ВИДЕО: Леброн и Дејвис по една деценија го вратија Лејкерс на НБА-тронот!

Лос Анџелес Лејкерс покажа моќ во шестата средба од финалето, го прегази Мајами Хит (106-93), триумф со кој ја затвори НБА-серијата и по десет години повторно се врати на тронот во најквалитетната светска кошаркарска лига.

Мајами во ростерот го доби Горан Драгич, се очекуваше спектакуларен натпревар, арно ама ЛА Лејкерс покажа моќ кога беше најпотребно, го сопре разиграниот Батлер и го збриша ривалот со перфектни 12 минути кои ги покажа во вториот квартал. Така, „езерџиите“ се вратија на тронот по десет години, а Мајами остана да ги носи само симпатиите поради одличната игра која што ја покажа оваа сезона.

Првите десет минути на мечот беа изедначени, ЛА Лејкерс водеше со осум поени разлика (28-20), а потоа почна доминацијата на фаворитот. Одлични беа Рондо и Калдвел-Поуп, посебно во шутот за три и им беа поддршка на пеколното дуо Леброн-Дејвис, па ЛА Лејкерс во 12 минути го прегази ривалот со 36-16 во вториот квартал и огромна позитива од 64-36 на полувремето.

По овој период, беше јасно дека соништата на Мајами за НБА-титула се згаснати. Избраниците на Ерик Споелстра константно бркаа резултат, но ниту еднаш не успеаја да го загрозат високото водство на Лејкерси. Највисоката предност Лос Анџелес Лејкерс ја имаше во средината на третиот период, кога водеше со огромни +36 (82-46), додека во последните 12 минути „езерџиите“ се опуштија и направија Мајами да доживее пристоен пораз.

Најдобар кај победникот беше Леброн Џејмс со „трипл-дабл“ од 28 поени, 14 скока и 10 асистенции, пред Ентони Дејвис со „дабл-дабл“ (19 поени, 15 скока) и феноменалниот плејоф-џокер Ражон Рондо со 19 поени. Кај Мајами Хит, Бам Адебајо имаше блескава ноќ со 25 поени и 10 скока, а Џими Батлер на овој дуел застана на 12 поени, 8 асистенции и 7 скока.

За тимот од „градот на ангелите“ ова е седумнаесетта титула во историјата, прва по 2010 година.

Извор:https://www.gol.mk/

Колку заработи од последната борба Хабиб?

Хабиб Нурмагомедов изелзе како победник против привремениот првак, Американецот Џастин Геџи во една од најголемите борби во историјата на УФЦ лесна категорија. По завршувањето, тој објави крај на кариерата.

Хабиб поради својата популарност заработи 31,1 милиони долари, додека Геџи 650.000 долари. Дагестанецот ќе добие и дополнителни 100.000 долари поради тоа што ја доби борбата.

Нурмагомедов го натера Американецот да се предаде, а потоа најави пензиј. За првпат во својата кариера оваа борба мина без неговиот татко, кој почина оваа година, а пред мечот на својата мајка и вети дека ова ќе биде последна во неговата кариера.

Тој остана непоразен во 29 борби.

sportmedia.mk

ВИДЕО: Хабиб преку Гејчи стигна до 29-0, па најави ММА пензија!

Хабиб Нурмагомедов стигна до нова победа во УФЦ октагонот и го доби дуелот на шампионите со Џастин Гејчи.

Русинот прсна во плач по триумфот, потсетувајќи се на смртта на неговиот татко, Абдулманап, кој ја загуби битката со коронавирусот пред неколку месеци

Актуелниот шампион во лесна категорија го сопре противникот во втората рунда, кога направи зафат на неговиот врат и го натера да се предаде. Тоа значи дека го задржа перфектниот скор во ММА со 29 победи и ниту еден пораз.

Шокантно Хабиб по борбата најави дека заминува во пензија и ги остави ракавиците на подот на октагонот. Според неговите зборови, неговата мајка го замолила да не се натпреварува повеќе без присуство на неговиот татко.

Извор:https://www.gol.mk/

(Фото) Нацоски и Пандев случајно се сретнаа

Оперскиот пејач Благој Нацоски кој живее и работи во Италија објави фотографија на Фејсбук, на која е заедно со нашиот фудбалски ас, Горан Пандев, кој по некоја случајност е во истит хотел со пејачот.

„Two Macedonians in the same hotel... двајца Македонци се најдоа во ист хотел“, напиша Нацоски во опис на фотографијата.

Популарно