Почна судењето за „Монструм”

Под силно полициско обезбедување денеска во Кривичниот суд Скопје, почна последното рочиште за петкратно убиство кај Смилковско eзеро на 12 април 2012 година.

За кривичното дело „тероризам” во овој судски предмет се обвинети Халил Демири и Африм Исмаиловиќ (во бегство) и Агим Исмаиловиќ. Јавната обвинителка Фатиме Фетаи, за овие обвинети од судот побара да име се изречат максимални казни. Додека за обвинетите Фејзи и Хаки Азири, обвинителката Фетаи, посочи дека висината на казните треба да биде до 15, односно до 9 години затвор.  Во недостиг на докази дека го извршил кривичното дело „тероризам” од обвинение е ослободен Сами Лута.

По правосилната пресуда од скопска Апелација во 2014 година за овој случај беа поднесение жалби до Врховен суд на РМ, кој во ноември 2017 година донесена одлука да се укинат пресудите на Кривичниот и Апелацискиот суд во Скопје. Со ова одлука и обвинетите после пет и полгодини затвор беа пуштени да се бранат од слобода.

Убиствата кај Смилковското езеро се случија на 12 април 2012 година, на Велики четврток, пред празникот Велигден, кога беа убиени момчињата Кире Тричковски, Филип Славковски, Цветанчо Ацковски, Александар Наќевски и рибарот Борче Стефановски.

извор: sitel.com.mk

11 лица починати и 305 нови случаи на Ковид-19 во земјава

Во последните 24 часа се направени 2.533 тестирања, а регистрирани се 305 нови случаи на ковид-19 во:

-Скопје 153

-Кавадарци 30

-Куманово 22

-Прилеп 21

-Тетово 18

-Неготино 14

-Охрид 11

-Гостивар и Гевгелија – по 6

-Струга 5

-Штип и Битола – по 4

-Ресен 3

-Велес и Делчево – по 2

-Струмица, Кичево, Богданци и Демир Капија – по 1

Пријавени се вкупно 11 починати лица. Починати се по 4 пациенти од Скопје (79г,72г,67г,57г), 3 пациенти од Прилеп (79г,71,70), 2 пациенти од Гевгелија (85г,71г), и по еден пациент од Куманово (77г) и Битола (80г). Од пријавените смртни случаи сите се починати во болнички услови.

Регистрирани се 167 оздравени пациенти од:

-Скопје 71

-Прилеп 26

-Велес 10

-Куманово и Струмица – по 6

-Штип и Битола – по 5

-Тетово и Гостивар – по 4

-Кавадарци, Делчево и Кичево – по 3

-Гевгелија, Богданци, Кочани, Пробиштип, Виница и Кратово – по 2

-Неготино, Охрид, Ресен, Крива Паланка, Радовиш, Валандово, Крушево, Демир Хисар и Дојран – по 1.

Досега во земјата се направени вкупно 522.518 тестирања на Ковид-19.

Вкупната бројка на КОВИД-дијагностицирани лица во нашата земја од почетокот на епидемијата изнесува 102.787, бројката на оздравени пациенти е 91.233, на починати е 3.137, а бројот на активни случаи изнесува 8.417.

Четири трудници позитивни на Ковид-19 хоспитализирани на ГАК

Вкупно 667 пациенти позитивни или сомнителни на коронавирусот се лекуваат во болниците низ државата и има околу 384 празни болнички кревети. На  инфективните оддели во Скопје се хоспитализрани 256, а во ковид-центрите во другите градови во изминатите 24 часа е пријавено дека се лекуваат 411 пациенти, соопшти Министерството за здравство.

Во болниците во Битола и Штип се хоспитализирани по 32 пациенти, на инфективното одделение во Тетово има 24, во Велес се лекуваат 26, во Куманово 53, во Охрид 55, во Прилеп 73 пациенти, четворица во Гостивар, 19 во Струга. Во болницата во Струмица хоспитализирани се 17, во Кочани шест,  во Кичево осум, Кавадарци  – 45, четворица во Гевгелија и 13 во Дебар.

Во ковид-центрите во Скопје во изминатите 24 часа се хоспитализрани 30 нови пациенти поради компликации од коронавирусот. На интерните клиники имало 11 приеми на пациенти, во ковид-центарот во ГОБ „8 Септември’ шест, седум приеми на Инфективната клиника и во Козле шест нови пациенти. Во изминатите 24 часа дома се пуштени седум оздравени пациенти.

Вкупно 256 пациенти потврдени и сомнителени за КОВИД-19 се лекуваат во моментов на инфективните оддели во болниците во главниот град. Во ковид-центарот на Клиниката за кожни болести лежат 16 пациенти, на Неврологија 26, на Институтот за ТБЦ – 36 пациенти. Во ГОБ „8 Септември“ има 80 болни, на Инфективната клиника  81, а во Институтот за белодробни заболувања кај деца Козле има 13 пациенти.

На Гинекологија има четири хоспитализирани ковид-позитивни пациентки.

Голем дел од пациентите се на кислородна поддршка. Министерството за здарвство соопшти дека бројот на приеми во изминативе денови е стабилен, а се очекува во тек на денот по направените исписи на оздравените пациенти да се ослободат и дополнителни места. 

Куќен притвор од 15 дена и одземање на пасошот на малолетникот кој со џип удри во доктор Ѓорѓи Јота

Јавен обвинител од Основното јавно обвинителство Скопје до судијата за деца при Основниот кривичен суд Скопје поднесе Барање за поведување подготвителна постапка спрема дете во ризик постаро од 14 години, за кое постои основано сомнение дека извршило дејствие кое со закон е определено како кривично дело – Тешки дела против безбедноста на луѓето и имотот во сообраќајот од член 300 став 3 во врска со член 297 став 3 во врска со став 1 од Кривичниот законик, како и кривично дело – Неукажување помош на лице повредено во сообраќајна незгода од член 301 став 1 од Кривичниот законик.

На 25 февруари, детето во ризик, како учесник во сообраќајот на јавните патишта, не се придржувал кон сообраќајните прописи и со тоа го загрозил јавниот сообраќај и го довел во опасност животот и телото на луѓето. Иако немал возачка дозвола, тој управувал автомобил БМВ Х6 по булеварот „Мајка Тереза“ во Скопје и кога дошол на раскрсницата со улицата „Елисие Поповски Марко“ не ја приспособил брзината на движење на возилото спрема својствата и состојбата на патот, односно наближувајќи кон обележан пешачки премин не го управувал автомобилот со брзина која би му овозможила да запре и да ги пропушти пешаците. Така, тој со возилото удрил во пешак кој во тој момент поминувал по пешачкиот премин. Од ударот, оштетениот се здобил со тешки телесни повреди поради кои се наоѓа во животно-загрозувачка состојба, а детето во ризик веднаш по несреќата го напуштило местото на настанот без да му укаже помош.

Јавниот обвинител од судијата за деца побара за малолетникот да определи мерка куќен притвор со која ќе го обезбеди неговото присуство во текот на постапката, како и мерка на претпазливост – привремено одземање на патната исправа.

Судијата го прифати предлогот на обвинителот, па на детето во ризик му определи притвор во траење од 15 дена и одземање на пасошот.​

Популарно