Поголем пожар во запалени контејнери во центарот на Тетово

Жителите во центарот на Тетово вчера околу 23 часот беа доведени во опасност поради пожар во четири контејнери за отпадоци кои се поставени до една од зградите во комплексот Ловец.  Станарите сведочат дека се појавила голема огнена стихија, по кое следело гаснење на пожарот.

Градоначалникот Биљал Касами се обрати преку социјалните мрежи нарекувајќи го страшен чинот  на палење ѓубре.

-Јавниот простор е на сите и сите треба да се грижиме за својот дом. Овие сцени не му служат на нашиот град, ова не е наше граѓанство. Бараме полицијата да го истражи случајот, а одговорните да ја добијат заслужената казна, истакна Касами.

По гаснењето на пожарот од страна на пожарникарите, вработените во ЈКП Тетово-одделение за комунална хигиена веднаш ги остранија остатоците од запалениот смет и контејнери и ги заменија со нови садови за оставање на отпад.

На „Табановце“ се чека околу еден час, на „Богородица“ околу 30 минути

Интензитетот на сообраќај на патните правци надвор од градските средини утрово е зголемен. На ГП „Богородица“ времето на чекање за излез од државата е околу 30 минути, а на ГП „Табановце“ се чека околу еден час за влез и излез од државата.

Како што информира АМСМ, на останатите гранични премини, од македонска страна, нема подолги задржувања за влез и излез од државата.

Сообраќајот на државните патишта се одвива непречено, по претежно суви коловози.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

50 семејства пријавиле штети од невремето во Кавадарци

Педесетина пријави имало од кавадарчани за последици од синоќешното невреме во Кавадарци, информираа денеска од кабинетот на градоначалникот Митко Јанчев.

-Продолжува миењето на улиците на територијата на Општината Кавадарци по интензивниот дожд и невремето кое го зафати градот и околните населени места. Во изминатата ноќ наврна околу 40 литри на метар квадратен за околу половина час, имаше педесетина пријави од граѓаните за интервенција и санирање на одводи, подрумски простории, наноси. Интензивно се работеше на терен цела вечер со служби од Мој Општинар, ТППЕ Кавадарци и ЈП Комуналец, а веќе утре градоначалникот Митко Јанчев ќе формира и Комисија за процена на штети од елементарни непогоди, соопштија од кабинетот на градоначалникот.

Оттаму апелираат до граѓаните ако имаат било каква потреба или штета да се јават на телефонскиот број 13-300 во Кол центарот на Општината Кавадарци.

Мицкоски: Заминувам од политиката ако некој од ВМРО-ДПМНЕ гласа за уставни промени

Лидерот на ВМРО-ДПМНЕ се закани дека ќе ја напушти политиката доколку некој од партијата гласа за промени Уставот, под овие услови.

„Тогаш јас ќе си заминам и ќе ја напуштам политиката“, изјави денеска Христијан Мицкоски.

„Иако од власта ќе продолжат со притисоците и со изјавите дека имало пратеници од раководството. Нема такви. Тука сакам да ја затворам таа тема – по цена на мојата професионална и политичка кариера, такви луѓе нема, јас гарантирам.

Ако гласа некој, ќе си заминам, ќе ја напуштам политиката и никогаш повеќе нема да се занимавам со политика ако јас додека сум претседател, под овие услови биде променет Уставот“, подвлече Мицкоски.

За новиот документ што го изнесе бугарскиот технички министер за надвореши работи и за текот на разговорите меѓу Македонија и Бугарија, Мицкоски вели дека целокупниот процес е предаванички и калкулантски, а македонската дипломатија капитулираше.

„Тоа е нок-даун за македонската дипломатија. Предупредував дека ќе се случуваат нови и нови барања од страна на Бугарија. Тука ќе предупредам на еден процес што се обидува да го води власта – „што да правиме, Европа така не тера“. Тоа не е точно. Европа не не тера. Не смееме да потпаднеме на таа провокација. Европа има чесни намери, ги отворила вратите за Македонија, јас верувам во тие чесни намери, но знам кој има нечесни намери – Владата во Софија и оваа наша некреидбилна и корумпирана власт, а единствената цел е асимилација на македонскиот народ, односно бугаризација. Тоа не е европеизација“, рече Мицкоски.

Популарно