Во Хрватска од денеска задолжителни Ковид-потврди за вработените во јавните и државните установи

Балкан

пред 2 месеци

Сертификатите за Ковид кои докажуваат дека некој е вакциниран, дека прележал од Ковид-19 или е негативен од денеска стануваат задолжителни во Хрватска за влез во јавни и државни институции.

Дигиталниот сертификат на ЕУ ќе треба да го презентираат сите вработени во јавниот и државниот сектор, како и оние во локалните власти, а за оние кои не биле вакцинирани или прележале Ковид, се воведува мерка задолжително тестирање за коронавирус.

Сертификациите за Ковид се воведуваат и во училиштата, но само за вработените.

Потврдите не се однесуваат на студенти во просториите на високообразовните установи, освен ако високообразовната установа не одлучи поинаку, ученици во училиштата и образовните установи, на возраст под 16 години. Вработените кои не прележале од Ковид или не биле вакцинирани ќе мора да се тестираат двапати неделно, така што се отворени повеќе од 6.500 места за тестирање, вклучително и во канцелариите за примарната здравствена заштита и аптеките. Одлуката за воведување задолжителни потврди за коронавирус за влез во јавните и државните институции е донесена во екот на четвртиот бран на пандемијата и нема ограничен рок, а издадена е и препорака до приватните работодавачи да спроведат слични мерки.

Воведувањето на задолжителните потврди беше закажано за вчера, но беше одложено за еден ден за во вторник сите заинтересирани да бидат тестирани и да имаат потврди за Ковид.

Новата мерка во борбата против пандемијата на коронавирус беше критикувана од опозицијата која ја оцени како поделба на граѓани од прв и втор ред.

Во Србија нов рекорд на заразени-13.753, над 13.000 починати од почеток на епидемијата

Балкан

пред една недела

Во последните 24 часа во Србија тестирани се 33.163 лица, од кои 13.753 биле позитивни на коронавирус. Ова е најголем број на новозаразени во Србија на дневна основа од почетокот на епидемијата, јави дописникот на МИА од Белград.

Според официјалната веб-страница на Министерството за здравство на Србија, во вторникот за првпат од почетокот на епидемијата регистриран е петцифрен број новозаразени со коронавирус – 13.693, вчера беа регистрирани 12.877 лица, а денешниот рекорд изнесува 13.753 новозаболени граѓани.

Како последица на заразата во изминатите 24 часа починале 19 лица, со што Србија ја надмина бројката од 13.000 починати од Ковид-19 или вкупно досега се починати 13.003 лица.

На лечење по болниците во Србија се наоѓаат 2.340 пациенти, а 96 се на респиратор.

Редиците пред ковид амбулантите не се намалуваат и бројот на нови пациенти се повеќе расте.

Поради се потешката епидемиска состојба, откажана е прославата на српската Нова година (Василица) на плоштадите во Белград, Ниш, Чачак и Лесковац, а за утре е закажана седница на Кризниот штаб.

Докторот на биолошки науки и директорка на Институтот за молекуларна генетика и генетско инженерство, Јелена Беговиќ, за РТС изјави дека омикронот е во Србија,и тој е позаразен и лесно се шири.

-За среќа, има индиции дека останува во грлото и носот, помалку ги напаѓа белите дробови, се менува и менува некои свои карактеристики во однос на органите што ги напаѓа. Добро е да се тргне од белите дробови, што беше главниот проблем со делта сојот изјави Беговиќ. 

(Видео) Се поголема драма, срби ја нападнаа Амбасадата на Австралија – со тениски топчиња

Балкан

пред 2 недели

Како што објавија белградските медиуми, Србите не бираат средства како да го искажат својот револт откако на Ѓоковиќ му беше забрането да влезе во Австралија и покрај тоа што на аеродромот во државата Викторија приложил документ дека не смее да прими вакцина против коронавирусот.

Поддршка за Новак Ѓоковиќ пристигнува од сите страни на светот, но очигледно, најжестоко на неправдата со којашто се соочува тенисерот во Австралија реагираат фановите од неговата родна земја Србија.

Имено, неколку навивачи на Ѓоковиќ вечерва се собраа пред австралиската амбасада во Белград и започнаа да ја гаѓаат зградата со тениски топчиња.

Како што објавија белградските медиуми, Србите не бираат средства како да го искажат својот револт откако на Ѓоковиќ му беше забрането да влезе во Австралија и покрај тоа што на аеродромот во државата Викторија приложил документ дека не смее да прими вакцина против коронавирусот.

Тој беше одбиен од австралиските власти и во моментов се наоѓа во хотел „Парк“, кој претставува прифатилиште за баратели на азил.

Решен дел од мистеријата: Младиот човек кој трча со девојката во бело не е Матеј

Балкан

пред 2 недели

27-годишниот Матеј Периш од Сплит исчезнал ноќта меѓу 30 и 31 декември откако го напуштил белградскиот клуб „Готик“ кога му се губи секаква трага.

Полицијата со денови ги пребарува Сава и Дунав бидејќи на снимките од надзорните камери се гледа дека Матеј по излегувањето од клубот се приближил до оградата на кејот, наводно со намера да изврши нужда. Но, тогаш се појавија и снимки од белградските улици каде наводно Матеј Периш се гледа како трча.

Еден од деталите на снимката што ги збуни сите е приказната за девојката во белиот џемпер. Имено, на една од снимките објавени вчера се забележани како трчаат млад човек и девојка. Младиот човек е во кратки ракави и во темна облека. Но, има и темни патики. На сите други снимки, на кои според тврдењата на таткото Ненад Периш, се гледа Матеј, се гледаат бели патики.

Работата е што во истото видео, минута пред да се појават младиот човек во црни патики и девојка во бел џемпер, од другата страна на улицата протрчува млад човек во бели патики. Тој е помалку видлив и релативно е кратко во кадарот. Тоа секако доведе до недоразбирање – двајца млади мажи трчаа приближно во исто време. Едниот трча сам, а другиот трча во друштво на девојка.

На други видеа се гледа млад човек во бели патики како трча низ улиците на центарот на Белград, па полицијата заклучила дека младиот човек кој трчал со девојката воопшто не е Матеј.

Во видеото најпрво се гледа како Матеј трча во горниот лев дел од кадарот, а потоа една минута подоцна трча уште еден млад човек со девојка во бело.

Популарно