Д-р Беќаровски: Знаете ли каков е душевниот траор во болница?

Д-р. Нико Беќаровски од Клиниката за токсикологија, објави емотивен статус на неговиот профил на Фејсбук, опишувајќи го последните обиди на тешко болните од Ковид-19 да дојдат до воздух. Порачува на граѓаните дека не е тешко сето ова да се спречи, само треба сите да бидат одговорни и дисциплинирани.

Ова е неговата објава:

Како доктор кој цели 30 години работи УРГЕНТНА МЕДИЦИНА, смртта постана дел од мојата работа. Во сите овие години бројни човечки судбини и животи згаснувале пред моите очи. Да, и по толку години секое згаснување на човечкиот живот, остава белег во некоја мозочна келија, но и чемер во душата.

Но тоа што не може никогаш да се избрише КОГА ПРЕД ВАШИТЕ ОЧИ ЗГАСНУВА ЖИВОТ, КОЈ СЕ БОРИ ДА ВДИШЕ ВОЗДУХ. На почетокот е потполно свесен, Ве моли да му го зголемите доводот на кислородот, а Вие знаете дека веќе сте го ставиле апаратот на максимум. Ве прободува со исплашен поглед, зениците очајно му се шират, се погласно моли и проколнува за малку кислород. По неколку минути започнува неповрзано да зборува, да вика, да пцуе да испушта разни звуци, мозочната хипооксија го прави своето. Полека започнува да помодрува, да набрекнуваат вратните жили, градниот кош непрекинато се шири и собира, четириесетина пати во минута и оддеднаш МОЛК. Во првиот момент Ви олеснува, бидејќи знаете дека маките на пациентот престанале, но тогаш започнуваат Вашите маки, Вашиот неспокој, кој уште долго ќе Ви го одзема сонот, тие десеттина минути ќе бидат Вашиот постојан НЕМИР.

Драги мои сограѓани, приближно вака згаснува секој фатален исход од НОВИОВ МОНСТРУМ.

Со нашето неодговорно однесување, дозволивме здравствените капацитети да ни се преполнат. Немојте да дозволиме да се доведеме во ситуација кога овие апокалиптични сцени ќе станат наше секојдневие. Добро размислете, дали со Вашето несовесно однесување ќе бидете и Вие сведок, кога некој Ваш близок ќе го поминува овој пекол. А, лузната која ќе Ви остане во душата доживотно ќе Ве прогонува.

А ТОЛКУ ЛЕСНО МОЖЕ ОВОЈ ДУШЕВЕН ТРАОР ДА СЕ СПРЕЧИ !!!!

2 метри дистанца, носење маски каде треба, миење раце, одговорно однесување

Дали е премногу, дали е претешко ????

Колку чини лекувањето на еден пациент со „Ковид-19“ на државен трошок?

Болничкиот третман за еден пациент заразан од Ковид 19, го чини здравствениот систем илјадници евра. Почнувајќи од диагностицирањето со тест, клинички услуги, терапија со лекови и два други теста, до целосно лекување, просечниот трошок достигнува 2,628 евра за еден пациент.

Пациентот не плаќа никаков трошок. Овие податоци на Министерството за здравство се пресметани за 13 дневен престој во болница за еден пациент со тешка клиничка слика предизвикана од Ковид 19.

„Од пациентот нула па се до почетокот на август вкупниот трошок на болничките услуги за сите пациенти хоспитализирани од Ковид – 19 достигна шест милиони евра или близу 370 милиони денари“.

Пресметката на овој трошок е направен од податоците на ИЈЗ, од каде што известуваат дека до почетокот на август, кога вкупната бројка на заразени достигна 11 илјади, на болничко лекување се третирани над 2.000 пациенти. Според нив, актуелно од целата земја во болнички услови се третираат над 20% од пациентите. Во моментов во целава земја во болнички услови се третирани 338 пациенти со Ковид 19, од нив 109 се на кислородна терапија и 12 на механичка вентилација.

Од друга страна, милиони евра се потрошени и за масовните тестирања на суспектни и на останатите лица кои биле во контакт. Досега се реализирани над 110 илјади ПЦР тестови, каде според тендерскара цена од 3,500 денари за еден тест, државата ја чинело над 6,2 милиони евра. Само 25 илјади тестови се донации, останатите трошоци за направени тестови во државните лаборатории пациентите не ги плаќаат од нивниот џеб, туку ги покрива Фондот за здравствено осигурување.

izvor - alsat-m.tv/

Нухиу: Потпишани актите за албански јазик на полициските симболи

Агим Нухиу, министерот за внатрешни работи, на Фејсбук објави дека се потпишани подзаконските акти за воведување на полициски униформи на кои ќе биде испишан и албанскиот јазик на симболите.

„Потпишавме нормативни акти за амблеми на полициските униформи на албански јазик (Сообраќајна полиција, гранична полиција, хеликоптерска полиција, одделенијата за специјални задачи…)!“, напиша Нухиу на Фејсбук.

Нухиу го наследи Наќе Чулев на чело на МВР откако на овој му истече мандатот според договорот за техничка Влада, а оретходно министер беше Оливер Спасовски. Тој беше министер и по изборите во декември 2016 пред да се формира новата Влада.

Деветнаесет години од загинувањето на бранителите кај Љуботенски бачила

По повод 19 години од загинувањето на бранителите кај месноста Љуботенски бачила во 2001 година денеска пред нивното спомен одбележје во скопско Волково ќе биде положено цвеќе од делегации од општината и армијата.

На 10 август 2001 година, воено товарно возило на Армијата на патот кај месноста Љуботенски бачила нагази на две противтенковски мини.

Животот го загубија Томе Бадаровски, Гоце Чанкуловски, Бранко Јанев, Томислав Настевски, Марјанчо Бошковски, Ивица Златевски, Томе Димовски и Раде Јанковски, сите припадници на резервниот состав на Армијата од гарнизонот Скопје.

Популарно