Почина Кирил Дојчиновски, едно од најголемите имиња во историјата на македонскиот фудбал!

Почина едно од најголемите имиња во историјата на македонскиот фудбал, Кирил Дојчиновски. Македонскиот, балканскиот но и светскиот фудбал останаа без една своја огромна легенда која во многу што ја задолжи најпопуларната спортска игра.

Кирил Дојчиновски, роден на 17. октомври 1943 година во Скопје, ќе остане засекогаш запаметен во историјата на македонскиот спорт како првиот Македонец кој бил дел од Светските фудбалски првенства. На Мундијалот во 1974 година во Западна Германија, Дојчиновски тогаш како фудбалер на белградска Црвена Звезда остана забележан како првиот македонскиот фудбалер повикан во екс-југословенскиот состав.

Своите фудбалски почетоци ги бележи во Вардар, каде настапува пет сезони во периодот од 1962 до 1967 година. Притоа во дресот со црвено-црните бои има одиграно вкупно 218 натпревари и настапено на 132 првенствени средби.

Потоа се сели во белградска Црвена Звезда (1967 – 1974) достигнувајќи го врвот на својата слава. Од Црвена Звезда, потврдувајќи ги своите огромни фудбалски квалитети, продолжува во една од најсилните лиги во светот, во француските Тројс и ФЦ Париз.

Во периодот од 1970 до 1974 година беше стандарден член на репрезентацијата на поранешна СФРЈ предводена од Миљан Миљаниќ. Четирикратен шампион на Југославија со Црвена Звезда, освојувач на Митропа купот, полуфиналист во Купот на европските шампиони со Црвена Звезда во сезоната 1970/71 и четвртфиналист во сезоната 1973/74.

По завршувањето на играчката кариера стартува со тренерска кариера. Како тренер е двократен шампион на Ел Салвадор со Луис Фирпо, и селектор на репрезентацијата на Ел Салвадор. Потоа ја презема клупата на својот Вардар, но беше тренер и на грчки Ираклис, како и на македонските клубови Пелистер, Македонија ЃП, Брегалница Делчево и Брегалница Штип. Карариера ја заврши таму од каде што ја и почна, како тренер на својата најголема љубов, ФК Вардар, во сезоната 2007/08 кога се нафати на предизвикот во една од најтешките пресвртни години во историјата на клубот.

Кирил Дојчиновски, поради огромните заслуги за македонскиот фудбал, е добитник на бројни признанија меѓу кои и Наградата за животно дело од Македонскиот олимписки комитет, како и признанието од белградска Црвена Звезда, за една од најголемите легенди во историјата на клубот. Минатата година го доби и признанието на ЕКИПА, добивајќи место меѓу 10 најголеми спортисти во историјата на Македонија со наградата „Врвен ас – еден од нас“.

Поради желбата за присуство на бројни фудбалски имиња, клубови и делегации од Македонија и од регионот, дополнително ќе биде одреден терминот за погребот и оддавање последна почит за Кирил Дојчиновски.

извор: ekipa.mk

Златен медал за Ангела Мојсовска на Европската Универзијада во Варшава!

Македонската универзитетска карате репрезентација во финалните борби од последниот ден на Европската универзијада која се одржува во Варшава успеа да освои златен медал. Со тоа Македонија на ова елитно универзитетско европско натпреварување, освои вкупно три медали и оствари два високи пласмани на 5-то место.

Медалите ги освоија Ангела Мојсовска златен медал, сребрен медал  Љупче Михаилов и еден бронзен медал Викторија Јовановска. Петар Заборски (-75кг)  и Јована Мицовска (-61кг), се високо пласирани на петто место.

Ангела Мојсовска – Златен медал

Ангела Мојсовска  успеа во финалната борба да ја победи противничката од Косово Мустафа Бехије  со резултат 4-3 и го освои златниот медал во категоријата -68 кг. Ангела Мојсовска настапи за универзитетот (Св, Кирил и Методиј, таа е член на К.К Макпетрол – Скопје.

Љупче Михаилов вториот финалист не успеа да победи во борбата за златен медал и тој го освои сребрениот медал во категоријата -75 кг.

Медалистите ги имаа следните настапи:

-68 кг

Ангела Мојсовска – Нина Лукенда (Хрватска) 8-4

Ангела Мојсовска – Амина Фејзиќ ( БиХ) 4-3

Ангела Мојсовска – Влере Керими (Косово) 3-1

Финале

Ангела Мојсовска – Мустафа Бехије (Косово) 4-3 златен медал

Љупче Михаилов, сребрен медал

-61 кг

Викторија Јовановска – Талија Блејк (Велика Британија) 2-2

Викторија Јовановска – Михаела Малаута (Романија) 2-3

Репасаж

Викторија Јовановска – Матилде Саке (Франција) 7-1

За бронза

Викторија Јовановска – Лејла Топаловиќ (Австрија) 3-0 бронзен медал

-75 кг

Љупче Михајлов – Аднан Карача (БиХ) 7-1

Љупче Михајлов – Кара Абдулјадир (Турција) 1-0

Љупче Михајлов – Дмитро Федотов (Украина) 4-0

Љупче Михајлов – Нико Шпарер (Швајцарија) 4-0

Финале

Љупче Михајлов – Омер Фарук (Турција) 0-10 сребрен медал

Љупче Михаилов, сребрен медал

(ВИДЕО) Борба помеѓу руски командос и американски специјалец

Хит на социјалните мрежи, со над 1,4 милиони прегледи стана бокс мечот помеѓу борец од руската специјална единица „Алфа“ и маринец од американската војска.

Дмитриј Степанов бил немилосрден против офицерот во маринците Денис Лејн, кој пред борбата бил преставен со прекарот „Ураган“.

За помалку од две минути Степанов успеа да ја добие борбата против американскиот маринец.

Скопје доби ново место за вежбање - Идеално за сите со проблеми со зглобовите!

Новиот фитнес центар има и значително повеќе простор за паркирање на возилата на членовите, а направени се и паркинг места за велосипеди. Основната цел на тимот на ATG е да се создаде една удобна фитнес зона за сите кои вежбаат и го поминуваат времето во фитнес центарот.

ATG Macedonia отвори нов фитнес – центар во Хром, на улица „Воин Драшковиќ“ (кај автобуската постојка на последна 4-ка). Станува збор за поголем простор и современо опремен центар, кој овозможува задоволување на фитнес потребите на нашите членови, рекреативци и спортисти.

На овој начин, ATG Macedonia отвора ново поглавје во своето работење. Новата сала го зголемува капацитетот за прием на нови членови, а го подобрува и квалитетот на вежбање за сите Вас. Нашите тренери остануваат 100% посветени кон реализацијата на Вашите цели, надминување на повреди, подобрување на перформанс, намалување на килограми, зголемување на мускулна маса и сл.

Иако новата сала веќе активно работи и сите членови можат да ја користат, официјалното отворање на истата ќе биде на 10 декември (вторник), од 18:00 часот. Имено, тимот на ATG Macedonia ги поканува сите свои членови, партнери, соработници и поддржувачи да присуствуваат на отворањето, кое ќе се одржи во новите простории, во Хром, на улица „Воин Драшковиќ“ (автобуска постојка на последна 4-ка).

Отворањето ќе има мултимедијален карактер и динамична програма. Предвидено е обраќање на сопствениците на ATG Macedonia, како и видео порака од Бен Патрик од Америка – основачот на ATG системот на вежби. Дополнително, ќе се обратат и дел од членовите на фитнес центарот, а планирано е и претставување на различни брендови кои произведуваат здрави производи.

Всушност, отворањето на новиот фитнес центар ќе ги застапува основните вредности по кои функционира ATG заедницата во целост: здрав и балансиран начин на живот, одговорност, пријателство и создавање квалитетни и одржливи врски.

Сите заинтересирани лица можат да вежбаат ATG на две локации:

Хром, ул. „Воин Драшковиќ“ (автобуска постојка на последна 4-ка);

„Палестра“ фитнес центар во East Gate Mall;

Достапна е можноста и за ATG онлајн вежбање, каде што имате повеќе програми, кои ги изведувате под надзор и совет на ATG обучен тренер, а на локација која Вас ви одговара.

Посетете ја веб – страницата: https://atgmacedonia.com/ и заследете ги ATG на официјални профили:

Facebook и Instagram.

Популарно