Ваква зима немало со години - метеоролозите со долгорочна прогноза

Светски познатата метеоролошка служба „Акуветер“ (AccuWeather) објави голема сезонска прогноза за Европа.

Веднаш на почетокот на прогнозата, се наведува дека земјите во Европа доживуваат нов бран на коронавирус, што предизвика нови ограничувања кои стапуваат на сила само неколку недели пред почетокот на зимата.

„Иако е неизвесно како ќе се развива пандемијата во наредните месеци, тимот на Акуветер со долгорочни синоптичари е прилично сигурен какво време можат да очекуваат Европејците оваа зима. Дел од тимот е Тајлер Ројс, кој е метеоролог во Акуветер скоро десет години, Алан Реперт, постар метеоролог кој е во Акуветер од 2001 година и Џејсон Николс, постар метеоролог кој ја води меѓународната прогноза на Акуветер“, пишува американската приватна метеоролошка служба.

Како што сезоните се менуваат од есен во зима, се предвидува дека примарната патека на невремето ширум Европа ќе се движи кон југ, а бројни бури ќе се придвижуваат кон јужна Европа и Средоземното море, но и на Балканот.

– Мислам дека во споредба со она што го видовме претходните години во Шпанија, Португалија и јужна Франција, ќе биде многу побурно, рече Реперт.

Меѓу поголемите градови во Европа кои може да доживеат бурни услови оваа зима се: Лисабон, Мадрид, Барселона, Ница, Рим, Атина и Букурешт.

„Бурите ќе ги загрозат животите и имотите низ целиот регион, пишува метеоролошката служба „Акуветер“.

Али Ахмети стана почесен доктор на Универзитетот во Тетово

Државниот универзитет на Тетово му го додели признанието почесен „Доктор Хонорис Кауса“ на претседателот на ДУИ, Али Ахмети, објави Наставно-научниот совет на правниот факултет.

„Согласно член 184 од Законот за високо образование на Република Северна Македонија и членовите 264 и 265 од Статутот на Универзитетот во Тетово, Наставно-научниот совет на Правниот факултет врз основа на одлуката за прифаќање на Иницијативата на ректорот на Универзитетот во Тетово Проф. Д-р Вулнет Амети за доделување на титулата Доктор Хонорис Кауза на г. Али Ахмети“ гласи во соопштението.

Комитетот за доделување на признанието е составен од:професорите Вулнет Амети како претседател и Шезаи Рокај и Арсими Бајрами како членови.

Беќаровски: Се зголемува бројот на обиди за самоубиство поради Ковид 19

Состојбата во моментов е алармантна, кај голем дел од персоналот се јавија знаци, околу 20% се зафатени од болеста. Од 16 лекари, 4 лекари се позитивни, слично е и со сестрите, кажа д-р Нино Беќаровски, од Клиниката за токсикологија во Студио 10 на ТВ24.

„Тековните работи ни се зголемени, последниве неколку месеци суицидални обиди се зголемени, обидите за самоубиства со труење со киселина е зголемен за 30%. Психички полабилни особи овој притисок не можат да го издржат. Секој ден има напади на медицискиот персонал, протоколите создаваат дополнитена гужва, па добро е што пред сите центри ќе има војска и ќе се ублажи оваа состојба. Нови симптоми на Ковид 19 се појавуваат секој ден, кај голем дел од оние кои прележале во првиот бран се забележуваат знаци на затегање на срцевиот мускул и други проблеми. Треба да се очекуваа компликации од вирусов, тој ги зафаќа сите органи“ кажа д-р Беќаровски.

Дачиќ: Заев не е политички незнајко, прашање е колку далеку ќе оди со Бугарија

Претседателот на Собранието на Србија, Ивица Дачиќ, кој е и поранешен министер за надворешни работи на земјата синоќа во емисијата Хит твит рече дека премиерот на Македонија, Зоран Заев, не е политички незнајко и дека знае оти неговите неодамнешни изјави за Бугарија не се точни.

Дачиќ посочи дека знае дека на Заев му треба согласност на Софија за да започне преговори за членство во ЕУ и дека тоа го прави заради тоа. Според него, сепак, значајно прашање е до каде ќе отиде Заев во тоа.

Дачиќ реагираше на изјавата на Заев дека Југославија е виновна за одвојувањето на Македонија од Бугарија и дека во таа земја имало бугарска администрација за време на Втората светска војна, ставови кои Заев ги изнесе во интервјуто за БГНЕС, а кои предизвикаа реакции и во Македонија.

"Но, не ја прогласувајте бугарската окупација за администрација. Бугарите беа на страната на нацистичката Германија на Хитлер и ние од југот знаеме колку беа тешки бугарските злосторства. Тие со тоа плукаат по нивната антифашистичка борба. Еве Југославија повеќе ја нема, што чекате? Ако бевте толку желни да се прегрнете, зошто чекавте до 2020 година “, рече Дачиќ.

Популарно