредната недела Иван огњановски ќе ја напушти државната кардиохирургија и ќе си замине дома во добра здравствена состојба.

Иван го оставивме во болничката соба со број 1, каде вели дека е безбеден и опкружен со медицинскиот персонал.

Довидување да сме живи и здрави...

Извор: Сител

Денес се регистрирани 147 новозаразени од Ковид-19 во земјава

Во последните 24 часа се направени 1296 тестирања, а регистрирани се 147 нови случаи на ковид-19.

- Скопје 64

- Куманово 8

- Штип 6

- Прилеп 3

- Тетово 16

- Струга 7

- Велес 5

- Битола 4

- Охрид 5

- Гостивар 9

- Струмица 1

- Крива Паланка 1

- Кочани 1

- Пробиштип 1

- Кратово-1

- Свети Николе 7

- Кичево 4

- Ресен 4

Починати се 6 лица, тројца пациенти од Скопје, еден од Куманово, еден пациент од Штип и еден од Берово.

Денеска Институтот за јавно здравје регистрира 111 оздравени пациенти.

- Скопје 56

- Штип 7

- Тетово 36

- Велес 2

- Битола 3

- Гостивар 1

- Гевгелија 2

- Струмица 1

- Свети Николе 1

- Ресен 2

Досега во земјата се направени вкупно 66.133 тестирања на ковид -19. Денеска нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 6932, бројката на оздравени пациенти е 2987, на починати е 334, а во моментов бројот на активни случаи во земјата изнесува 3611.

Популарно