ВИДЕО: Гратче во Германија изчезна под вода

Апокалиптични сцени од Германија го шокираа светот. Најмалку 42 лица загинаа, најмалку 70 се водат за исчезнати, а илјадници беа евакуирани од своите домови. Околу 200.000 луѓе во Германија останаа без електрична енергија, пишува Би-Би-Си. Поплавите се случија кога бесните реки ги скршија своите корита по обилните врнежи од дожд во последните два дена.

Двајца пожарникари и двајца полицајци се удавија за време на поплавите, а властите ја мобилизираа армијата. Околу 500 војници се распоредени за да им помогнат на жителите на двете најтешко погодени провинции, соопшти во четвртокот германското Министерство за одбрана, објави Би-Би-Си.

- Во моментот, противпожарната единица и армијата ги чистат нашите патишта и подруми, но енергетските трансформатори се сериозно оштетени, така што нема да имаме електрична енергија до 14 дена ... - вели еден од локалните жители.

- Околината на местото беше уште повеќе уништена, како и околните фабрики беа тотално уништени и беше прогласена природна катастрофа во градот и целото градско подрачје - додаде тој.

Властите во Рајнска област-Пфалц, една од двете германски покраини погодени од поплавите, ја објавија оваа фотографија направена вчера, покажувајќи ја големината на поплавата во селото Алтенбург.

Белгискиот град Лиеж ги повика жителите да го напуштат градот. Во Лиеж, кој лежи на реката Меус, се очекува натамошен пораст на водостојот до метар и половина. Затоа, градските власти ги повикаа сите што се таму заради деловна активност или од други причини да го напуштат градот, а жителите да се качат на повисоките катови. Според белгиските медиуми, толку висок водостој на реката Меуз не е забележан од 1926 година. Ситуацијата е критична низ цела Валонија, особено во градовите што лежат на реката Меуз и нејзините притоки.

Премиерот на Северна Рајна-Вестфалија, еден од најпогодените делови на Германија, рече дека многу луѓе се уште се во опасност. Училиштата се затворени, а патиштата на западот на земјата блокирани.

Вонредна состојба е прогласена во областа Шулд беј Аденау, во планинскиот регион Ајфел на границата со Белгија и Луксембург, пренесуваат германските медиуми. Бројни делови на Западна Германија сè уште се отсечени од остатокот од светот по силното невреме и обилните врнежи од дожд во средата вечерта.

Мала Дрејер, премиер на сојузната покраина Рајнска област-Пфалц, поплавата ја опиша како катастрофа.

- Има мртви, исчезнати, а многу луѓе сè уште се во опасност. Сите наши служби за итни случаи работат дење и ноќе и го ризикуваат сопствениот живот. Сочувство до жртвите на овој хорор - рече таа.

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен.

Полицијата, исто така, соопшти дека некои од жртвите биле избодени, но не било употребено огнено оружје во нападот, пренесува CBN News Chicago.

Убиени се 15-годишно девојче, 63-годишна жена, 49-годишен маж и 22-годишен млад човек.

Шефот на полицијата во Рокфорд, Карла Ред, изјави дека загинале вкупно четири лица, додека еден од нив е тешко повреден. Четири лица се префрлени во болници, каде нивната состојба е стабилизирана.

Повиците до полицијата и итните служби дошле од повеќе страни додека нападот траел приближно 20 минути, а екипите набрзо биле на терен. Од полицијата истакнаа дека засега не е јасна причината за нападот.

Тинејџер во Германија ги заклал родителите и братот, од смрт ја поштедил сестра си

Деветнаесетгодишник со нож ги убил братот и родителите и тешко си ја повредил сестрата во Хохентенген на германско-швајцарската граница, соопшти државното правобранителство во сојузната покраина Баден-Виртемберг. 19-годишникот со нож ги убил родителите на возраст од 58 и 61 година, а потоа и 34-годишниот брат. Сестрата, чија возраст не е објавена, била повредена и со хеликоптер била пренесена во блиската болница. Таа наводно се здобила со сериозни убодни рани, но нејзиниот живот не е во опасност.

Инцидентот се случил вчера вечерта, соопштија од полицијата и од државното правобранителство. Осомничениот е уапсен. Според полициското соопштение, целото семејство живеело во куќата во која се случил масакрот. Убиецот има германско и италијанско државјанство. Мотивот за нападот се уште е нејасен.

Според информациите од државното правобранителство, 19-годишникот се товари за тројно убиство без умисла и обид за убиство, а во текот на денот треба да биде изведен пред судија кој треба да одреди мерка притвор.

Во истата област, пред два месеци, 32-годишен син ги убил своите родители, а на крајот и себеси

Ни трага, ни глас од 100 лица по масакрот од Москва

Деведесет и пет лица се уште се водат како исчезнати по минатонеделниот терористички напад во Москва, јавија денеска руските медиуми.

Официјалниот биланс на загинати во нападот во Crocus City Hall сега е 140 мртви и 182 ранети.

Порталот База, кој има добри врски со руските безбедносни служби, објави дека на списокот се појавиле уште 95 лица кои нивните семејства ги пријавиле за исчезнати.

Руските истражители велат дека акцијата ја извршиле четворица напаѓачи со калашникови. Пукањето започна непосредно пред рок групата „Пикник“ да настапи пред 6.200 гледачи.

Оттогаш руските социјални мрежи се преплавени со повици за помош во пронаоѓањето на исчезнатите.

Собрани во чат на Телеграм, пријателите и семејствата ги споделуваат имињата на луѓето кои сè уште се бараат и нудат поддршка еден на друг.

Популарно