Битката со Ковид-19 ја изгуби сестра Нашиде од „8-ми септември“

Пандемијата од Ковид 19 зеде уште еден живот на медицинско лице. Овој пат станува збор за сестра Нашиде Емини вработена на Одделот за дерматовенерологија во градската општа болница „8-ми септември“. 

Веста за згаснувањето на животот беше објавена на фејсбук на Здружението на медицински сестри, техничари, акушерки и стоматолошки сестри. 

„Почитувани членови со огромна жалост ви соопштуваме за прерано згаснатиот живот на уште една наша колешка, жртва на ковид пандемијата, сестра Нашиде Емини (Naside Emini 1961-2021) која долги години беше дел од одделението за дерматовенерологија во ЈЗУ ГОБ „8-ми Септември“ - Скопје“, се вели во објавата. 

Ведриот дух, топлината и хуманоста со која зрачеше, трудољубивоста и посветеноста на работата се карактеристиките по кои ќе ја паметат нејзините колешки и сите оние кои ја познаваа.

Унијата на медицински сестри и целото членство изразувија длабоко сочувство до нејзиното семејство и нејзините најблиски.

Интензитетот на сообраќај на патните правци надвор од градските средини е умерен

Сообраќајот на државните патишта се одвива непречено по суви коловози.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Патниот правец Охрид - Ресен, преку националниот парк Галичица е отворен за сообраќај до 01.10.2022 за возила со вкупна маса до 3,5 тони.

РАБОТИ НА ПАТ:

СТРАБАГ АГ известува: Врз основа на Одобрение за времена измена на режим на сообраќај на државен пат А1 – делница Велес – Неготино, издадено од Министерство за транспорт и врски со број 11-уп-46/4, од 21.07.2022 година, кое се однесува за изградба на новата клучка Градско (како дел од автопат А1), на гореспоменатата делница ќе се изведуваат градежни работи и во следните 12 месеци, а ќе се применува времената измена на режим на сообраќај.

Времениот режим ќе се применува во двата правци на автопатот Е-75, во зоната на изградба на новата клучка Градско и тоа во правец кон граничен премин Богородица и во правец кон граничен премин Табановце. Сообраќајот ќе се одвива по возната сообраќајна лената, додека нема да може да вози по сообраќајната лента за претекнување.

ГД Гранит АД Скопје известува дека согласно издаденото одобрение за времен режим на сообраќај за време изведба на Aвтопат А4, делница ГП “Блаце” - Скопје (клучка “Стенковец”) Подделница 1 - проширување на постоен пат А4 од ГП “Блаце” до с. Блаце до ниво на автопат и изградба на дел од автопат со клучка за поврзување со локален пат до с. Блаце, на 2км пред Граничниот Премин “Блаце” од 17.06.2022 г. на местото на изведување на градежните работи се одвива дополнителен времен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој. Препорака до возачите за прилагодена брзина на движење и почитување на поставената сообраќајна сигнализација.

Според информација од Друштво за градежништво Пелагонија АД Гостивар, од вторник 05.04.2022, ќе започнат градежни активности за санација на свлечишта на км 19+500 (кај село Глобочица) и 24+000 (кај село Луково) на регионалниот пат Р1201 делница Струга - Дебар и ќе има комплетно затворање на овој дел од патот, секој ден од 10 - 14 часот во следните 6 месеци. Градежните активности ги изведува Друштво за градежништво Пелагонија АД Гостивар.

Ве известуваме дека поради изведување на санациони работи од 07.03.2022 година, мостот на река Кумановка на Р1204 делница Куманово – Свети Николе во наредните 6 месеци ќе биде затворен за сообраќај.

”Стентон градба ДОО” известува за времена измена на режим на сообраќај на државен пат крак А1 ,делница Градско – Прилеп (Фариш-Прилеп), поточно после мостот на р. Раец кон Плетвар заради градежни активности од 02.03.2022 г. во врска со проект Рехабилитација на државен пат А1,Делница Фариш-Прилеп и ќе трае во наредните 12 месеци. Поради изведување на градежните работи ќе има пренасочување на сообраќајот по две коловозни ленти, возачите треба да ја следат поставената патна сигнализација и да возат со намалена брзина при поминување на работната делница.

ДГ Бетон АД - Скопје известува дека се изведуваат градежни работи за рехабилитација со проширување на Државен пат А1, делница Петровец - Катланово (во двата правци). На местото на изведување на градежните работи се одвива времен двонасочен режим на сообраќај со поставена соодветна сообраќајна сигнализација. Сообраќајот се одвива континуирано без застој. 

На патниот правец А2 Кичево - Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

ВО НЕДЕЛА: Хуманитарна ИТ трка во организација на СОС ДЕТСКО СЕЛО

IT4CHARITY 2022 продолжи со BIG IT RACE оваа година.

Проектот почна на 20 мај, а завршува на 25 септември со голема трка.

СОС ДЕТСКО СЕЛО е оранизатор на првата хуманитарна ИТ трка која ќе се одржи во Скопје на 25 Септември 2022 година.

На хуманитарната ТРКА учествуваат единствено ИТ компании кои преку финансиски донации за поддршка на работата на СОС Детско село овозможуваат нивните вработени да бидат дел од овој настан.

Трката почнува на 25 септември, недела во 09.00 часот, на вело патеката на Кеј кај хотелот Александар Палас, а ќе заврши во Ново Лисиче, кај Парк Авионче околу 13 часот.

Таму ќе се одржи 1 часовен настан кој што има за цел да ги зближи учесниците и нивните семејства кои ќе бидат поканети да ги пречекаат заедно со децата и младинците поддржани од СОС Детско село.

На самата локација на платото на Парк Авионче организаторот СОС Детско село ќе постави уникатни реквизити за спортски и забавни активности во кои ќе можат да уживаат сите посетители под мотото настан за семејството.

Концептот на проектот е: за секој поминат зелен километар од вработените, компанијата донира средства на СОС ДЕТСКО СЕЛО.

Цел е заеднички да собереме 30.000 ЕУР за поддршка на програмите на СОС Детско Село.

Сметки за донации

НЛБ Банка 210-0552173401-87

Шпаркасе Банка 250-1010002868-04

Почеток на трката

Бидејќи има две дисциплини, трчање и возење велосипед, има две времиња за старт на трката.

Првото време, каде што ќе тргнат велосипедистите, ќе биде во 09:15 часот

Второто време, каде што ќе тргнат трчачите, ќе биде во 9:30 часот

Финиш на трката

Прогласување на најдобри 3 места во дисциплина тркачи – машки пол/женски пол.

Прогласување на најдобри 3 места во дисциплина велосипедисти – машки пол/женски пол

За секој учесник ќе има благодарница од СОС Детско село за нивната заложба и учество во трката

Секоја година се поголем број на граѓани се приклучуваат во поддршката на СОС Детско село.

Многу донатори прават голема разлика во животот на децата од ранливите групи а во исто време секоја донација возвраќа на секоја индивидуа со радост, гордост и лично задоволство.

Благодарност до сите оние граѓани кои во текот на годината донираат дел од своето време и средства на СОС Детското село и на оние кои секој месец посветено донираат и овозможуваат континуитет на поддршката на оние на кои им е најпотребно.

Синдикатот на УКИМ најавува медијација пред штрајк ако Владата не ги повика на средба за нивните барања

– Сојузот на синдикати на Универзитетот „Св. Кирил и Методиј“ – Скопје очекува средба во Владата за исполнување на нивните барања и доколку таа не се реализира до крајот на идната недела, најавува медијација пред штрајк. Претседателот на Синдикатот, проф. д-р Ангел Ристов, вели дека минатиот месец им е најавена средба со премиерот, но сѐ уште не се повикани.

– На средбата со премиерот ќе ги изнесеме нашите барања што ги имаме две години – потпишување Колективен договор и постепено покачување на платите, по 25 проценти на годишно ниво, за по четири години да стигнеме на ниво од 100-процентно покачување, некоја достојна плата за вработените на најстариот и најголемиот универзитет, изјави Ристов за МИА.

За овие барања Синдикатот на УКИМ на 2 јуни организираше предупредувачки протест пред Ректоратот и за крајот на тој месец планираше мирен протест пред Владата, но го откажа откако доби ветување од Владата дека нивните барања ќе бидат разгледани од министерствата за образование и наука и за финансии.

– Од тогаш до денес немаме никаква информација. На 18 август ни е најавена средба, добивме одговор дека ќе бидеме побарани од премиерот за да разговараме во врска со барањата. Ние трпеливо ќе почекаме уште една недела и  доколку не бидеме повикани и нема никаков одговор, тогаш  ќе почнеме со медијација пред започнување штрајк. Тоа е еден правен лек кој ги интензивира преговорите на договорните страни. Тогаш има законска обврска договорната страна, конкретно Собранието, со посредник медијатор да ги отпочне или продолжи преговорите кои застанаа токму кај процентот на покачувањето на платите, рече претседателот на Синдикатот на УКИМ.

Со Колективниот договор на СОНК, вели Ристов, незначително е покачувањето на платите во високото образование, по седум проценти минатата и оваа година. Смета и дека СОНК не е репрезентативен за високото образование зашто мнозинството од членството го влече од градинките и училиштата.

– Тоа покачување е далеку од потребите. Ние десетици години наназад немавме никакви покачувања и платите речиси се приближија во основно и високо образование и една просечна плата е повисока од платата на еден доцент доктор на науки. Никаде во светот нема вакви плати во високото образование, и во регионот имаме најниски плати. Разбираме дека е тешка состојбата, меѓутоа тоа не значи дека мора веднаш. Сакаме да видиме дали од другата страна ги разбираат овие наши барања за конечно да биде потпишан колективен договор. Се разбира, кога ќе биде во можност буџетот, со следениот ребаланс итн. Но, мора да биде одговорено на нашите барања, не може да бидеме игнорирани две години, истакна Ристов.

На 3 октомври е почетокот на академската 2022/2023 година и на прашањето дали  може да биде загрозено одржувањето на наставата, одговори дека и досега покажале оти не сакаат да разговараат со притисок, блокади и на штета на студентите.

– Затоа и јунската сесија не беше блокирана, еве и септемвриската се одржува. Ние постоиме во интерес на студентите, но постојано повикуваме и на дијалог, додаде Ристов.

Популарно