Неколку улици во Центар ќе бидат затворени за сообраќај, ќе се снима филм

Министерството за внатрешни работи ги известува граѓаните на Скопје дека за време на викендот, односно во деновите од петок до понеделник, поради снимање на филм, ќе има привремен прекин на сообраќајот на дел од сообраќајниците во централното градско подрачје.

На 16.10.2020 (петок) во времето од 11.00 до 14.00 часот ќе има времен прекин на сообраќајот на ул. “Даме Груев“, а во време од 14.00 до 18.00 часот на ул.„Димитрие Чуповски“,кај автобуската постојка спроти театарот за деца и млади и во времето од 14.00 до 17.00 часот на бул. “ВМРО“ на автобуската постојка пред Пошта на Северна Македонија. Исто така, на 17.10. (сабота) во времето од 14.00 до 17.00 часот ќе има времен прекин на сообраќајот на бул.„ВМРО“ на истата локација и во времето од 20.00 до 23.00 часот на бул.„Партизански одреди“ (кај првата автобуска постојка од страна на хотел „Дувет“ до пред ул. „Аминта Трети“) во Скопје.  И на 18/19.10. (недела/понеделник) во времето од 17.00 до 01.00 часот на ул.„Св. Кирил и Методиј“ од паркинг и автобуска постојка пред влезот на ТЦ „Рамстор“ до НЛБ Банка, информираат од МВР. 

Од  тие причини Одделението за безбедност  на патниот сообраќај ќе преземе мерки за посебен режим на сообраќајот на овие сообраќајници, а сообраќајот ќе се пренасочува по околните сообраќајници.  МВР апелира  до граѓаните да ги почитуваат наредбите што ги издаваат полициските службеници. додаваат тие. 

ФОТО: Аерозагадувањето зема замав, еве како изгледаше Скопје синоќа

Големо ниво на ПМ10 честички во воздухот е забележано вчеравечер во главниот град. На некои од мерните станици во Скопје загадувањето достигнуваше и над 160 ПМ10 честички.

Веќе една недела има тренд на зголемување на нивото на ПМ честици во воздухот, а тоа го потврдија и од Министерството за животна средина. Најзагадено е во Лисиче, но високи концентрации на ПМ има неколку дена и во другите општини.

На социјалните мрежи кружат фотографии на кои се гледа како се зголемување загадувањето на воздухот во текот на вечерта. Граѓаните коментираат и дека се чувствува интензивна лоша миризба.

Скопје викендов се најде меѓу најзагадените градови во светот, а од скопскиот општини најлош е воздухот во Карпош, Аеродром и Кисела Вода.

Пулмолозите предупредуваат дека аерозагадувањето не само што само по себе претставува голема опасност туку и дополнително го олеснува патот на вирусите до белите дробови.

Нови 8.000 скопјани во новите згради кај Расадник

Градоначалникот на Скопје, Петре Шилегов во вечерашното интервју на телевизија Телма рече дека во новите згради кои се предвидуваат во ДУП-от за Расадник кај Кисела Вода не може да има 80.000 жители, бидејќи тоа ги надминува параметрите на Генералниот урбанистички план.

-Не може да биде донесен ДУП што е надвор од Генералниот урбанистички план. И да сакате, не смеете да ги надминете параметрите. Тоа значи дека не е точно дека ќе бидат 80.000 луѓе, туку ќе бидат 8.000 луѓе. Деталите се работа на Општина Кисела Вода. Меѓутоа, анализите што ги направивме ние е дека повеќе 33 проценти од таа површина ќе остане зелена, вели Шилегов.

Утре од 9 часот дел од Гази Баба ќе биде без вода се до санирање на дефектот

Прекин во водоснабдувањето утре од 9 часот ќе имаат дел од корисниците лоцирани на булевар „Александар Македонски“, дел од „Шеснаесетта македонска бригада“, ниската зона од улицата „Јани Лукровски“ згради 4,6,8, дел од улицата „Благоја Стефковски“, Средното училиште „Михајло Пупин“. Намален притисок ќе имаат корисниците од населбата Маџари.

Како што соопшти ЈП „Водовод и канализација“-Скопје, прекинот е поради санирање дефект на булеварот „Александар Македонски“ без број во населба Автокоманда.

На терен ке има и цистерна со питка вода. Корисниците ќе бидат без вода се до санирање на дефектот.

Популарно