Тешка сообраќајна несреќа рано утринава се случи на булеварот „Митрополит Теодосиј Гологанов“ во близина на „Веро“ во Тафталиџе, пишува Курир.

Учесници во несреќата се автомобил „БМВ“ и мотор. Неофицијално, има повредени лица кои се пренесени во болница.

Наскоро се очекуваат повеќе детали од МВР.

Атрактивната ТВ водителка Ерин Џејн Пламер беше најпозната и запаметена по водечките реклами на Студио 10 и шопинг каналот. Во текот на викендот беше објавена трагична вест дека водителката Ерин почина на 42-годишна возраст.

Во емисијата што се емитуваше во понеделникот, информацијата за нејзината смрт ја објавија колегите на убавата Ерин.

Сара Харис и Анџела Бишоп ја опишаа Ерин како „убав човек одвнатре и однадвор“ и „мајка со златен медал“ за нејзините деца.

Таа ги остави сопругот и трите ќерки, а причината за смртта не е позната.

Да потсетиме, покрај ТВ кариерата, Ерин беше успешна пливачка која ја претставуваше Австралија на три светски првенства и освои 11 национални титули.

На 16.05.2022 Одделот за сузбивање на организиран и сериозен криминал, Сектор за криминалистички истраги - Националната единица за сузбивање на криумчарење мигранти и трговија со луѓе под раководство на Јавен обвинител од ОЈО за ГОКК, реализираше случај за сторено кривично дело „трговија со дете“ предвидено и казниво по член 418-г став 2 од Кривичен законик, извршено од страна на три лица, од кои еден државјанин на Белгија.

Имено, белгискиот државјанин Л.Д.С. во временскиот период од февруари до мај 2022 година, со намера да овозможи вршење полови дејствија со дете или други форми на сексуална експлоатација во Белгија, планирал и со лицата Е.А.  и Ф.Б. - родители на детето, договорил склучување на присилен брак помеѓу него и нивната малолетна ќерка, односно дете со неполни 14 години.

Заради остварување на својата намера да го однесе детето во Белгија, Л.Д.С. во повеќе наврати престојувал на територија на Република Северна Македонија. Со цел да се обезбедат лични документи за патување за детето , Л.Д.С. на родителите на детето им дал околу 2.500 евра, и во неколку наврати преку брз трансфер на пари „Union“ од Белгија на Е.А. му испраќал парични средства во различен износ.

Врз основа на издадени судски наредби од Основен кривичен суд Скопје, на 16.05.2022, извршен е претрес на дом и други простории каде времено престојуваат Е.А. и Ф.Б. во Струга, од каде е обезбеден доказен материјал за стореното кривично дело, додека на Меѓународен аеродром – Скопје е извршен претрес над лицето Л.Д.С., по што трите лица се лишени од слобода.

Истиот ден (16.05.2022), ОСОСК-СКИ-Националната единица за сузбивање на криумчарење мигранти и трговија со луѓе до ОЈО за ГОКК поднесе кривична пријава против Л.Д.С. (38) од Белгија и Е.А. (33) и Ф.Б. (34) од Скопје, а со привремен престој во Струга, за сторено кривично дело „трговија со дете“ предвидено и казниво по член 418- г став 2 од КЗ. Денеска (17.05) лицата ќе бидат изнесени пред судија на претходна постапка.