Ковид-19 се шири низ градинките

Два нови случаи на заразени вработени во градинки. Нов случај е регистриран во градинка во Кочани каде коронавирусот е потврден кај психолог во установата, јавува Сител.

Ковид-19 е потврден и кај негувателка во кумановска градинка.

Сител јавува дека информациите се потврдени и од Министерството за труд и социјална политика од каде велат дека и во двете установи постапиле согласно насоките од Центрите за јавно здравје.  Во изолација се испратени контактите на двете заразени.

Во изминатите денови откако градинките почнаа со работа на 9 септември потвдени беа случаи со Ковид-19 кај вработени во повеќе градинки ширум земјата. Но, заразени се и деца кои ги посетуваат детските установи.

Три случаи беа потврдени во струмичка градинка каде децата се заразиле меѓу себе, а едно дете со позитивен тест на корона има и во скопска градинка во групата јасли.

Ваква зима немало со години - метеоролозите со долгорочна прогноза

Светски познатата метеоролошка служба „Акуветер“ (AccuWeather) објави голема сезонска прогноза за Европа.

Веднаш на почетокот на прогнозата, се наведува дека земјите во Европа доживуваат нов бран на коронавирус, што предизвика нови ограничувања кои стапуваат на сила само неколку недели пред почетокот на зимата.

„Иако е неизвесно како ќе се развива пандемијата во наредните месеци, тимот на Акуветер со долгорочни синоптичари е прилично сигурен какво време можат да очекуваат Европејците оваа зима. Дел од тимот е Тајлер Ројс, кој е метеоролог во Акуветер скоро десет години, Алан Реперт, постар метеоролог кој е во Акуветер од 2001 година и Џејсон Николс, постар метеоролог кој ја води меѓународната прогноза на Акуветер“, пишува американската приватна метеоролошка служба.

Како што сезоните се менуваат од есен во зима, се предвидува дека примарната патека на невремето ширум Европа ќе се движи кон југ, а бројни бури ќе се придвижуваат кон јужна Европа и Средоземното море, но и на Балканот.

– Мислам дека во споредба со она што го видовме претходните години во Шпанија, Португалија и јужна Франција, ќе биде многу побурно, рече Реперт.

Меѓу поголемите градови во Европа кои може да доживеат бурни услови оваа зима се: Лисабон, Мадрид, Барселона, Ница, Рим, Атина и Букурешт.

„Бурите ќе ги загрозат животите и имотите низ целиот регион, пишува метеоролошката служба „Акуветер“.

На Талат Џафери не му се брза за мерките: Седница од 27 октомври

Талат Џафери, претседателот на Собранието, најави дека нема во скоро време да биде свикана седницата за да се изгласаат построгите мерки против коронавирусот како предлог-измени во Законот за заштита на населението од заразни болести.

Мерките кои ги вклучуваат забраните за јавни собири по 22.00 часот, семејните собири со повеќе од четири гости и задолжителното носење на заштитна маска на отворено ќе почекаат барам до 27 октомври, објави Сител.

Спикерот на повикот на опозицијата за итна седница за да се изгласаат владините мерки за корона пандемијата одговорил дека нема намера да свика посебна седница со една точка бидејки претходното повлекување на Законот било на барање на партиите. 

Власта вчера го одби предлогот на опозициската ВМРО-ДПМНЕ независна Комисија од стручни лица изгласана од Собрание да носи задолжителни мерки. Во моментов и ВМРО-ДПМНЕ и СДСМ си ја префрлуваат одговорноста за тоа зошто се уште законските измени не се најдени пред матичната собраниска комисија.

  

Собраниските лаптопи биле набавени со швајцарска донација

Собраниските 100 лаптопи кои неодмана биле набавени од Парламентот биле набавени со швајцарски пари како дел од донаторски проект склучен меѓу парламентот и Швајцарска амбасада во јули 2019 година, тврди собранискиот спикер Талат Џафери. Набавката била направена врз основа на програмата за поддршка на Собранието врз основа на проект и стратешкиот олан за работа.

-Лаптопите се за потребите на службениците, немаат никаква врска со пратениците, а најмалку пак за онлајн седници кои сега се споменуваат. Набавката е направена согласно правилата на Бирото за јавни набавки. На набавката не се засместува ДДВ бидејки е донација - вели Џафери.

Собранието лани во јули 2019 година склучило меморандум за соработка со Швајцарската амбасада вреден 11 милиони швајцарски франци кои треба да бидат потрошени во 10 години за јакнење на капацитетите на Собранието и истиот бил објавен веднаш на веб страницата на Парламентот.

Популарно