(Фото) Ријана намерно не носеше градник за да ја прикрие новоста од целиот свет гледајќи ја во градите, а не во стомакот

Пејачката и модна бизнисменка, Ријана, наводно го очекува своето прво дете со актуелниот партнер, раперот АСАП Роки.

Ѕвездата која оваа недела е видена во Барбадос, своето родно место каде е прогласена за народна хероина, гордо го носи својот труднички стомак, пишуваат американските медиуми.

Според „MTO News“, нејзиниот труднички стомак бил најочигледен за време на влегувањето во приватниот авион, кога носела само кроп топ.

„Ријана е бремена, тоа е очигледно, многу сум среќен за неа“, рекол извор за овој медиум.

Друг извор за истиот медиум открил дека персоналот е предупреден дека не смее да пие алкохол или да пуши во истите простории каде што се движи пејачката. За неа се подготвува и специјална храна, а наводно наутро имала и мачнини.

Тврдењата дека пејачката е бремена веќе кружат на интернет од септември оваа година. Фановите на Твитер првично напишале дека е очигледно дека Ријана е бремена. Пејачката сè уште не се огласила за оваа тема.

Инаку таа предизвика лавина на коментари на социјалните мрежи поради тоа што на официјалната церемонија се појави без градник на себе.

(Фото) Едната нога на Хајди Клум е осигурена на повисока сума од другата

Германската убавица Хајди Клум во текот на гостувањето во емисијата на Елен Деџенерис објасни дека едната нога ѝ е осигурена на повисока сума од другата.

48-годишната манекенка во сегментот наречен „Хајди Бланкинг Клум“ ѝ кажа на Елен дека клиент ѝ направил полиса за осигурување од 2 милиона долари на нејзините нозе, а дека едната чини повеќе.

Германскиот супермодел рече дека едната нога ѝ е поскапа од другата додавајќи дека „чудни се работите што некои луѓе ги прават“.

Судијката на „Америка има талент“ алудира на претходна несреќа, во која ѝ била повредена едната нога.

„Кога бев млада, паднав на стакло и имам голема лузна“, рече Клум, која во емисијата носи розово здолниште и изгледа прекрасно како и секогаш.

„Ставив толку многу спреј-тен што не можете да ја видите во моментот“, се пошегува таа.

(Фото) Новата девојка на Канје Вест е плукната Ким Кардашјан

Џулија Фокс, новата муза на раперот Канје Вест, реплицира култен изглед инспириран од „Матрикс“ додека го прославуваше роденденот на синчето Валентино во Њујорк.

Додека таа продолжува да користи стилски совети од 44-годишниот рапер, ѕвездата на Uncut Gems беше лика и прилика на неговата отуѓена сопруга Ким додека вечераше во Лусиен во Ист Вилиџ, Менхетн, во неделата.

За забавата со својот син и пријателите, актерката облече долг црн кожен капут, соодветни панталони, ракавици и мали очила за сонце.

Овој црн комплет инспириран од „Матрикс“ можеби им изгледа познат на многу фанови на Ким Кардашјан бидејќи таа објави свои фотографии во многу сличен комплет минатиот месец.

Кавгата меѓу Бритни Спирс и сестра ѝ продолжува

Бритни Спирс тврди дека нејзиното семејство се однесувало со неа полошо од осуденик на смрт за време на т.н. конзерваторски надзор.

Ова изјава доаѓа во време на голема расправија со сестра ѝ Џејми Лин.

Поп-ѕвездата (40), која беше под посебен надзор од страна на нејзиното семејство од 2008 до 2021 година, тврдеше дека Џејми Лин не направила ништо за да ѝ помогне и дека се чувствува повредена од обвинувањата искажани од нејзината сестра.

Во текот на промоцијата на својата автобиографија Things I Should Have Said („Работи што требаше да ги кажам“), Џејми Лин изјави за „Најтлајн“ дека сестра ѝ ја заклучила во соба со нож во времето кога покажувала непредвидливо однесување, на што Бритни ја нарече ѓубре на социјалните мрежи.

Бритни се огласи на „Твитер“ со ново отворено писмо: „Џејми Лин, мислам дека твојата книга воопшто не е за мене. Реагирав грубо бидејќи очигледно ме повреди со работите што ги измислуваш за мене!!!“

Популарно