Работник пронајден удавен во шахта на магистралниот пат во изградба А-4 Штип-Радовиш

Во полициска станица Радовиш вчера во 17:50 часот било пријавено дека во шахта на магистралниот пат во изградба А-4 Штип-Радовиш, во близина на крстосница за селото Бучим, било пронајдено починато лице, соопштија од СВР Струмица.

Увидна екипа од ОВР Радовиш, трудов инспектор и лекар извршиле увид на местото на несреќата, при што било утврдено дека станува збор за Б.Б.(49) од Скопје, кој додека извршувал работни задачи за една компанија, паднал во шахтата со вода и се удавил.

Од обдукцијата, извршена по наредба на Јавен обвинител, е потврдено дека причина за смртта е давење.

Камер Идризи е убиениот вчера во Бутел, 22-годишник од Арачиново се бори за живот

43-годишниот Камер Идризи е убиеното лице во Бутел 2.

Во пукањето е повреден и сопатникот од авомобилот на Идризи. Во болница е пренесен и 22-годишниот Е.И од Арачиново, кој бил во автомобилот на Камер во моментот кога непознати лица пукале со автоматско оружје.

Камер Идризи, како што информира полицијата, починал на пат кон болницата, додека 22-годишникот од Арачиново бил хоспитализиран со шест куршуми и се бори за живот

Пукале од автомобил во движење во „голф“ како на филм, детали за убиството во Бутел

Едно лице е убиено, а друго е рането во синоќешната престрелка во скопски Бутел 2. Двајцата се наоѓале во возило „голф“, а кон нив било пукано од друго возило. Се се случувало брзо. Лекарите од Итната помош не успеале да сторат ништо за едниот од застреланите и покрај обидите, неговиот сопатник е тешко повреден и во моментот е на скопските клиники „Мајка Тереза“.

Синоќа немаше полициски час. 

Полицијата најавува повеќе детали за денеска. Првичните информации се дека настанот се случил на паркинг кај раскрсницата меѓу булеварите „Босна и Херцеговина“ и „Христијан Тодоровски-Карпош“.

- Во СВР Скопје околу 22.00 часот е пријавено дека на паркинг кај раскрсницата од булеварите „Босна и Херцеговина“ и „Христијан Тодоровски-Карпош” од едно патничко возило биле испукани проектили кон патничко возило „голф“, во кое имало две лица, по што биле пренесени во Комплекс клиники „Мајка Тереза” за укажување на лекарска помош. Едното лице им подлегнало на повредите. Увидна екипа е на терен и се работи на расчистување на случајот, изјавија од МВР доцна синоќа.

Инаку според првичните информации убиениот е извесен К.И. По пукањето на местото на настанот беа присутни голем број полициски службеници.

Загина прилепчанец откако изгубил контрола над мотоциклот и излетал од патот

Прилепчанец починал откако изгубил контрола над мотоциклот и излетал од коловозот.

- На 11.05.2021 во 18.40 часот во Полициската станица Прилеп било пријавено дека на локалниот пат Прилеп-с.Лениште, мотоцикл „томос“, со прилепски регистарски ознаки, управуван од С.Т.(71) од Прилеп изгубил контрола и излетал од патот, информираат од МВР.

По незгодата, мотоциклистот бил пренесен во Градската болница Прилеп, каде од страна на лекар била констатирана смрт.

Извршен бил увид на местото на незгодата од увидна екипа од Полициската станица Прилеп.

Популарно