Еве каде е и што прави Лилјана Петровиќ денес

Лилјана Петровиќ, некогашната менаџерка на нашата најголема ѕвезда Тоше Проески, денес живее сосема друг живот од пред повеќе од 10 години.

Таа ретко се појавува во медиумите, но доколку се работи за нејзиниот бизнис тоа го прави со задоволство.

Имено, денес таа мирот го најде во својот роден крај, на Сува Планина кај Бела Паланка, и таму ја оствари својата желба, да направи плантажа на лаванда и ружи растенија кои е многу ценети во индустријата за лекови, храна и козметика.

Нејзината органска плантажа на 600.000 растенија вистинска лаванда се простира на повеќе од 27 хектари, со што е една од трите најголеми плантажи во Европа.

Таа во една своја прилика открила и како изгледа нејзиниот живот по смртта на Тоше.

-Последните 10 години се обидувам да научам достоинствено да се носам со тагата, да бидам подобар човек отколку што сум. Многу работам и се трудам моите дела да зборуваат за мене – вели Лилјана.

Со прераната смрт на Тоше никој не може да се помири. Медиумскиот линч беше голем и се бараше виновник за неговото прерано заминување. Петровиќ открива како го преживувала тој период.

-Работејќи со Тоше сите тие години, научив да се носам со лоши луѓе, со невистини кои ни тогаш не не штедеа, па не ме изненадува ни што се случуваше по неговото заминување. Разбирам дека тоа е огромна загуба, голема болка, ама не разбирам притоа да не ја почитуваат и туѓата болка. Се чувствував како давеник во море кој сите го туркаат надолу само за тие да дојдат до здив, за ним да им биде полесно. Тагата и болката што јас ги доживеав можат да се споредат само со тагата на неговото семејство, бидејќи само нивната болка е поголема од мојата – открила Лилјана.

Таа вели дека нема потреба да оди во Крушево.

„Јас Тоше го носам во срцето. Тие сеќавања и чувства се само мои и немам потреба да ги делам, како што немам потреба ни да бидам видена во Крушево, ни каде било на друго место што би дало повод за пишување шпекулации“.

(Фото) Бијонсе најави спектакуларна светска турнеја

Американската ар-ен-би пејачка Бијонсе ја најави нејзината светска концертна турнеја „Renaissance“, на која ќе одржи дури 43 концерти ширум светот.

Таа го објави седмиот студиски албум „Renaissance“ во јули годинава, а сега нејзините обожаватели, конечно, ќе имаат можност да ги слушнат песните од албумот во живо.

Европскиот дел од турнејата ќе почне во главниот град на Шведска, Стокхолм на 10 мај, по што ќе следуваат концерти во Белгија, Велика Британија, Франција, Германија, Холандија и Полска.

Бијонсе ќе го започне северноамериканскиот дел од турнејата со концертот во Торонто, Канада на 8 јули. Потоа, ќе одржи концерти во Филаделфија, Луисвил, Чикаго, Њујорк, Бостон, Мајами, Лас Вегас, Лос Анџелес, Хјустон итн., а турнејата ќе заврши со концертот во Њу Орлеанс на 27 септември.

Целосната листа со датумите можете да ја прочитате тука.

Се очекува дека побарувачката за билетите ќе биде навистина голема бидејќи ова ѝ е прва солистичка турнеја по турнејата „The Formation“ во 2016 година. Генералната продажба на билетите ќе започне на 7 февруари, меѓутоа дел од билетите веќе ќе бидат пуштени во претпродажба уште денес.

(Фото) Најмладата Џенер позираше во бикини пред папарацо фотографите

Никој како Кајли Џенер не знае да манипулира со јавноста сè додека не го добие тоа што го зацртала, а поради тоа таа денес е побогата и од Марк Закерберг.

Кајли Џенер деновите ги поминува на Карибите, а за таа прилика во јавноста се појавиле и фотографии на кои таа позира.

Учејќи од примерот на сестра ѝ, Кајли се согласила папарацо фотографите да ја фотографираат и да покаже дека изгледа неверојатно.

Пред само неколку години, Ким Кардашијан проживеала пекол кога папарацо фотографите на одмор ја фотографирале во бикини. Тогаш светот можеше да го види нејзиното тело со целулит и вишокот килограми.

Но, Кајли тоа никогаш не би го дозволила. Можеби зад неа стои армија од вработени луѓе кои се трудат сè да биде во најдобар ред, но вистина е дека Кајли е најмладата милијардерка на светот. Таа е побогата и од Марк Закерберг.

За производите со нејзиното име да се продаваат, Кајли мора да биде совршена во секоја смисла. Не е тајна дека Кајли направила и неколку операции за своето тело и лице да го донесе до совршенство. Но, сепак таа тоа никогаш не го признала, а сè започнало кога ги оперирала усните.

Сега се шпекулира дека таа ги извадила и дел од ребрата за да има потенок струк, а дека во задникот вградила силикони, но и во градите и усните.

Сепак, таа моментално е најбараниот модел, а тоа се докажало и на модната Недела во Париз каде секој нејзин чекор внимателно се следел.

Кајли е мајка на две деца – ќерката Сторми (5) и синот Еир (1) кои ги добила од поранешниот партнер Травис Скот.

Каде и да оди таа со себе ја води ќерката за која вели дека ѝ е најдобрата пријателка на светот.

Работел како пица мајстор, а полицијата го барала со потерница цели 16 години

Италијанецот Едгардо Греко, за кој се верува дека е член на моќната калабриска мафија Ндрангета, е уапсен денеска во Сент Етјен, Франција, по 16 години во бегство, соопшти Интерпол.

Тој се криел во францускиот град најмалку три години работејќи како пица мајстор.

Шеесет и тригодишниот маж осуден на доживотен затвор во Италија, француската полиција го уапси благодарение на информациите добиени од италијанска страна, а двете земји споделуваат информации врз основа на проектот за соработка на Интерпол против Ндрангета.

Тој е уапсен околу 1 часот и 40 минути утринава во улица во градот.

Едгардо Греко (63) попладнево се појавил пред обвинителот во Лион кој официјално го известил за налогот за апсење издаден од италијанските власти. Тој рече дека одбил да биде предаден на италијанските правосудни власти, по што е ставен во притвор.

-Италијанскиот министер за внатрешни работи Матео Пјантедоси на Твитер го изрази своето задоволство што апсењата на опасните бегалци продолжуваат благодарение на заедничката работа и меѓународната соработка на полициските сили, пренесува Бета-Франс прес.

Според сведоштвата и документите што ги видел францускиот печат, тој живеел под името и се претставувал како Паоло Димитрио и работел во неколку италијански ресторани во Сент Етјен.

Обвинителството во Катанзаро, Калабрија, издало европска потерница против него во 2014 година, откако бил осуден на доживотен затвор за убиствата извршени во јануари 1991 година и обид за убиство во јули 1991 година.

Неговото апсење дојде една недела по големата полициска операција против мафијата во Калабрија. Во таа акција учествувале околу 300 припадници на безбедносните сили, кога конфискувале стока вредна над 250 милиони евра. На стотици членови на таа организација моментално им се суди.

Популарно