Кина одбива да учествува во втората фаза од истрагата за потеклото на коронавирусот

Планот на Светската здравствена организација (СЗО) за втората фаза од истрагата за потеклото на коронавирусот содржи јазик што не ја почитува науката и Кина нема да го следи, изјави на прес-конференција Зенг Јинсин, заменик-шеф на Државниот комитет за хигиена и здравје на кинеската република, пренесува Тасс.

-Што се однесува до предлогот на СЗО за втората фаза од истражувањето, тој содржи јазик што не ги почитува науката и здравиот разум. Ние нема да следиме таков план, рече тој.

„Кинеските власти ги поддржуваат научните истражувања“, рече Зенг. Тој, исто така, истакна дека Кина „се спротивставува на политизирањето на истрагата за потеклото на коронавирусот и смета дека втората фаза треба да се темели на резултатите од првата фаза“.

Претходно, генералниот директор на СЗО, Тедрос Аданом Гебрејсус, соопшти дека организацијата се подготвува за втората фаза од истрагата за потеклото на коронавирусот САРС-КоВ-2 и очекува транспарентност од кинеските власти. Тој истакна дека првата фаза се соочувала со одредени проблеми. Едниот од нив тој го нарече „пристап до податоци, особено до податоците за почетокот на пандемијата“.

Гебрејсус, исто така, не ја исклучи можноста ширењето на коронавирусот да било резултат на „вонредна ситуација во лабораторијата“.

Кинеското Министерство за надворешни работи во својот одговор изрази надеж дека експертите на СЗО за време на новата фаза на истражувањето ќе посветат поголемо внимание на теоријата дека коронавирусот бил донесен во Вухан со замрзната храна и не се појавил како резултат на лабораториско протекување.

Пет градови во Холандија бараат забрана на продажба на брза храна

Властите во пет градови во Холандија се залагаат за законски процедури за забрана на продажба и набавка на брза храна, во ресторани за брза храна во обид да се бори против дебелината, пишува NL Times.

Станува збор за Амстердам, Хаг, Ротердам, Утрехт и Ед. Властите во тие градови испратија писмо до Пол Блокхаис, државен секретар за здравство, благосостојба и спорт, барајќи поголемо овластување, вклучително и намалување на бројот на ресторани за брза храна. Се наведува дека прашањето за забрана на брза храна во рестораните е тешко, бидејќи градовите имаат мала можност да го намалат бројот во согласност со законот за животна средина.

Дел од ова ќе биде проучување на прашањето за доделување дополнителни овластувања на регионите.

„Бидејќи ја гледаме храната како индивидуален избор, општините и владите не можат да интервенираат во ова преку закон за животна средина“, изјавила Аника де Рутер, доцент на Универзитетот во Амстердам. Министерството за здравство, социјална заштита и спорт работи со општините за да помогне да се подобри средината во поглед на храната во регионите.

Дејли меил: Талибанците имаат 48 борбени летала, Северна Македонија 20

Талибанците сега поседуваат 48 борбени хеликоптери и авиони по повлекувањето на американските војници од Авганистан, објави Дејли Мејл, повикувајќи се на сопствена истрага.

Таблоидот потсетува дека кон крајот на јуни авганистанските воздухопловни сили броеле 167 единици воена опрема. Станува збор за 108 хеликоптери и 59 авиони. Меѓутоа, пред талибанците да го заземат Кабул, 46 воени летала, вклучувајќи 24 хеликоптери, успеаја да слетаат во Узбекистан. Според американската војска, пред нивниот последен лет од Авганистан, тие оштетиле 73 авиони. Со оглед на овие бројки, 48 авиони и хеликоптери се уште се во рацете на Талибанците, но засега не е познато во каква техничка состојба се тие, наведува весникот.

Дејли меил нагласува дека талибанците сега поседуваат борбени авиони кои го надминуваат бројот на воздушните сили на најмалку 10 земји на НАТО, меѓу кои и Албанија, Македонија, Црна Гора, Словенија, Исланд, Луксембург, Летонија, Литванија и Естонија.

Весникот, исто така, објави дека талибанците веќе се обиделе да користат хеликоптер за борбени операции во авганистанската провинција. За борбените авиони се бараат обучени специјалисти, пилоти и технички персонал. Талибанците регрутираат пилоти од владините воздухопловни сили, пишува Дејли меил. Меѓутоа, повеќето авиони и хеликоптери за кои станува збор се од 80-те и им треба постојано одржување и делови. Покрај тоа, забележува весникот, новите авганистански власти најверојатно нема да можат да користат ракети и друго оружје.

СЗО: Наставниците и вработените во училиштата треба да имаат приоритет за вакцинација

Наставниците и вработените во училиштата треба да добијат приоритет за вакцини против Ковид-19, бидејќи училиштата мора да останат отворени за учениците, соопштија Светската здравствена организација (СЗО) и УНИЦЕФ.

Мерките за да се осигури дека училиштата можат да останат отворени „вклучуваат нудење на наставниците и другите вработени во училиштата вакцина против Ковид-19 како дел од целните групи на население во националните планови за вакцинација“, наведуваат агенциите на ОН во соопштението.

Додека училиштата се отвораат по летните одмори, агенциите наведуваат дека е „од витално значење учењето во училница да продолжи непречено“, и покрај ширењето на позаразната варијанта Делта на коронавирусот.

– Ова е од огромно значење за образованието на децата, менталното здравје и социјалните вештини, за училиштата да помогнат со цел нашите деца да бидат среќни и продуктивни членови на општеството, нагласи директорот на европскиот регион на СЗО, Ханс Клуге.

– Пандемијата го предизвика најкатастрофално нарушување во образованието во историјата, додаде тој.

Популарно