Мицкоски: Информациите за начинот и материјалот за градба на модуларните болници ја надминуваат моралната одговорност

Лидерот на ВМРО-ДПМНЕ Христијан Мицковски денеска во статус на „Фејсбук“ напиша дека информациите за материјалот кој е користен за градба на модуларните болници ја надминува моралната одговорност на надлежните.

Прашува зошто во набавката за модуларните болници се барале лесно запаливи PUR панели, не се барало атест за квалитет и зошто немало противпожарна заштита.

– Со набавката направена од Министерството за здравство се бара монтажните болници – контејнери да бидат составен од ѕидни и кровни (PUR) панели кои се најслабо огноотпорни. Никаде не се бара да се достави атест од производител на било кој материјал што е вграден во модуларните болници. Нема никаде дека обврзувачко е во самите објекти да има и планови за евакуација. Покрај тоа што не се бара елаборат (проект) за ПП заштита, исто така не се бара да бидат запазени минималните барања за ПП заштита за ваков тип на објекти (здравствени установи), пишува Мицковски.

Додава дека според Правилникот за заштита од пожари, овие објекти спаѓаат во категоријата Г за која важи дека мора да бидат огноотпорни минимум два часа, а болницата во Тетово, како што вели, изгоре за две минути.

Според Мицковски, сето ова ја надминува моралната одговорност на надлежните. Смета дека треба да се спроведе објективна истрага. 

Центар за комуникации на ВМРО-ДПМНЕ

Македонија најбезбедна земја на Западен Балкан

Македонија е најбезбедна земја на Западен Балкан, според истражувањето на Институтот за економија и мир (ИЕП).

Индексот на Македонија е зголемен за 11 индексни поени, и државава е на 40-то место во светот, додека на прво место во светот е Исланд, а на последното 163-то се наоѓа Авганистан.

Зад Македонија се Србија (44. место), Албанија (48. место), Црна Гора (51. место), Босна и Херцеговина (72. место) и на 80. место од земјите од Западен Балкан се наоѓа Косово.

Според Институтот, поголем дел од земјите од Западен Балкан бележат напредок во состојбата за мир, безбедност и внатрешна стабилност.

ИЕП рангира 163 независни земји и териории во светот, оценувајќи ја состојбата на мир во тие земји во публикацијата „Индекс на мирот“ (Peace index) за 2021 година. 

Земјотрес ја стресе и Македонија

Денес во 16 часот и 04 минути, регистриран е земјотрес чиј епицентар се наоѓал во Република Албанија, 140 километри југозападно од Скопје, соопштија од Телеметриската сеизмолошка мрежа на Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје.

Според нив, земјотресот имал локална Рихтерова магнитуда ML 3.6, а бил почувствуван од населението во Македонија, особено во југозападните делови со интензитет од III степени според Европската макросеизмичка скала.

-Земјотрес со јачина од 3,9 степени според Рихтеровата скала е регистриран попладнево во Албанија. Евро-медитеранскиот сеизмолошки центар објави дека епицентарот на земјотресот бил на 21 километар североисточно од Тирана, на длабочина од 10 километри, објавија албанските медиуми.


 

Денес се регистрирани 554 нови случаи на Ковид-19

Во последните 24 часа се направени 4.072 тестирања, а регистрирани се 554 нови случаи

на КОВИД-19: 

• Скопје – 309

• Куманово – 44

• Прилеп и Велес – по 20

• Тетово, Битола и Кавадарци – по 17

• Кочани – 16

• Кичево – 11

• Охрид – 10

• Крива Паланка – 9

• Гевгелија и Ресен – по 6

• Струмица и Штип – по 5

• Неготино, Свети Николе, Радовиш и Кратово – по 4

• Гостивар, Струга, Виница, Валандово и Демир Хисар – по 3

• Дебар, Берово, Делчево и Пробиштип – по 2

• Богданци, Македонски Брод и Македонска Каменица – по 1

Пријавени се 17 починати лица: 10 починати лица од Скопје (93г, 82г, 73г, 71г, 62г, 44г, 40г, 36г, 34г и 33г), 2 починати лица од Прилеп (75г и 64г) и по едно починато лице од Куманово (85г), Струмица (74г), Кичево (76г), Кочани (63г) и Демир Хисар (59г). Сите пријавени лица се починати во болнички услови.

Регистрирани сe 891 оздравени пациенти од: 

• Скопје – 360

• Охрид – 132

• Струга – 105

• Куманово и Струмица – по 42

• Тетово – 26

• Велес – 20

• Гостивар – 19

• Прилеп и Штип – по 18

• Битола и Кичево – по 16

• Кавадарци – 9

• Кочани, Радовиш, Дебар и Берово – по 8

• Гевгелија и Ресен – по 6

• Свети Николе и Кратово – по 5

• Виница и Пробиштип – по 3

• Крива Паланка, Валандово и Дојран – по 2

• Делчево и Македонска Каменица – по 1

Досега во земјата се направени вкупно 1.258.133 тестирање на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 187.622 бројката на оздравени пациенти е 168.700, на починати е 6.489, а бројот на активни случаи изнесува 12.433

Популарно