Заев: Одлуките кој да биде директор се политички, но стручноста е основен услов

Политичка е одлуката кој ќе биде директор на здравствените установи, како и за сите други институции, но во основа, условот за избор е сепак експертизата и стручноста, рече денеска премиерот Зоран Заев, одговарајќи на новинарски прашања.

Според него, лекарите можат да придонесат многу и со својот општествен ангажман, не само професиоанален. Затоа голем број од нив се на директорски позиции. Повеќето се поставуваат како вршители на должност заради транспарентните постапки, но потоа се дава можност на компетативна основа да се јавуваат сите.

Како што рече Заев, повеќе од 80 отсто од директорите во здравствените установи се со трајни решенија, а меѓу нив, освен лекари, има и економсити.

-Политички се поставуваат најголемиот дел од директорите и на здравстените институции зашто политичката одговорност граѓаните ја пренесуваат на политичарите и политичките партии и тие ја преземаат преку свои политичко-поставени раководни структури. Друго е што голем дел од директорите на здравстените институции се поставени на ексепртска база. Но, политичка е одлуката да биде тој, а не другиот, зашто веруваме дека правото да управуваме со институциите доаѓа со одговорноста на институциите. Наша желба е пред се лекари да ги водат здравстените институции и затоа најголем дел од директорите се лекари, иако има и економисти, објасни Заев.

Тој додаде и дека она што го зборуваме во суперлатив за нашите лекари важи и во делот на нивниот општествен ангажман, не само професиоанален. Тие се застапени во кандидатуртите за градоначалници, советници, пратеници, високи носители на извршната власт, па и на директорските позиции зашто имаат знаење, квалитет, општествено се одговорни и многу може да придонесат за системот на државата. 

Македонија најбезбедна земја на Западен Балкан

Македонија е најбезбедна земја на Западен Балкан, според истражувањето на Институтот за економија и мир (ИЕП).

Индексот на Македонија е зголемен за 11 индексни поени, и државава е на 40-то место во светот, додека на прво место во светот е Исланд, а на последното 163-то се наоѓа Авганистан.

Зад Македонија се Србија (44. место), Албанија (48. место), Црна Гора (51. место), Босна и Херцеговина (72. место) и на 80. место од земјите од Западен Балкан се наоѓа Косово.

Според Институтот, поголем дел од земјите од Западен Балкан бележат напредок во состојбата за мир, безбедност и внатрешна стабилност.

ИЕП рангира 163 независни земји и териории во светот, оценувајќи ја состојбата на мир во тие земји во публикацијата „Индекс на мирот“ (Peace index) за 2021 година. 

Земјотрес ја стресе и Македонија

Денес во 16 часот и 04 минути, регистриран е земјотрес чиј епицентар се наоѓал во Република Албанија, 140 километри југозападно од Скопје, соопштија од Телеметриската сеизмолошка мрежа на Македонија, со станици во Скопје, Валандово, Охрид, Штип и Пехчево, одржувана од Сеизмолошката опсерваторија при Природно-математичкиот факултет во Скопје.

Според нив, земјотресот имал локална Рихтерова магнитуда ML 3.6, а бил почувствуван од населението во Македонија, особено во југозападните делови со интензитет од III степени според Европската макросеизмичка скала.

-Земјотрес со јачина од 3,9 степени според Рихтеровата скала е регистриран попладнево во Албанија. Евро-медитеранскиот сеизмолошки центар објави дека епицентарот на земјотресот бил на 21 километар североисточно од Тирана, на длабочина од 10 километри, објавија албанските медиуми.


 

Денес се регистрирани 554 нови случаи на Ковид-19

Во последните 24 часа се направени 4.072 тестирања, а регистрирани се 554 нови случаи

на КОВИД-19: 

• Скопје – 309

• Куманово – 44

• Прилеп и Велес – по 20

• Тетово, Битола и Кавадарци – по 17

• Кочани – 16

• Кичево – 11

• Охрид – 10

• Крива Паланка – 9

• Гевгелија и Ресен – по 6

• Струмица и Штип – по 5

• Неготино, Свети Николе, Радовиш и Кратово – по 4

• Гостивар, Струга, Виница, Валандово и Демир Хисар – по 3

• Дебар, Берово, Делчево и Пробиштип – по 2

• Богданци, Македонски Брод и Македонска Каменица – по 1

Пријавени се 17 починати лица: 10 починати лица од Скопје (93г, 82г, 73г, 71г, 62г, 44г, 40г, 36г, 34г и 33г), 2 починати лица од Прилеп (75г и 64г) и по едно починато лице од Куманово (85г), Струмица (74г), Кичево (76г), Кочани (63г) и Демир Хисар (59г). Сите пријавени лица се починати во болнички услови.

Регистрирани сe 891 оздравени пациенти од: 

• Скопје – 360

• Охрид – 132

• Струга – 105

• Куманово и Струмица – по 42

• Тетово – 26

• Велес – 20

• Гостивар – 19

• Прилеп и Штип – по 18

• Битола и Кичево – по 16

• Кавадарци – 9

• Кочани, Радовиш, Дебар и Берово – по 8

• Гевгелија и Ресен – по 6

• Свети Николе и Кратово – по 5

• Виница и Пробиштип – по 3

• Крива Паланка, Валандово и Дојран – по 2

• Делчево и Македонска Каменица – по 1

Досега во земјата се направени вкупно 1.258.133 тестирање на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 187.622 бројката на оздравени пациенти е 168.700, на починати е 6.489, а бројот на активни случаи изнесува 12.433

Популарно