Пејачот Здравко Чолиќ ретко се гледа на други јавни места освен на концертите, а семејниот живот кој го води далеку зад камерите е токму причината поради која отсекогаш будел интерес кај многумина.
И додека порано се прашувавме што прави Чола во слободното време, сега имаме можност да ги слушнеме неговите навики, омилените специјалитети, па дури и колку се готви во неговата куќа.
За сето тоа зборуваше Сандра Ѓуретиќ, поранешната готвачка на пејачот, која пред неколку години имала можност да му приготви храна во ресторан со национална кујна, кој често го посетувал.
Сандра денес има свој блог, а вистински српски специјалитети претходно, меѓу другото, му подготвувала и на Чола, кој често бил гостин или нарачувал храна. Работела во позната белградска кафана, а каков е Чолиќ сега дознала во неговите неформални јавни настапи.
-Беше наш редовен гостин и пред се човек од народот, со светол и ведар дух, секогаш добредојден и насмеан. Секогаш кога доаѓаше во ресторанот, прво одеше во кујната да не почести нас кои работиме таму. Никој од познатите не го направи тоа, открива блогерката, а потоа раскажала кои јадења ги нарачувал Чола.
-Секогаш нарачуваше домашно зготвени јадења кои беа на менито на ресторанот тој ден. Сакаше домашни лепчиња и лебови што ги месев. Често доаѓаше со семејството, па дури и телефонски нарачуваше храна и доаѓаше само да ја земе. Бидејќи беше ресторан со национална кујна, немаше модерни колачи, но направивме вистинска мрзлива пита, кремпитаи што ги правеа нашите баби, како и пити со ореви. Сето тоа многу го сакаше, изјавила таа за локалните медиуми.
