Почина Берет Стронг, американски пеач и композитор

Берет Стронг, американски пеач познат по првиот хит на „Motown Records“ „Money (That’s What I Want)“ и по песните што ги напиша за групата Temptations, почина на 82-годишна возраст.

Неговата смрт ја потврди Бери Горди, основачот на „Мотаун“, кој во изјава за „Билборд“ ги нарече неговите песни „револуционерни“. Причината за смртта не е соопштена.

„Жал ми е што слушнав дека Берет Стронг, човекот кој го отпеа мојот прв голем хит, почина“, изјави Горди, а пренесува N1 БиХ.

Берет не само што беше одличен пејач и пијанист, туку тој, заедно со неговиот музички партнер Норман Витфилд, создадоа неверојатна работа, пред се со групата Temptations. Нивните хит-песни имаа револуционерен звук и го доловуваа жарот како „Cloud Nine“ и сè уште релевантната „Ball of Confusion (That’s What the World is Today)“, пренесува медиумот.

Берет Стронг е роден на 5 февруари 1941 година во Вест Поинт, во американската држава Мисисипи. Тој пораснал во Детроит, каде што бил еден од првите музичари потпишан со издавачката куќа на Горди, која тогаш се викала Тамла рекордс. Стронг го издаде својот најголем хит „Money (That’s What I Want)“ во 1959 година. Се продаде во повеќе од милион примероци, а подоцна беше обработена од уметници како Битлси, Ролинг Стоунс и Лед Цепелин.

„Песните ги надживуваат луѓето. Вистинските пари се во издаваштвото, а ако имате издаваштво држете се до тоа. За тоа се работи. Ако го дадеш, го даваш својот живот, твоето наследство. Кога ќе те нема, тие песни сè уште ќе се пуштаат и слушаат“, изјави Стронг за „Њујорк Тајмс“ во 2013 година.

Го фатиле на дело: Дете ќе одговара за тероризам, откако испраќал дојави за бомби во скопски училишта

Денеска (22.03.2023) Секторот за борба против тероризам, насилен екстремизам и радикализам при Одделот за сузбивање на организиран и сериозен криминал до Основно јавно обвинителство за гонење на организиран криминал и корупција поднесе кривична пријава против 15-годишник од Скопје, за сторено кривично дело „тероризам”, предвидено и казниво по член 394-б став 2  од Кривичен законик.

Пријавениот малолетник на 24.02.2023, користејќи го својот мобилен телефон креирало електронска адреса, и истиот ден, користејќи го својот лап-топ компјутер од својот дом испратило порака со заканувачка содржина на службената електронска адреса на едно  средно училиште во Скопје, за која по извршени проверки било утврдено дека е лажна. Притоа, со цел да ги прикрие своите активности при испраќање на поракaта малолетникот  користел VPN апликација.

По преземени мерки и активности од страна на Секторот за компјутерски криминал и дигитална форензика утврдена е користената IP адреса, чиј сопственик е таткото на малолетникот, а врз основа издадена Наредба за претрес на дом од Основен кривичен суд Скопје, извршен е претрес во домот на родителот на малолетникот, од каде привремено се одземени мобилен телефон, сим картичка и лаптоп компјутер кои ги користело малолетното лице.

Од извршеното вештачење е утврдено дека истата електронска адреса е користена за да се испраќаат пораки со заканувачка содржина до неколку училишта на територијата на град Скопје од мобилен телефон и од лаптоп компјутер, во повеќе наврати.

На 03.03.2023, во присуство на негов родител, инспектор за малолетници и семејно насилство од СВР Скопје и адвокат, во полициска станица е извршен службен разговор со малолетникот, во текот на кој тој го појаснил начинот на извршување на кривичното дело.

25-годишна девојка загина во сообраќајка на патот Битола - Кичево

Вчера попладне во 16:20 часот во СВР Битола е пријавено дека на регионалниот пат Битола-Кичево кај местото викано „Бели мост” се случила сообраќајна незгода во која животот го загуби Ј. Г. (25 г.) која живее во демирхисарското село Белче.

Од СВР-Битола вчера соопштија дека во сообраќајната незгода учествувало патничко моторно возило марка „мерцедес” со демирхисарски регистарски ознаки управувано од Б.Г.(33) од селото Белче, демирхисарско, изгубил контрола над возилото и излетал од патот. Во незгодата од здобиените повреди починала на лице место сопатничката Ј.Г.(25) од село Белче каде од страна на Итна медицинска помош е констатирано смрт, а кај малолетен сопатник кој е пренесен во Клиничката Болница-Битола констатирани се тешки телесни повреди.

Увидот е извршен од страна на увидната екипа на СВР Битола, а од страна на јавен обвинител издадена е наредба врз телото на починатата да се изврши обдукција.

Македонски државјанин загина во тешка сообраќајна несреќа во Врање

Македонски државјанин загинал во тешка сообраќајна несреќа која се случила вчера вечерта на улицата „Партизански пат“ во Врање, јавија српски медиуми.

Од полицијата велат дека сè уште не се познати околностите под кои дошло до несреќата.

Според неофицијални информации на српските медиуми автомобилот со регистерски таблички од Македонија излетал од патот и удрил во насип. Еден пациент загинал, а еден е згрижен на Итна медицинска помош во Врање.

Популарно