ВИДЕО: Леброн и Дејвис по една деценија го вратија Лејкерс на НБА-тронот!

Лос Анџелес Лејкерс покажа моќ во шестата средба од финалето, го прегази Мајами Хит (106-93), триумф со кој ја затвори НБА-серијата и по десет години повторно се врати на тронот во најквалитетната светска кошаркарска лига.

Мајами во ростерот го доби Горан Драгич, се очекуваше спектакуларен натпревар, арно ама ЛА Лејкерс покажа моќ кога беше најпотребно, го сопре разиграниот Батлер и го збриша ривалот со перфектни 12 минути кои ги покажа во вториот квартал. Така, „езерџиите“ се вратија на тронот по десет години, а Мајами остана да ги носи само симпатиите поради одличната игра која што ја покажа оваа сезона.

Првите десет минути на мечот беа изедначени, ЛА Лејкерс водеше со осум поени разлика (28-20), а потоа почна доминацијата на фаворитот. Одлични беа Рондо и Калдвел-Поуп, посебно во шутот за три и им беа поддршка на пеколното дуо Леброн-Дејвис, па ЛА Лејкерс во 12 минути го прегази ривалот со 36-16 во вториот квартал и огромна позитива од 64-36 на полувремето.

По овој период, беше јасно дека соништата на Мајами за НБА-титула се згаснати. Избраниците на Ерик Споелстра константно бркаа резултат, но ниту еднаш не успеаја да го загрозат високото водство на Лејкерси. Највисоката предност Лос Анџелес Лејкерс ја имаше во средината на третиот период, кога водеше со огромни +36 (82-46), додека во последните 12 минути „езерџиите“ се опуштија и направија Мајами да доживее пристоен пораз.

Најдобар кај победникот беше Леброн Џејмс со „трипл-дабл“ од 28 поени, 14 скока и 10 асистенции, пред Ентони Дејвис со „дабл-дабл“ (19 поени, 15 скока) и феноменалниот плејоф-џокер Ражон Рондо со 19 поени. Кај Мајами Хит, Бам Адебајо имаше блескава ноќ со 25 поени и 10 скока, а Џими Батлер на овој дуел застана на 12 поени, 8 асистенции и 7 скока.

За тимот од „градот на ангелите“ ова е седумнаесетта титула во историјата, прва по 2010 година.

Извор:https://www.gol.mk/

Златен медал за Ангела Мојсовска на Европската Универзијада во Варшава!

Македонската универзитетска карате репрезентација во финалните борби од последниот ден на Европската универзијада која се одржува во Варшава успеа да освои златен медал. Со тоа Македонија на ова елитно универзитетско европско натпреварување, освои вкупно три медали и оствари два високи пласмани на 5-то место.

Медалите ги освоија Ангела Мојсовска златен медал, сребрен медал  Љупче Михаилов и еден бронзен медал Викторија Јовановска. Петар Заборски (-75кг)  и Јована Мицовска (-61кг), се високо пласирани на петто место.

Ангела Мојсовска – Златен медал

Ангела Мојсовска  успеа во финалната борба да ја победи противничката од Косово Мустафа Бехије  со резултат 4-3 и го освои златниот медал во категоријата -68 кг. Ангела Мојсовска настапи за универзитетот (Св, Кирил и Методиј, таа е член на К.К Макпетрол – Скопје.

Љупче Михаилов вториот финалист не успеа да победи во борбата за златен медал и тој го освои сребрениот медал во категоријата -75 кг.

Медалистите ги имаа следните настапи:

-68 кг

Ангела Мојсовска – Нина Лукенда (Хрватска) 8-4

Ангела Мојсовска – Амина Фејзиќ ( БиХ) 4-3

Ангела Мојсовска – Влере Керими (Косово) 3-1

Финале

Ангела Мојсовска – Мустафа Бехије (Косово) 4-3 златен медал

Љупче Михаилов, сребрен медал

-61 кг

Викторија Јовановска – Талија Блејк (Велика Британија) 2-2

Викторија Јовановска – Михаела Малаута (Романија) 2-3

Репасаж

Викторија Јовановска – Матилде Саке (Франција) 7-1

За бронза

Викторија Јовановска – Лејла Топаловиќ (Австрија) 3-0 бронзен медал

-75 кг

Љупче Михајлов – Аднан Карача (БиХ) 7-1

Љупче Михајлов – Кара Абдулјадир (Турција) 1-0

Љупче Михајлов – Дмитро Федотов (Украина) 4-0

Љупче Михајлов – Нико Шпарер (Швајцарија) 4-0

Финале

Љупче Михајлов – Омер Фарук (Турција) 0-10 сребрен медал

Љупче Михаилов, сребрен медал

(ВИДЕО) Борба помеѓу руски командос и американски специјалец

Хит на социјалните мрежи, со над 1,4 милиони прегледи стана бокс мечот помеѓу борец од руската специјална единица „Алфа“ и маринец од американската војска.

Дмитриј Степанов бил немилосрден против офицерот во маринците Денис Лејн, кој пред борбата бил преставен со прекарот „Ураган“.

За помалку од две минути Степанов успеа да ја добие борбата против американскиот маринец.

Скопје доби ново место за вежбање - Идеално за сите со проблеми со зглобовите!

Новиот фитнес центар има и значително повеќе простор за паркирање на возилата на членовите, а направени се и паркинг места за велосипеди. Основната цел на тимот на ATG е да се создаде една удобна фитнес зона за сите кои вежбаат и го поминуваат времето во фитнес центарот.

ATG Macedonia отвори нов фитнес – центар во Хром, на улица „Воин Драшковиќ“ (кај автобуската постојка на последна 4-ка). Станува збор за поголем простор и современо опремен центар, кој овозможува задоволување на фитнес потребите на нашите членови, рекреативци и спортисти.

На овој начин, ATG Macedonia отвора ново поглавје во своето работење. Новата сала го зголемува капацитетот за прием на нови членови, а го подобрува и квалитетот на вежбање за сите Вас. Нашите тренери остануваат 100% посветени кон реализацијата на Вашите цели, надминување на повреди, подобрување на перформанс, намалување на килограми, зголемување на мускулна маса и сл.

Иако новата сала веќе активно работи и сите членови можат да ја користат, официјалното отворање на истата ќе биде на 10 декември (вторник), од 18:00 часот. Имено, тимот на ATG Macedonia ги поканува сите свои членови, партнери, соработници и поддржувачи да присуствуваат на отворањето, кое ќе се одржи во новите простории, во Хром, на улица „Воин Драшковиќ“ (автобуска постојка на последна 4-ка).

Отворањето ќе има мултимедијален карактер и динамична програма. Предвидено е обраќање на сопствениците на ATG Macedonia, како и видео порака од Бен Патрик од Америка – основачот на ATG системот на вежби. Дополнително, ќе се обратат и дел од членовите на фитнес центарот, а планирано е и претставување на различни брендови кои произведуваат здрави производи.

Всушност, отворањето на новиот фитнес центар ќе ги застапува основните вредности по кои функционира ATG заедницата во целост: здрав и балансиран начин на живот, одговорност, пријателство и создавање квалитетни и одржливи врски.

Сите заинтересирани лица можат да вежбаат ATG на две локации:

Хром, ул. „Воин Драшковиќ“ (автобуска постојка на последна 4-ка);

„Палестра“ фитнес центар во East Gate Mall;

Достапна е можноста и за ATG онлајн вежбање, каде што имате повеќе програми, кои ги изведувате под надзор и совет на ATG обучен тренер, а на локација која Вас ви одговара.

Посетете ја веб – страницата: https://atgmacedonia.com/ и заследете ги ATG на официјални профили:

Facebook и Instagram.

Популарно