АКО НЕКОЈ ИМА ВИШОК ПАРИ, БУЈРУМ НЕКА ОДИ ВО ПРИВАТНИТЕ БОЛНИЦИ - но граѓаните да знаат дека јавното здравство ги има истите можности, порача премиерот Заев

Во своето гостување во емисијата Клил плус на ТВ 21 премиерот Зоран Заев беше дециден дека нашиот јавен здравствен систем ги буди и има сите можности, најмалку како приватните болници, кои според него, земаат големи суми, и тој се прашува дали навистина треба да бидат толку високи нивните цени. 

На забелешката дека во ковид пандемијата посиромашните многу потешко стигнуваат до здравствената услуга наспроти побогатите, како и дека цените во приватните клиники се високи, премиерот рече дека сите граѓани, прво треба да си проверат да знаат што има во нашиот јавен здравствен систем, пред да тргнат кон приватните клиники.

„Бидејќи сето тоа што го има во приватните клиники, го има и во нашиот јавен здравствен систем. Ама нели, затоа што се кажало дека таа и таа болница е добра, и ајде сите ќе тераме таму. Значи, прво, ако некој има вишок пари, бујрум нека оди, тоа се лиценцирани здравствени установи кои работат за профит. Ние како држава не работиме за профит. Трансплантација на крв има на инфективна, ремдесивир има на Инфектвна, актембрата исто така ја има. Но, сите треба да знаат дека ремдесивирот не се дели по пациенти, туку го примаат пациенти со одредени симптоми по препораки на СЗО. И сега има разговори зошто на овие го дале, на оние не. Па тој лек не се дава на сите пациенти. Ако го даваш на пациенти со несвојствени индиции на болеста, можеш да направиш беља. Значи, нашиот здравствен систем дефинитивно ги има сите можности во делот на ковид, како што ги има и приватниот систем, само што таму ќе ви ги земат парите“, порача Заев до граѓаните.

За поплаките од здравствениот систем, Заев рече дека кризата има и еден психолошки дел.

„Ги имаме сите причини да бидеме нервозни, но треба да знаеме дека здравствените работници прават се, односно најмалку толку колку што прават здравствените работници во почитуваните приватни клиники во државата. Најмалку исто прават. Ако не и повеќе. Ајде да прашаме кој на кого се јавува да побара ремдесивир затоа што имале пациент со одредени својства според кои треба да му се даде лекот. Приватници им се јавуваат на државните, тие од нив бараат поддршка. Вистинската капацитетност е во државните. Сега имаат и повисоки плати иако не се најсоодветни.

Јас не можам да прифатам дека е 12 илјади лечење со трансплантација на крвта во некоја од приватните клиники. Да имаше вонредна состојба, па да одевме малку со времена национализација во овој период. Затоа што јас едноставно не можам да верувам дека трошоците се 12 илјади евра, ок, тоа е приватна работа, но во вонредна состојба државата има потреба и можност времено да национализира. Зошто, затоа што здравствениот систем мора да биде ставен еднакво на располагање на сите. 

Дефинитивно да знаат граѓаните. Нашиот здравствен систем ги има сите услови најмалку како приватните, таму работат професионалци, кои се хумани, стручни и мотивирани, работат повеќе од десет часа на ден“, потенцираше премиерот. 

Според него, можеби треба да се размислува за кризна состојба, за менаџментот со ресурсите, како да му олесниме на медицинскиот персонал,да видиме дали и Армијата има медицински персонал, и таа да биде актвирана, дали може и поинау. 

„Но, сите треба да знаат дека се прави се од здравствените работници, од лекарите, медицинските сестри, без било каква обоеност, насекаде каде што работат. Помагаат сите, анестезиолози, интернисти, пулмолози....

Се надевам дека и матичните лекари ќе покажат малку поголема храброст. Овде не ја гледаме доволно хаброста. Веројатно не се доволно специјализирани и стручни, па не навлегуваат така длабински како специјалистите“, објасни премиерот.

Пред 8 месеци, адвокат во емисија на ТВ Хепи зборувал за криминалните кланови со македонски пасош

Адвокатката Зора Добричанин пред осум месеци на српската телевизија Хепи во емисија зборувала за криминалните кланови со оригинални македонски пасоши.

– Јован Вукотиќ е донесен во Србија од Турција, наводно поради тоа што користел македонски пасош со своја фотографија и друго име. Но, тој пасош беше целосно оригинален. Со вештачење е утврдено дека пасошот е автентичен и никогаш не го користел на територија на Република Србија, вели Добричанин.

Да потсетиме, опозицисата ВМРО-ДПМНЕ прва ја објави во јавност аферата „Мафија“. Имено, македонската полиција им издавала пасоши на повеќе балкански криминалци и нарко-босови, со лажен идентитет.

Утрово, Антонијо Милошоски објави дека власта дала македонски пасоши на терористи од ИСИС.

46 лица починати и 687 нови случаи на Ковид-19 во земјава

Во последните 24 часа се направени 3.050 тестирања, а регистрирани се 687 нови случаи на КОВИД-19 во:

-Скопје 310

-Куманово 55

-Битола 35

-Прилеп, Охрид и Струмица по 33

-Велес 31

-Кавадарци и Тетово по 23

-Гостивар 19

-Штип и Кочани по 17

-Свети Николе 11

-Кичево, Ресен и Виница по 7

-Неготино 6

-Гевгелија и Македонски Брод по 4

-Струга 3

-Богданци 2

-Крива Паланка, Делчево, Пробиштип, Демир Капија, Демир Хисар, Кратово и Дојран по 1

Пријавени се вкупно 46 починати лица: 13 од Скопје (51г, 59г , две лица на 63г , 65г, 69г, 71г, две лица на 72г, 81г, 82г, 84г, 87г), од Битола - 6 (53г, 67г, 70г, 72г, 78г, 90г), од Тетово - 4 (44г, 65г, 78г, 84г), по 3 починати пациенти од Куманово ( две лица по 70г и 76г), Прилеп (34г, 68г и 73) и Струмица (72г, 76г, 82г), по 2 од Штип (72г, 74г), Радовиш (47г, 70г) и Виница (62г, 76г), по 1 од Велес (84г), Кавадарци (84г), Охрид (59г), Струга (86г), Неготини (89г), Кратово (85г), Македонски Брод (76г) и Македонска Каменица (77г).

Регистрирани се 1.347 оздравени пациенти од:

-Скопје 780

-Битола 94

-Куманово 67

-Охрид 51

-Штип 44

-Велес 43

-Тетово 33

-Кичево 32

-Гостивар 21

-Кавадарци 20

-Гевгелија 19

-Кочани 16

-Берово 14

-Струга 12

-Свети Николе и Ресен по 11

-Прилеп и Делчево по 10

-Неготино 9

-Крива Паланка 8

-Пробиштип и Дебар по 6

-Радовиш и Македонска Каменица по 5

-Виница, Демир Хисар и Кратово по 4

-Богданци и Пехчево по 3

-Македонски Брод и Валандово 1

Досега во земјата се направени вкупно 669.141 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 141.844, бројката на оздравени пациенти е 116.780, на починати е 4.228, а бројот на активни случаи изнесува 20.836.

Времето денес ќе биде сончево со мала до умерена облачност

Утрото свежо, преку денот сончево со мала до умерена локална облачност и потопло. Ќе дува слаб до умерен ветер од јужен правец. Утринската температура ќе биде во интервал од -4 до 2, а максималната од 14 до 21 степен.

Во Скопје сончево со мала до умерена облачност и со слаб до умерен југоисточен ветер. Утринската температура ќе се спушти до 0, а максималната ќе достигне 19 степени.

И во понеделник времето ќе се задржи стабилно со дополнителен пораст на дневната температура. Од вторник ќе има зголемување на облачноста со локални врнежи од дожд, на места поројни и проследени со грмежи. Од среда ќе дува и умерен до засилен северозападен ветер, што ќе услови повторно намалување на температурата.

Популарно