СЗО откри колку ќе траат ефектите од Ковид-19 кој го спореди со катастрофа

Глобалната пандемија на новиот коронавирус е вид катастрофа, чии ефекти ќе траат долго во иднината, нагласи денеска генералниот директор на Светската здравствена организација (СЗО), Тедрос Аданом Габрејесус.

– Пандемијата е здравствена криза што се јавува еднаш во сто години и влијанијата ќе траат со децении, рече Тедрос на состанокот на комисијата за итни случаи на СЗО, според извештаите објавени од организацијата.

Пандемијата уби повеќе од 670.000 луѓе откако избувна во Вухан, а дијагностицирани се повеќе од 17 милиони заразени лица.

– Иако знаењето за новиот вирус напредуваше, многу прашања остануваат неодговорени и популацијата останува ранлива, потенцира Тедрос.

– Првичните резултати од серолошко истражување даваат конзистентна слика: најголем дел од светската популација останува подложна на вирусот, дури и во области што се сериозно погодени од заразата, рече тој.

– Многу земји што веруваа дека најлошото заврши, сега се соочуваат со ново ширење на инфекцијата. Некои земји што беа сериозно погодени во последните неколку недели, сега бележат зголемување на бројот на инфекции и смртни случаи, истакна Тедрос.

Веќе 20 држави побараа од Русија да купат една милијарда дози од првата вакцина против корона

Вкупно 20 земји од Латинска Америка, преку Блискиот исток, до Азија, побараа од Русија да им ја обезбеди првата вакцина во светот против вирусот корона – Спутник В.

Првата вакцина против корона вирусот што беше регистрирана во светот беше онаа направена во Русија. Регистрацијата на вакцината ја потврди и рускиот претседател Владимир Путин, кој исто така изјави дека неговата ќерка ја примила вакцината.

Кирил Димитријев, директор на рускиот фонд за директни инвестиции (РДИФ), објасни дека тие веќе добиле нарачки за милијарда дози на вакцината, пренесува РТ.

„Заедно со странските партнери, ние сме подготвени да произведуваме повеќе од 500 милиони дози на вакцината годишно“, рече Димитријев. Тој додаде дека вакцините произведени во Русија ќе се користат во самата земја, додека оние произведени од странски партнери ќе бидат достапни за други земји.

(Фото) Владимир Путин: Ја направивме првата вакцина против вирусот! И ќерка ми ја тестираше!

Претседателот на Русија, Владимир Путин објави дека во Русија е направена првата вакцина против опасниот вирус.

„Колку што знам, утринава, првпат во светот, е регистрирана вакцина против вирусот“, кажа Путин на состанокот со членовите на Владата.

Путин кажа дека знае за вакцината која е ефикасна, па формира стабилен имунитет и ги минала сите неопходни проверки.

„Се надевам дека во најскоро време ќе може да почнеме масовно производство и тоа е најважно. Масовно производство на овој лек. Така сите кои го сакаат тоа, треба да го направат доброволно, за што зборував повеќе пати, сите може да го искористат развојот и достигнувањата на нашите експерти“, кажа Путин.

Путин рече дека првата вакцина во Русија е одобрена, ќерка му веќе се вакцинирала

Рускиот претседател Владимир Путин објави дека Министерството за здравство на неговата земја ја одобрило првата вакцина против новиот коронавирус во светот, додавајќи дека неговата ќерка веќе ја примила инјекцијата.

Вакцината, изработена од московскиот институт Гамалеја, денеска доби зелено светло од руското Министерство за здравство, откри Путин. Тој рече дека се надева оти Русија наскоро ќе почне со масовно производство на вакцината против ковид-19.

Тој откри дека неговата сопствена ќерка веќе е вакцинирана против вирусот. Рускиот претседател рече дека неговата ќерка имала мала температура откако ја примила вакцината, но дека тоа брзо поминало.

„Една од моите ќерки ја прими вакцината. Во оваа смисла, таа учествуваше во експериментот. По првото вакцинирање, таа имаше температура од 38, следниот ден - 37 и тоа беше сè.“

Заменик-премиерката на Русија Татјана Голикова рече дека вакцината ќе им биде давана на здравствените работници од почетокот на септември. За пошироката јавност ќе биде достапна почнувајќи од јануари.

Вишиот министер Михаил Мурашко минатата недела објави дека се планира во октомври да почне национална програма за масовна вакцинација. Мурашко додаде дека сите трошоци ќе бидат покриени од владата.

Брзината со која Русија ги врши истражувањата и одобрувањето на формулата предизвика скепса кај Западот, а СЗО дури повика и на претпазливост кон руската вакцина, но Вадим Тарасов, врвен научник на Сеченов, вели дека земјата била во предност бидејќи последните 20 години ги поминала во развивање на вештините на ова поле и во обиди да открие како се пренесуваат вирусите.

Популарно