13 дрва се исечени долж улицата Орце Николов во Дебар Маало. Градоначалникот на Центар, Богдановиќ вели дрвјата биле стари и на нивно место ќе се засаделе нови садници.
Пред неколку дена багери – денеска и моторни пили „заиграа“ на улица Орце Николов.
Од јаворите кои ја красеа оваа улица останаа само трупови. Нa некои, пак, им се кратеа единствено гранките кои пречат. Околните жители од своите балкони набљудуваа како го снемува зеленилото.
„Екипите на „Паркови и зеленило“ треба да отстранат 13 дрвја на оваа улица и тоа на потегот од крстосницата со Рузвелтова до крстосницата со Ленинова.“
На „Фејсбук“ врие од негодувања. Велат дека се сечат здрави дрвја. Го потсетуваат градоначалникот Богдановиќ дека дал ветување да не се исече ниту едно дрво при реконструкцијата на улицата.
Од ДОМ бараат веднаш да престане дрвосечата.
„Зошто е направен овој „масакар“ врз дрворедот? Да не забораваме дека на вака „зацементиран“ град каде што се случува урбанистички хаос, секој ваков дрворед е важен за благостостојба на граѓаните и на животната средина.“
Богдановиќ тврди дека од Град Скопје излегле на терен и констатирале дека дрвјата се стари и болни. Добивале и поплаки дека често паѓаат суви гранки па се опасност за минувачите и паркираните автомобили.
„Кога се збори со граѓаните, најголемиот дел од нив односно сите се против отстранување на дрва, што е многу нормално. Ама кога станува збор за болни дрва кои што можат да предизвикаат било каков инцидент или не дај боже повреда – тогаш треба да бидат отстранети. Затоа имало решение.
Тринаесетте јавори ќе бидат заменети со нови дрвја од истиот вид. Дополнително, откако ќе заврши реконструкцијата - паркингот на улицата ќе биде само за резидентите.
Видеото погледнете го на kanal5.com.mk
