Еден починат и тројца повредени во сообраќајна незгода помеѓу два мотоцикли

На 11.08.2020 во 23.45 часот било пријавено дека во с.Кадино, скопско, се случила сообраќајна незгода помеѓу мотоцикл „пиаџо“, без регистарски ознаки, управуван од Ф.А.(18) од Скопје, на кој се превезувала 17-годишна сопатничка од Скопје и мотоцикл „малагути“, без регистарски ознаки, управуван од 16-годишник од с.Јурумлери, скопско, на кој како сопатник се превезувал 15-годишник од Скопје.

На местото на незгодата oд лекар на Итна медицинска помош кај 16-годишниот мотоциклист е констатирана смрт, додека останатите се здобиле со тешки телесни повреди, констатирани во Комплексот клиники „Мајка Тереза“ и Градската општа болница „Св.Наум Охридски“, каде биле пренесни за укажување на лекарска помош.

Извршен бил увид на местото на незгодата од увидна екипа од СВР Скопје. 

Детали за грозоморното убиство во Гостивар: Синот ја пронашол масакрираната мајка

Во Гостивар е убиена 60-годишна жена. За убиството осомничен е нејзиниот сопруг, 67-годишен жител на Гостивар, со кого подолго време имала нарушени односи.

Според првичните сознанија на Обвинителството, осомничениот со секира и нож ѝ нанел повеќе убодни рани по телото. Осомничениот во моментот е недостапен за органите на прогонот.

Случајот утринава околу 7 часот го пријавил синот на жртвата.

Од Јавното обвинителство соопштија дека обвинител од Основното јавно обвинителство во Гостивар заедно со крим техника извршил увид на местото на убиството.

Издадена се наредби за обезбедување и прибирање на траги од лице место, кои ќе бидат предмет на натамошно вештачење, како и наредба за обдукција на телото на починатата. 

Гостивар: Маж со секира и го одзел животот на сопругата во спалната соба

Маж со секира си ја заклал сопругата. Како што информира МВР, утрово во 6:50 часот 33 годишен маж пријавил дека во спалната од семејната куќа ја пронашол мртва својата 60 годишна мајка Џ.И. 

Од полицијата велат дека осомничен за убиството е 67 годишниот сопруг Б.И.

„Денеска (10 септември) во 6 часот и 50 минути, В.И.(33) од Гостивар во СВР Тетово пријавил дека во спалната соба од семејната куќа ја пронашол усмртена неговата мајка Џ.И.(60).Осомничен дека го извршил убиството е Б.И.(67) сопруг на Џ.И. и татко на пријавителот, кој со остaр предмети ja усмртил.“ – велат од МВР за Сител.

Од полицијата додаваат дека во моментов Јавен обвинител и екипа на СВР Тетово вршат увид на лице местото и се преземаат мерки за целосно расчистување на случајот.

Според неофицијалните информации убиецот се уште е во бегство и полицијата трага по него.

Жител на Сарај загина во зграда во Кисела Вода, паднал во отвор за лифт

Жител на Сарај, на возраст од 30 години го загуби животот по пад во отворот за лифт во зграда во скопската населба Кисела Вода.

Како што објави „Алсат“, Мујадин Муртезани е човекот од Сарај кој утринава околу 9.30 часот го загуби животот.

Причините за несреќата се разјаснуваат.

Популарно