Во Белград прогласена вонредна состојба поради Ковид-19

Градоначалникот на Белград Зоран Радојчиќ, на предлог на Штабот за вонредни ситуации, донесе одлука за прогласување вонредна ситуација, која стапува во сила денеска. Вонредната ситуација се воведува поради спроведување на превентивни заштитни мерки и заштита на животите на населението во услови на пандемијата на Ковид-19.

Белградскиот градоначалник прецизираше дека Одлуката се носи поради спроведување на процедурата за воведување на три нови мерки, со цел спречување на ширењето на Ковид-19.

Српскиот претседател Александар Вучиќ синоќа ги најави трите мерки, со кои се предвидува ноќните клубови, сплавовите и кафулињата што немаат тераси во Белград да бидат затворени на две недели во периодот од 23 часот до 6 часот наутро. Тој додаде дека парично ќе бидат казнети лицата кои нема да носат заштитни маски во трговските центри и јавниот градски и меѓуградски превоз. Ќе бидат затворени и студентските домови затоа што голем број студенти се заразени.

Бројот на луѓе собрани во затворено ќе биде ограничен на 100, на растојание и со маски, а на отворено на 500 лица.

Ситуацијата во Белград е најпроблематична затоа што 82,5 проценти од сите заразени се регистрирани во главниот град на Србија. 

Србија воведува задолжителен ПЦР тест и 14-дневен карантин за странците?

Србија во текот на оваа недела веројатно ќе воведе задолжителен ПЦР тест и 14-дневен карантин за странците кои доаѓаат од одредени земји.

Како што дознава „Телеграф.рс“ во Кризниот штаб за борбата против коронавирусот, списокот на земји за кои ќе се воведе карантин сè уште не е составен.

„Неопходно е во секлоја од земјите да се разгледа епидемиолошката состојба, што и се прави, така што врз основа на тоа ќе се донесе одлука“, изјавиле од Кризниот штаб на Србија.

Србија во моментов ја нема оваа мерка за ниту една земја.

Сепак, границите со Црна Гора се затворени. Најавена е можноста за отворање на границата со Бугарија на 16 август.

На 8 август пристигнаа информации од Германија дека во таа земја не може да се влезе без негативен тест за вирусот корона.

Грчките граници беа отворени за кратко време. Од Хрватска порачуваат дека нема влез без негативен ПЦР тест, кој е стар најмногу 72 часа.

А од почетокот на месецот, пак, се знаеше дека од друга страна е можно да се организираат патување во БиХ, Албанија, Турција и Египет од другата страна.

Три дена по породувањето од ковид-19 почина директорката на Институтот за мајки и деца во Сараево

Директотка на Институтот за мајки и деца во Сараево, Белма Шољанин, починала денеска од последици предизвикани од коронавирусот. Како што пренесуваат босанските медиуми, 37-годишната Шољанин, била хоспитализирана во 35. недела од бременоста, со тешка клиничка слика и запаление на градите.

Кога бременоста се развила до минималната зрелост на бебето, бил направен царски рез, по што повторно била ставена во изолација и продолжило лекувањето.

Три дена подоцна, Шољанин ја загубила битката.

Нејзиниот сопруг и двете ќерки, исто така се заразени, додека новороденото момче е негативно.

Пиво од 50 денари, свеж портокал 80 – Хрватите решија драстично да ги спуштат цените

Aко изминатите години Хрватска важеше за една од поскапите туристички земји, а фотографиите со фискални сметки на туристите го изненадија регионот поради високите цени, здравствената криза го промени тоа. Се изненадиле од цените во Дубровник, за пица, два сока и кафе платиле помалку од 10 евра

Репортерите на „Глас Истре“ пишуваат дека ја пронашле најевтината плажа на јадранското приморје годинава. Станува збор за плажата Дуга Увала на источната обала на Истра.

За да ги привлечат гостите во оваа тешка сезона, менаџментот на хотелот кој се наоѓа во близина на плажата, решил годинава да понуди доста попристапно мени. Топка сладолед кошта 40 денари, што за хрватското приморје е премија. За мало пиво треба да одвоите 50 денари, а за големо 80. И соковите се продаваат колку и сладоледот, а свежо цедените сокови и палачинките, пак, 80 денари.

Порција свежи сардини тука чини само 170 денари, а најдобриот дел од сè, според хрватските репортери, е што бесплатно е користењето на голема трамполина.

Популарно