ДЕТАЛИ ЗА ТРАГЕДИЈАТА ВО ПРЕСПА: Загина жена, тешко повредени три лица, меѓу нив и 10 годишно дете

Во тешка сообраќајна несреќа што се случи попладнево во Преспа, едно лице загина, а три се тешко повредени, меѓу кои е и 10 годишно дете, објавува Телма.

Животот го загуби жена на околу 60 година, а со тешки повреди се здобиле девојче на 10 години и маж на 40 тина години. Ови две лица првично  се пренесени во Клиничката болница во Битола, но поради сериозноста на повредите во моментот се транспортираат на Клиниките во Скопје.

Во  битолската болница  со тешки повреди е хоспитализирано уште едно лице од оваа несреќа, на возраст од околу шеесетина години, потврдуваат за Телма од оваа здравствена установа.

Еден починат и тројца повредени во сообраќајна незгода помеѓу два мотоцикли

На 11.08.2020 во 23.45 часот било пријавено дека во с.Кадино, скопско, се случила сообраќајна незгода помеѓу мотоцикл „пиаџо“, без регистарски ознаки, управуван од Ф.А.(18) од Скопје, на кој се превезувала 17-годишна сопатничка од Скопје и мотоцикл „малагути“, без регистарски ознаки, управуван од 16-годишник од с.Јурумлери, скопско, на кој како сопатник се превезувал 15-годишник од Скопје.

На местото на незгодата oд лекар на Итна медицинска помош кај 16-годишниот мотоциклист е констатирана смрт, додека останатите се здобиле со тешки телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“, каде биле пренесни за укажување на лекарска помош.

Извршен бил увид на местото на незгодата од увидна екипа од СВР Скопје. 

МВР со детали за пожарот во Ново Лисиче- изгореа три автомобили

„На булеварот АСНОМ, на паркинг има целосно опожарено возило марка „сеат алтеа“ со скопски регистарски таблици, сопственост на М.Ј. (35) од Скопје и делумно опожарени две возило марка „фиат пунто“ сопственост на И.Н. (41) од Скопје и возило „мерцедес“ со скопски регистарски таблици сопственост на К.С. (73) од Скопје.

Пожарот беше изгаснат од Противпожарната бригада, повредени лица нема.

Се работи на расчистување на случајот“, велат од МВР.

Видео: Се запалија неколку автомобили на паркинг во Ново Лисиче

Утрово во скопската населба Ново Лисиче, на паркинг гореа автомобили. Жителите од околните згради се собраа да го гаснат пожарот, а некои и си ги преместуваа своите возила, за да не ги зафати огнот и нив.

На социјалните мрежи се појави видео од инцидентот.

Од МВР велат дека едно возило изгорело, а други две биле делумно опожарени.

„ На булеварот АСНОМ, на паркинг констатирано е дека целосно е опожарено возило марка „сеат алтеа“ со скопски регистарски таблици, сопственост на М.Ј. (35) од Скопје и делумно опожарени две возило марка „фиат пунто“ сопственост на И.Н. (41) од Скопје и возило „мерцедес“ со скопски регистарски таблици сопственост на К.С. (73) од Скопје. Пожарот беше изгаснат од Противпожарната бригада, повредени лица нема. Се работи на расчистување на случајот“, велат од МВР.

Популарно