Колозова бара Македонците да се извинат за погромот на македонските Евреи под бугарска окупација

Колозова бара Македонците да се извинат за погромот на Евреите кои во втората светска војна од страна на бугарските фашистички окупатори биле однесени во логорите на смртта од каде не се вратил речиси никој.

Бугарија никогаш досега не се извинила за депортацијата и смртта на 99 % од македонските Евреи.

Колозова која добро знае дека Евреите биле депортирани од страна на бугарските и германските окупациони фашистички власти и однесени со вагони на бугарската државна железница бара извинувањето да дојде од потомците на некогашните соработници на царска Бугарија во окупираната Македонија и од целиот Македонски народ.

Таа бугарските фашистички окупатори ги нарекува ,,администратори” и ” окупатори” во наводници.

Во своето искривено доживување на одговорноста без да посочи никакви сериозни научни историски аргументи таа одговорноста за бугарското систематско уништување на Евреите бара и во партизанското движење кое според неа било заспано при депортацијата на македонските Евреи.

Во своето неверојатно, бизарно и за Македонците навредливо тврдење Колозова ниту еднаш не вели Македонците или македонскиот народ.

Колозова практично тврди дека Бугарија не ја окупирала Македонија во втората светска војна туку дека окупацијата била спроведена од ,,наши луѓе” кои според нејзиното неверојатно тврдење биле окупатори на својата земја.

,,Сите потомци на некогашните кметови на „бугарската администрација“ кои и ден денес се дел од македонската политичка елита, а и сите ние како народ заедно со нив – поради пасивноста и непреземањето ништо за да се спречи депортацијата (посебно заспаните партизани од тоа време) – треба да се извиниме за депортацијата на Евреите. Бугарија, исто така, но не нам туку на Евреите од Македонија. Безобразно е ние да се изедначуваме со Евреите во тој период. Исто, конечно да се објават архивите за сите Акциски комитети и да видиме колку од „окупаторите“ се локални (јас викам – практично сите), наши луѓе, а нивните потомци и ден денес се видни членови на нашето општество. За да депортирате толку народ, имате локална администрација која и тоа како требала да овозможи услови. Да се објават сите документи со сите потписи за тоа како се обезбедил монополот, како се оперирало од куќа до куќа, колку има улога локалната администрација, и кои се тоа луѓе, па и ние да се извиниме за тој хорор – ако не како држава, која сме ја немале тогаш, тогаш барем како општество”, пишува во своето шокантно тврдење Колозова без притоа да даде било каков историски аргумент.

Тврдењето на Колозова е како некој да бара наследниците на борците од Крушевската република и македонскиот народ да се извинат на турскиот аскер кој го уништил востанието и на башибозучките банди кои силувале, палеле и убивале во 1903 година на територијата на Македонија затоа што комитите ,,биле заспани”.

Предходно Колозова предизвика сериозни реакции во јавноста кога ги обвини демонстрантите против францускиот предлог кои беа нападнати со камења и пиштоли кај плоштадот Скендербег дека влегле во албанско маало и провоцирале Албанци.

Правник ја искина универзитетската дипломата по предлогот на власта за измени на КЗ

Дипломиран правник ја искина дипломата по информацијата дека Владата на Собранието му предложи измени на Кривичниот законик со кои се намалуваат затворските казни за кривичното дело Злоупотреба на службената положба и овластувања. Имено, на социјалната мрежа Фејсбук, правник објави фотографија од искината универзитетска диплома, истакнувајќи дека се срами каде завршил факултет.

„После предложените измени на Кривичниот законик дефинитивно се срамам каде сум завршил Факултет. Оваа диплома повеќе не ми е битна. Пи*ка Ви Матер“, стои во описот на објавената фотографија. 

Кучето кое беше злоставувано од сопственикот е на безбедно!

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено.

Кучето од Крива Паланка кое било злоставувано од страна на сопственикот, донесено е во ЈП „Лајка“. Во моментов тоа е безбедно и ќе му биде обезбедена целосна нега и сѐ што е потребно за неговото опоравување, информираат од јавното претпријатие.

Оттаму додаваат дека благодарение на брзата реакција на граѓаните кои веднаш го пријавиле случајот, како и интервенцијата на пожарникарите кои го извлекле од провалијата, инспекторите и ветеринарните служби обезбедиле итна грижа и стабилизација.

-Овој настан е уште еден показател дека системот функционира кога институциите и граѓаните делуваат заедно – брзо, координирано и одговорно. Злоставувањето на животни не е изолиран чин – тоа е сериозен општествен проблем. Секое злоставување на животни мора да се пријави – веднаш и без исклучок. Само со гласна и одлучна реакција можеме да ги заштитиме најранливите и да спречиме насилството да се повтори, велат од ЈП „Лајка“.

Одговорноста, потенцираат, е заедничка – да изградиме средина во која и животните и луѓето живеат безбедно и достоинствено.

За случајот МВР поднесе пријава против 59-годишен жител на Крива Паланка со иницијали З.М., кој го влечел кучето врзано за своето возило. Малтретираното куче било фрлено во коритото на Крива Река, од каде било извлечено и згрижено. (МИА)

ЦУК: Активни три пожари на отворено, изминатото деноноќие имало вкупно 33

Под контрола е ставен пожарот во атар на село Нерав, место викано „Биљино“, општина Крива Паланка, каде опожарени се ниска вегетација и шума. Вториот пожар ставен под контрола е на територија на општина Кичево, во подрачјето на село Челопеци, а опожарена е нискостеблеста шума. 

Активни се три пожари на отворен простор од вкупно 33 регистрирани изминатото деноноќие на територија на државава, до осум часот утрово. Два се под контрола, а останатите се изгаснати, соопштија од Центарот за управување со кризи (ЦУК).

Од трите активни пожари, како што се наведува, два се на територија на општина Македонски Брод, а еден е во подрачјето на Сарај. Во Јасен гори мешана шума, а на територија на село Крапа опожарени се ниска вегетација и нискостеблеста шума. Пожарот на територија на општина Сарај е во регионот на село Радуша кон село Дворце. Таму гори ниска вегетација.

Под контрола е ставен пожарот во атар на село Нерав, место викано „Биљино“, општина Крива Паланка, каде опожарени се ниска вегетација и шума. Вториот пожар ставен под контрола е на територија на општина Кичево, во подрачјето на село Челопеци, а опожарена е нискостеблеста шума.

Популарно