Времето денес променливо облачно со повремен локален дожд

Времето денеска ќе биде променливо облачно со повремен локален дожд, а на повисоките планини ќе има повремен снег, претежно во западните делови. Ќе дува слаб до умерен ветер од југозападен правец. Температурата ќе се движи во интервал од 8 до 18 степени.

Во Скопје, ќе биде променливо облачно со сончеви периоди и со слаб до умерен југозападен ветер. Минималната температура ќе се спушти до 4, а максималната ќе достигне до 11 степени.

Времето денеска ќе биде променливо облачно со слаб ветер

Времето денеска ќе биде променливо облачно со слаб до умерен јужен ветер. Попладне облачноста ќе се намалува. Минималната температура ќе биде во интервал од 3 до 9, а максималната ќе достигне од 8 до 13 степени.

Во Скопје променливо облачно со слаб до умерен ветер од југоисточен правец. Минималната температура ќе се спушти до 6, а максималната ќе достигне до 12 степени.

Како што информира Управата за хидрометеоролошки работи (УХМР), следува период на претежно облачно време, наутро со услови за локална појава на магла, со позитивни утрински температури и со претежно јужен ветер. Кон крајот на работната недела ќе има услови за појава на краткотраен локален дожд претежно во планинските региони.

Во следните три дена минималната температура ќе се движи од два до 9 степени, а максималната од 8 до 13 степени.

Времето денеска ќе биде претежно облачно со повремен локален дожд

Времето денеска ќе биде претежно облачно со повремен локален дожд со слаб интензитет. Ќе дува умерен, а долж Повардарието повремено засилен ветер од југоисточен правец.

Минималната температура е во интервал од 4 до 9, а максималната ќе достигне од 7 до 12 степени Целзиусови.

Во Скопје времето ќе биде облачно со повремен слаб дожд. Ќе дува умерен, повремено засилен ветер од југоисточен правец. Минималната температура се спушти до 6, а максималната ќе достигне до 10 степени Целзиусови.

Во наредните денови следува период на претежно облачно време со релативно високи утрински и дневни температури.

Дневен хороскоп

ОВЕН

Денеска вашето расположение ќе биде добро во текот на денот и затоа нема да чувствувате грижа за вашите професионални обврски. Работите и зборувате доста самоуверено и тоа го почитува околината. Внимавајте, сепак, непромисленото однесување да не стане повод за несакан тек на настаните. Ако можете да ѝ помогнете на вашата сакана личност, направете го тоа.

БИК

Ќе дадете предност на заедничка задача со која ве поврзуваат работните или други врски. Многу од вашите обврски ќе вклучуваат други луѓе, а тоа ве обврзува да бидете коректни и лојални кон нив. Работите ќе се редат според вашите очекувања и ќе ви донесат добро расположение.

БЛИЗНАЦИ

Ќе го посветите времето на активности надвор од вашата главна професија. Ова може да биде и почеток на нов бизнис за вас, брзо ќе се најдете на добитничката страна и ќе работите со поголем ентузијазам. Ништо не е случајно, вашето искуство се базира на многу труд и денеска ќе ги жнеете неговите плодови.

РАК

Вашиот добронамерен однос кон светот и особено кон луѓето околу вас е израз на вашата постигната внатрешна хармонија. За возврат, семејството и пријателите ќе ви ја покажат својата љубов и тоа ќе ви даде дополнителна сила. Професионалните задачи ќе станат полесни за спроведување, што ќе ви ги зголеми финансиите.

ЛАВ

Ќе го продлабочите интересот за поле кое ве привлекува и ќе го барате вниманието на луѓе со воспоставени позиции во него. Со доследни акции и без непотребна растргнатост во повеќе правци ќе ја постигнете целта. Во личните односи можни се проблеми, доколку треба да направите чекор наназад.

ДЕВИЦА

Добро сте го подготвиле распоредот, но не сте го усогласителе со семејството. Незавршените задачи нема да ви дозволат да се опуштите, иако имате желба за поинаков одмор. Ќе преземете заедничка иницијатива со личност за којашто сте заинтересирани. Гледајте одговорно на тоа, доколку сакате да ви донесе приходи.

ВАГА

Денеска ќе се чувствувате ценети како професионалец, бидејќи ќе ги импресионирате другите со својата работа. Колегите ќе ви се восхитуваат, а тоа ќе ви ја зголеми и онака високата самодоверба. Само не се заборавајте, бидете поскромни. Исто така, создадете повеќе пријателства за да уживате во реципроцитетот во односите.

ШКОРПИЈА

Со вашиот правилен избор денеска, можете да обезбедите финансиска независност и душевна удобност. Можни се и разочарувања, и тоа во правец на заемните односи и отстапувањата од вашите очекувања. Во семејната средина ќе се чувствувате посмирени и заштитени од туѓо и непријателско мешање. Чувајте се од измами.

СТРЕЛЕЦ

Вашите напори денеска ќе ви донесат добри резултати. Пожелно е да работите самостојно и да не се потпирате премногу на луѓе кои не ги познавате добро. Тоа ќе ве спаси од дополнителни компликации. Не брзајте емотивно да се врзете за партнер кој има површен однос кон вас. Бидете реални.

ЈАРЕЦ

Ситуациите во кои ќе се најдете денеска нема да ве изненадат со ништо, напротив. Настаните се предвидливи за вас и тоа навистина ќе ви помогне во вашата професија. Ги изненадувате вашите конкуренти во најпогодниот момент за тоа. Дома и надвор ве очекуваат финансиски приходи и добро расположение.

ВОДОЛИЈА

Треба да бидете сами со себе, да најдете време за тоа. Животот ве менува, но патот е ваш и вие ќе одлучите како да го одите. Контролирајте ги негативните емоции и избегнувајте конфликтни теми. Може да го влошите односот со личност од која сте зависни.

РИБИ

Атрактивна нова понуда за работа ќе го поттикне вашиот креативен потенцијал. Во него ќе видите добра перспектива за себеси и тоа ќе ве направи среќни. Со задоволство ќе го споделите вашето расположение со пријателите и ќе го прославите настанот навечер. Некои од вас, пак, ќе имаат парична добивка, што е исто така причина да бидете среќни.

Популарно