Д-Р Пановски: Рестриктивни мерки мора и треба да има, без разлика на омикрон

Епидемиолошката состојба со ковид-19 во Северна Македонија е стабилна, засега нема да се воведуваат нови мерки и рестрикции, а внимателно ќе се следи состојбата со ширењето на новиот сој омикрон, најавија здравствените власти. Дали може да се биде спокоен?

– Без разлика на новиот сој омикрон, рестриктивни мерки треба да има – вели микробиологот д-р Никола Пановски за Дојче веле.

– Омикрон ќе дојде, ама му треба време. За него ќе треба да се обрне внимание пред Нова Година. Но, да не чекаме да се повтори ситуацијата како со делта сојот. Тогаш сметаа дека нема потреба од контрола на границите за граѓани кои доаѓаат од земји со висока трансмисија на делта сојот, а кога воведоа мерки – се однесуваа за излегување од земјава – потсетува д-р Пановски.

Според него, најдобро е во овој период училиштата да преминат на онлајн настава, или барем на комбиниран модел „пола – пола“.

– Исто така, по 22 или 23 часот не треба да има собирања надвор, а бројката на присутни во угостителски објекти да се редуцира на 30% – смета д-р Пановски.

За вакви мерки веќе се размислува во повеќе земји, со оглед дека претсои период на поголема флуктуација на луѓето поради божиќните и новогодишните празници. Во земји со голема дијаспора, како што е и Северна Македонија, уште пред празниците почнува помасовно користење на одмор во татковината од страна на иселениците. Незаобиколив ризик-фактор се и претстојните православни слави, на кои се собираат повеќе луѓе, што и без присуство на омикрон, ја компликува состојбата.

Приведени крадци, фатени при извршување на кривичното дело

На 28.06.2022 околу 12.00 часот во с.Катланово, скопско, од полициски службеници од Единицата за интервентна полиција при СВР Скопје лишени од слобода се Ф.А.(20), А.И.(31), двајцата од с.Огњанци, скопско и В.О.(38) од Скопје.

Тие биле затекнати при извршување на кривично дело „кражба“ од имот сопственост на М.Р. и кај нив се пронајдени одземените предмети од кривичното дело. По целосно документирање на случајот против нив ќе биде поднесен соодветен поднесок.

Девојка која е посвоена во Америка ја бара нејзината биолошка мајка од Битола

Алисон Голдин е 23-годишна девојка, која живее во Америка, и од пред три години ја започнала потрагата по своите биолошки родители.

Од она кое го знае, родена е во Битола, во Домот за доенчиња и деца без родителска грижа. Таа реши преку ,,Фокус” да се обиде да ја пронајде својата мајка, или пак други блиски роднини, споделувајќи ги сите информации коишто ги знае за себе, од времето кога престојувала во Битола.

-Ако ова го чита мојата мајка… Никој навистина не може да разбере како е да не знаеш од каде доаѓаш, кој те држел во прегратка за прв пат, кој решил да ти подари живот. Сакам да верувам дека моето семејство е таму некаде и еден ден ќе бидеме повторно заедно. Во потрага сум по моето биолошко семејство, љубопитна, и со надеж дека пак ќе се сретнеме – вели Алисон.

Таа појаснува дека според документите кои ги има, родена е како Елена Митевска на седми август 1998 година во Битола. Била посвоена во ноември истата година, а семејството кое ја посвоило е од Америка. Долг период знаела дека е посвоена, а пред три години ја започнала потрагата по своите корени. Според документи од домот, претпоставува дека можеби нејзиното потекло е од Скопје или Куманово, но не може да тврди со сигурност.

-Никогаш не сум била во Македонија, но би сакала да дојдам. Се надевам дека мојата приказна ќе допре до многумина и дека можеби ќе се јави некој кој ја знае вистината за мене и моето потекло. Мојот број за идентификација (матичен број) од Македонија е 0708998455009, ако тоа може да помогне. Направив и ДНК анализа. На мојот извод на раѓање се направени некои измени за да се сокрие идентитетот, но се надевам дека ќе го најдам биолошкото семејство.

Колку што знам, кога моите родители кои се Американци ме посвоиле од Битола, со себе сум немала некоја своја облека, играчка или било што оставено од мајка ми. Немам предмети од неа, но ја чувам фотографијата од денот кога ме посвоиле од таму. Ако било кој може да ми помогне во потрагата и има информации за моето потекло, ве молам контактирајте ме на Фејсбук или Инстаграм, мојот профил е Alisson Goldin- вели таа.

Пред три години, слично како Елена, односно Алисон, девојка од Словенија преку ,,Фокус” ја бараше мајката, а нејзината потрага набргу по објавата на веста заврши успешно, откако роднини на мајка и и кажале дека ја бара. Таа потоа не извести дека се сретнала со биолошката мајка, како и со сестрите и браќата кои живееле во Македонија. Ако некој ги има информациите кои ги бара Алисон, може да ја контактира на социјалните мрежи, со цел да и се помогне во пронаоѓањето на биолошкото семејство.

Извор: Fokus.mk

ВИДЕО: „Тојота“ заврши во Охридското езеро

Автомобил марка „тојота“ заврши во Охридското езеро на една од плажите, објави порталот „НоваТВ“.

На видеото се гледа како со багер возилото се извлекува од една од плажите.

Засега не познати причините како автомобилот завршил во водите на езерото.

Пред неколку дена автомобил со скопски регистарски таблички падна во море во Неа Каликратија, Грција. На социјалните мрежи се споделуваа фотографии од него, кој за среќа бил празен. Во несреќата немаше повредени.

Се споделуваат фотографии од автомобилот, кој за среќа бил празен и во несреќата нема повредени.

-Поздрав, би сакале да го привлечеме вниманието на нашите следбеници за паркирање на угорнини. Дефинитивно кревање рачна кочница и автомобилот секогаш во брзина. Денеска за жал се случи несреќа во Неа Каликратија, кога паркиран автомобил слета во морето. За среќа, немаше никој во автомобилот. Туристите се од Македонија, скопски регистарски таблички“, стои во објавата на регионалната фејсбук-страница „Grcka info“.

Популарно