Тренерот на Беса си заминал 15 минути пред почеток на мечот- која е позадината?

Беса од Добри Дол денеска останала без тренер за мечот против Воска спорт во претпоследната рунда од второлигашката конкуренција на Западот, откако поранешниот помошник на селекторот Игор Ангеловски во македонската репрезентација, Џенгис Реџепи си заминал на 15 минути пред стартот на мечот, дознава Спорт1. 

Воска го доби дуелот со Беса со 3-0, откако прво промаши пенал, но потоа со два гола во првиот дел ги разреши сите дилеми за победникот и остана на три бода пред Вардар во пресрет на последното коло во кое на охриѓани сега им треба само еден бод за да го заверат баражот. Екипата на Нефи Усеини може да отпадне од баражот само со пораз од Силекс во Кратово, а со победа на Вардар во Дебар кај Кораб.

Неофицијалните шпекулации кои се вртат во фудбалските кулоари е дека Реџепи си заминал од кормилото поради притисокот дека Воска мора да го добие овој меч во тесната трка со Вардар.

Воска веќе неколкупати досега сезонава охридскиот тим имаше голема помош од судиите во клучни мечеви, со пенали пред сѐ во градските пресметки со Охрид Лихнидос.

Беса која беше во незавидна ситуација на полусезоната се препороди пролетва со Реџепи, па се спаси од испаѓање и е шестопласирана со 32 бода, три повеќе од седмиот Охрид, а пет од Кораб кој е на осмото место што води во Третата лига на едно коло до крајот на сезоната.

Реџепи му беше помошник на Ангеловски во златниот период на македонската репрезентација, кога првпат беше обезбеден историскиот пласман на Еуро 2020, а си замина од репрезентацијата по настапот на еврошампионатот, кога му заврши договорот на дотогашниот селектор и беше заменет со Благоја Милевски, кој си има свој стручен штаб, истиот од младата репрезентација.

Извор: Newz24live.com

(Видео) „Дуомо“ гори во црвено црна боја - Милан ја слави титулата

Фудбалерите на Милан вечерва пристигнаа на плоштадот „Дуомо“ во Милано на централната прослава на шампионската титула во Серија А.

Отворениот автобус неколку часа минуваше низ улиците на градот за „росонерите“ да ги поздрават своите навивачи. 

(Фото) Пиоли си направи тетоважа во чест на Скудетото

Стефано Пиоли покажа колку му значи освоеното Скудето со Милан, ден по големиот успех на раката стави тетоважа во чест на големата титула.

Милан го освои 19. Скудетото, а тоа беше прв трофеј во тренерската кариера на Стефано Пиоли.

Од таа причина за него оваа титула има посебно значење, па си направи тетоважа во чест на големиот успех.

(Фото) „Росонерите“ не му даваат мир на Чалханоглу по освојување на шампионската круна

Милан ја доби големата битка против вечниот ривал Интер за шампионската круна во италијанското Калчо, а мета за сеир на „росонерите“ стана нивниот поранешен фудбалер Хакан Чалханоглу.

Турската ѕвезда лани играше за Милан, но Интер стигна до титулата, па минатото лето се пресели кај „нераѕурите“ со надеж дека конечно ќе го освои Скудетото, но сезонава повторно остана без титулата.

Ова го искористија „росонерите“ како повод за да му удрат сеир на „предавникот“, кој реши да ги напушти „црвено-црните“ и да го облече дресот на големиот ривал.

Популарно