Револуционерен потфат: Во „Аџибадем Систина“ оперирано новороденче родено без дијафрагма и со срцева мана

Новороденче на кое уште додека било во мајчината употреба му било дијагностициран сериозен недостаток и срцева мана сега ја доби својата шанса за живот. Заминува дома по десет дена од успешната операција во детската хирургија во Клиничката болница „Аџибадем Систина“. Детето е родено буквално без дијафрагма. Породувањето го извршил гинекологот д-р Павле Димчев, а дијагнозата е потврдена и од доц. д-р Владимир Чадиковски кој ја изврши интервенцијата. Кај детето практично сите тенки црева, дебелите црева, слезенката и желудникот биле во левото белодробие. Поради тоа срцето имало десна поставеност односно било турнато на десната страна. Д-р Чадиковски вели дека е пресреќен што ваква интервенција е изведена револуционерно во оваа болница, особено што исходот е успешен.

„Го следевме уште во текот на бременоста. Организирано се породи и веднаш го презедовме кај нас. На интензивна нега беше примено веднаш, а операцијата се направи по 24 часа од породувањето. Впрочем се направи реконструкција на дијафрагмата, органите се вратени, а направена е надворешна кила за да се соберат сите органи. Во операцијата затворен е и дуктусот (посебен канал кој носи крв од срцето во белите дробови) на детето кое има и срцева мана. На тој начин кај детето се заврши интервенцијата. Четвртиот ден го извадивме од машина. Успеавме со посебен третман, кардиохируршко интервентен пристап и еве денес си одат дома заедно, вели кардиохирургот д-р Владимир Чадиковски.

Мултидисциплинираниот пристап кој се спроведува во дијагностицирањето и лекувањето на сите пациенти во болницата овозможи недостатокот да биде откриен уште додека бебето било во утробата на мајката.

Мајката Ангелина Апцева вели дека била исплашена и во прашалници, но дека имала среќа да се обрати кај вистинските доктори.

„Дијагнозата беше воспоставена две недели пред самиот термин за пораѓање од мојот матичен гинеколог кој што ми ја водеше бременоста. Тој ме испрати на второ мислење во неколку институции, во Државна болница и друга приватна болница и на крај по препорака од моја пријателка дојдов тука во „Аџибадем Систина“. Разбрав дека Д-р. Чадиковски води вакви случаи бидејќи детето беше со дијагностицирана дијафрагмална хернија. Тука беше изведена и целата операција на царски рез од Д-р. Павле Димчев,  а потоа не презеде Д-р. Чадиковски. Презадоволна сум од третманот и за мене како мајка и за моето дете. Добивме шанса и сме пресреќни, вели Апцева.

Трошоците за интервенцијата на новороденчето се покриени преку Фондот за здравствено осигурување. 

Почина Раде Гогов, првоборец во народната борба против фашизмот

Денеска почина првоборецот и носител на Партизанска споменица 1941, Раде Гогов. Тој беше учесник во Народноослободителната и антифашистичка борба во 1941 година, соопшти Сојузот на борците на Македонија.

Погребот ќе се одржи утре во 14:00 часот на Градските гробишта во Бутел.

Телеграма со сочувство до семејството испратија претседателот на Главниот одбор на Сојузот на борци, Никола Стојановски и претседателот на Градскиот одбор, Трајко Стаматоски.

Приведен 36-годишен скопјанец баран со потерница

Осуден криминалец од Скопје за кого судот издал потерница, од денеска ја издржува казната во Затворот во Идризово.

Од МВР соопштија дека во 13:05 часот полициски службеници од Секторот за меѓународна соработка -Отсек за потрага на уллицата „Алексо Демниевски“ во Скопје врз основа на издадена потерница од Основен суд -Скопје 1 го приведоа Д.Б. (36) од Скопје за издржување на казна затвор од две години.

Лицето е предадено на КПУ-Затвор Идризово.

Филипче: Нема потреба од дополнителни мерки, досегашните даваат ефект

Досегашните мерки даваат резултати и нема потреба од дополнителни рестрикции кои би биле без значаен ефект. Така е за Прилеп и за територијата на целата држава, изјави министерот за здравство Венко Филипче по денешната средба со приелепскиот градоначалник Илија Јованоски кој деновиве го пренесе заклучокот на прилепскиот кризен штаб за дополнителни мерки за заштита.

Според Филипче, заедничка е денешната констатација со прилепските градски власти.

– Очигледно е дека и сега мерките даваат резултати. Вака димензионираните мерки со затворени угостителски објекти по 21 часот, забраната за групирање во целото деноноќие, постепено ја олабавуваат ситуацијата. Заедно заклучивме дека нема потреба од дополнителна рестрикција која не би имала некаков позначаен ефект од мерките кои сега се на сила. Практично, во сите земји во Европа, ваква комбинација даде резултат. Во таа смисла, како за Прилеп, така и за територијата на целата држава, и по вчерашниот состанок со Комисијата за заразни болести, засега не доаѓа предвид да се воведуваат дополнителни мерки, изјави Филипче.

Што се однесува до епидемиолошката состојба во Прилеп, градот е во третината градови со благ пораст на новозаразените, но на национално ниво еднаков е бројот на заразените последните недели, а се намалува притисокот врз болниците, и во прилепската, за прегледи. Но ситуацијата се следи со внимателност, поради непредвидливоста на вирусот, како и во светот.

– Прилеп е во третина од градовите во земјава во кои има благ пораст во инциденцата последните две недели во однос на оние претходни две. Инаку, на национално ниво последните три недели еднаков е бројот на новодијагностицирани случаи, а во болниците, посебно во Скопје, а денеска го констатиравме тоа во Прилеп, има благо намалување на притисокот во однос на бројот на пациенти кои доаѓаат за преглед и за прием. Мора да потенцирам, не само кај нас, туку и во светот нередвидливоста на вирусот останува и мора да бидеме претпазливи и не сакаме да даваме никакви предвидувања. Се уште чекаме да ја видиме ситуацијата во следните денови.

Министерот Филипче оцени дека ситуацијата во прилепската болница одлично се менаџира, има пет ковид-оддели, а за респект е одзивот на матичните лекари да помогнат во Инфективното.

– Болницата во Прилеп е одлично организирана. Пациенти се сместени на пет одделенија. Мобилизирани се сите лекари, медицински сестри , помошно технички персонал. Сепак, има одреден број здравствени работници кои се заразени и по апелот на градоначалникот на Прилеп Јованоски, одличен е одзивот од Здружението на матичните лекари и веќе одредена бројка веќе се пријавија да волонтираат во приелпската болница и е за поздравување, рече министерот Филипче при денешната посета на Прилеп. 

Популарно