Царовска: Вчера нови 50 ученици позитивни на Ковид-19

Од вкупно 240 илјади ученици кои се со физичко присуство во моментов во државата, активни случаи на ковид од почетокот на учебната година се 0,2 проценти. Во текот на вчерашниот ден дијагностицирани се нови 50 ученици позитивни на ковид, односно 0,02 проценти, рече денеска министерката за образование и наука, Мила Царовска во одговор на новинарско прашање.

Министерката посочи дека обврската е континуирано да се почитуваат протоколите, за училиштата да останат безбедни и да продолжат со физичко присуство.

-Сите ние сме сведоци на континуирана трансмисија во целиот конктекст во кој што ние живееме во општетсвото. Училиштата не се надвор од нашето општество ниту надвор од нашите локални заедници. Наша обврска е да да ги почитуваме протоколите доследно и да правиме се училиштата да останат безбедни и да продолжат со физичко присуство, рече Царовска денеска при посетата на централното основно училиште „Димитар Поп Георгиев Беровски“ во Ѓорче Петров.

Таа напомена дека доколку се појави каква и да е потреба или аларм од епидемиолошката служба или од Комисијата за заразни болести, Министерството е подготвено директно да се префрли на следен модел кој ќе биде препорачан, а трите модели се донесени и утврдени од Влада во соработка со Комисија за заразни болести.

Прашана колку ученици во моментов се во изолација министерката посочи дека како министер не е надлежна да зборува за бројка на изолирани, но информираше дека во основното образование околу 2 отсто од учениците следат онлајн настава, а во средно образование, околу 7 проценти.

-Министерството за образование и наука не издава решенија за изолација. Токму затоа јас како министер не можам да комуницирам бројка на изолирани. Можам да кажам дека во основно образование процентот на ученици кои се со онлајн учење е 2 проценти од различни причини, медицински и немедицински, додека во средно образование, затоа што знаете дека четири општини одеа со онлајн учење во првата недела, сега и втората недела во Тетово и Гостивар останува со онлајн учење, токму затоа имаме околу 7 проценти ученици во средно образование, рече Царовска.

Таа потсети дека Струга и Кичево од минатата недела се вратија со физичко присуство, и тие се во континуитет со наставата.

Во однос на реакцијата на Првата детска амбасада во светот МЕЃАШИ, кои бараат наставата да се одвива и на отворено, Царовска рече дека планот за спроведување на настава со физичко присуство е усвоен уште во овој месец, тој е доставен до училиштата и по истиот тој план се спроведува наставата денес.

Како што рече, протоколите и планот се поставени од страна на Комисијата за заразни болести, и заедно со нив се утврдени сите елементи кои во тој протокол и план за работа треба да бидат исполнети.

-Токму затоа укажувам дека Министерството за образование и наука ниту одлучува за тестови, ниту одлучува за протоколи заради тоа што сметам дека здравствените власти покажаа дека ја водат пандемијата и успешно се справуваат со истата, и токму затоа продолжуваме да ги следиме инструкциите кои што Комисијата за заразни болести ги дава, додаде министерката.

Таа уште еднаш напомена дека сите училишта имаат обврска да обезбедат онлајн учење за учениците кои имаат одобрение од училиштето и сите оние кои се во изолација и треба да следат онлајн настава, треба истото да им се овозможи. Доколку нема можност за такво нешто, тогаш се доставуваат материјали.

-Но, прв начин на одговор во време на изолација или ковид кај ученик, училиштето има обврска да обезбеди онлајн учење и тоа го повторувам кај сите директори во континуитет, појасни Царовска.

Денес се регистрирани 154 нови случаи на Ковид-19

Во последните 24 часа се направени 1.967 тестирања, а регистрирани се 154 нови случаи

на КОВИД-19: 

• Скопје – 118

• Куманово – 12

• Кавадарци – 5

• Прилеп и Битола – по 3

• Велес, Кичево, Кочани, Свети Николе и Крива Паланка – по 2

• Струмица, Виница и Кратово – по 1

Пријавени се 12 починати лица: 10 починати лица од Скопје (90г, 90г, 82г, 74г, 73г, 73г, 71г, 67г, 67г  и 53г), по едно починато лице од Штип (84г) и Валандово (30г). Сите пријавени лица се починати во болнички услови.

Регистрирани сe 408 оздравени пациенти од: 

• Скопје – 179

• Тетово – 23

• Куманово – 22

• Струмица – 19

• Штип – 17

• Кавадарци – 15

• Кичево – 14

• Прилеп и Велес – по 12

• Кочани и Дебар – по 11

• Радовиш и Берово – по 9

• Битола и Ресен – по 7

• Свети Николе – 6

• Кратово и Гостивар – по 5

• Крива Паланка, Гевгелија и Валандово – по 4

• Неготино и Делчево – по 3

• Пехчево – 2

• Охрид, Пробиштип, Богданци, Македонски Брод и Македонска Каменица – по 1

Досега во земјата се направени вкупно 1.254.061 тестирање на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 187.068 бројката на оздравени пациенти е 167.810, на починати е 6.472, а бројот на активни случаи изнесува 12.786

Дополнителната акциза за дизелот повторно на нула

Регулаторната комисија за енергетика и водни услуги (РКЕ) донесе одлука со која малопродажните цени на бензините ЕУРОСУПЕР БС-95 и ЕУРОСУПЕР БС-98 не се менуваат, додека малопродажната цена на ЕУРОДИЗЕЛ (Д-Е V) се намалува за 1,50 ден/литар, во однос на малопродажната цена утврдена со одлуката за утврдување на највисоки малопродажни цени на нафтените деривати и горива за транспорт од 13.09.2021 година.

Малопродажната цена на Екстра лесното масло за домаќинство (ЕЛ-1) се зголемува за 1,00 ден/литар.

Малопродажната цена на Мазутот М-1 НС се зголемува за 0,786 денар/килограм и сега ќе изнесува 39,181 ден/кг.

РКЕ во денешната одлука врши зголемување на малопродажните цени на нафтените деривати во просек за  0,25% во однос на Одлуката од 13.9.2021 година.

„Кај крајната цена на дизелот има намалување како последица на анулирање на дополнителната акциза за дизелот од 2 на 0 денари за литар. Во првите две недели од месецот заклучно со 15 септември регистриран е раст на берзанската цена на дизелската фракција која служи како основа за пресметка на малопродажната цена на дизелот. Растот на берзата е поголем од 600 USD/ton, со што се исполнува условот да не се пресметува дополнителната акциза кај дизел горивото. Ние ги доставивме овие податоци до Министерството за финансии и Царинската управа, што всушност ни е законска обврска  два пати во месецот да ги информираме за движење на берзанските цени на нафтените деривати за да знаат дали се пресметува дополнителната акциза или не.“ изјави Марко Бислимоски, претседател на Регулаторна комисија за енергетика и водни услуги.

Од 21.9.2021 година од 00:01 часот максималните цени на  нафтените деривати ќе изнесуваат:

Моторен бензин​​ЕУРОСУПЕР БС - 95​​​   73,00 ​ (денари/литар)

Моторен бензин​ ​ЕУРОСУПЕР БС -98​​​ 75,00​ (денари/литар)

Дизел гориво​​​ЕУРОДИЗЕЛ БС (Д-Е V)​​  62,00 ​ (денари/литар)

Масло за горење​​Екстра лесно 1 (ЕЛ-1)​​  64,00​ (денари/литар)

Мазут М-1 НС​​​​​​​​​​​​  39,181​ (денари/килограм)

Во изминатиот седумдневен период референтни цени на светските берзи во просек бележат намалување: бензинот за 1,160%, дизелот зголемување за 3,228%, кај екстра лесното масло за 3,131% и кај мазутот има зголемување за 1,992%.

СЗПМ одбележа 75 години од основањето: Во изминатиот период постигната подобра здравствена заштита и зголемена соработка со локалната власт

Благосостојбата и сигурноста на пензионерите во земјава се приоритет за Владата и за Министерството со кое таа раководи, истакна министерката за труд и социјална политика во своето обраќање по повод одбележувањето 75 години од основањето на Сојузот на здруженија на пензионери.

-Во моментов во земјава има 324 илјади пензионери граѓани кои по придонесот за државата низ текот на својот работен век заслужуваат да имаат мирни и спокојни пензионериски денови и затоа грижата за нив е врвен приоритет за Владата, благодарение на вас и вашата пожртвуваност, денеска Република Македонија е самостојна, просперитетна држава, членка на НАТО, меѓутоа и земја која храбро чекори на својот европски пат, порача Шахпаска.

Додаде дека пензискиот фонд и покрај пандемиската и економската криза предизвикана од коронавирусот е во стабилна состојба. А, пензиите, како и досега ќе продолжат со тековна редовна и навремена исплата.

На манифестацијата присуствуваше и премиерот Зоран Заев, тој порача дека пензискиот фонд е стабилен, со што пензиите ќе течат редовно и ќе растат согласно законот и најави дека до крајот на годината ќе се промени системот и методологијата за усогласувањето на пресметката на пензиите.

– Со тоа ќе го исполниме најголемото барање на сите наши пензионери, а тоа е да се вгради и критериумот раст на просечната плата, покрај растот на трошоците на живот, изјави Заев.

Со тоа, посочи тој, ќе имаме можност да направиме дисперзија и да гарантираме сигурен раст на пензиите и да се усогласиме со многу европски прогресивни земји.

Од Сојузот на здруженија на пензионери на Македонија истакнаа задоволство од постигнатите резултати, како што се заштитата на стекнатите права од пензискито и инавлидиско осигурување, подобрата здравствена заштита преку ослободување од партиципација за болничко лекување на пензионерите со пониски примања и зголемена соработка со локалната власт, како и широкото поле на соработка со црвениот крст.

-Посебно се импресивни резултатите во јубилејната 2021 година за кои ќе се потрудиме да не се заборават. Не може и не треба да се заборави дека Сојузот на здруженијата на пензионерите на Македонија со одлука на Влада оваа година во месец јули, доби простори и цел спрат на трајно користење со што се создадоа подобри услови за работа во време кога Сојузот, заклучи Станка Трајкова, претседателката на Сојузот на здруженија на пензионери на Македонија.

Од Сојузот сметаат дека Владата покажала сериозен однос кон пензионерите. 

Популарно