„Бугарија се приклучи на проблематичната група во ЕУ“ е насловот на текст полн со податоци и изјави што го објави „Фајненшл тајмс“.
-Генералниот впечаток на Брисел е дека фондовите на ЕУ ја зголемија корупцијата во Бугарија Особено, тие се користат за купување - директно или преку јавни набавки - на повеќето медиуми и со тоа да се прикријат постапките на политичарите“
Ова го вели Симеон Ѓанков, министер за финансии во првата влада на Бојко Борисов (2009-2013), во напис за „Фајненшл тајмс“ - веднаш по влегувањето на Бугарија во ЕУ. Изданието опишува дека во Брисел постои зголемена загриженост за толерирање на корупцијата и вработување на лојални, но неспособни луѓе во администрацијата. Примери беа користени не само од домашната, туку и од надворешната политика на сегашната влада во Софија..
Според наводите во „Фајненшл тајмс“ премиерот Борисов поради политичките тешкотии што ги доживува покренаа тешки прашања во Брисел.
Критичарите велат дека земјите не успеале да извршат ефикасен притисок врз Бугарија за подобрување на управувањето на правото. Тензиите се зголемија во последните неколку недели, откако Бугарија го блокираше почетокот на разговорите за пристапување на Република Македонија во блокот.
Ова предизвика страв дека Бугарија може да стане трета земја, по Унгарија и Полска, со која ќе мора да се справуваат другите земји-членки на ЕУ.
Бугарија постојано е земја од ЕУ со најниско рангирање на Индексот за перцепција на корупцијата на ‘Транспаренси’ и падна табелата за слободата на медиумите откако стана членка на ЕУ. Дури четири петини од жителите сметаат дека корупцијата е широко раширена“, наведува „Фајненшел тајмс“.
Според весникот, обвинителите во шпанската област Каталонија истражуваат случај на наводно перење пари со потенцијални врски со Борисов. Бугарскиот премиер ги негираше обвинувањата поврзани со него.
Во последно време, се појавија слики од спалната на Борисов, на кои се гледа пиштол и банкноти од 500 евра, во вкупна вредност од околу 1 милион евра. Борисов гордо признава дека поседува пиштол, но вели дека дека сликите биле креирани.
Поранешниот заменик Премиер на Бугарија, Христо Иванов за Фајненшл Тајмс изјави дека Борисов успеал да постигне успех на европско ниво затоа што остана во конзервативниот блок на ГЕРБ и припаѓа на десноцентристичката група на ЕП. Тој не користи нелиберална реторика, како што е случајот во Будимпешта и Варшава. Но, Бугарија почнува да се гледа како дел од најголемиот модел на корупција и популизам кој премногу добро се пробива низ жилите на Европа и патот до донесување одлуки.
Целиот текст на овој линк
