Пет главни правила за врска без обврски што секој маж треба да знае

Љубов и секс

на 2.2023

Бидете искрени

Кога се работи за секс без обврски, многу е важно да се биде искрен. Последно што сакате е да се впуштите во сексуална авантура со личност со која не сте имале претходно отворен разговор за клучните правила по кои ќе се држите.

Дали смеете да се гледате и со други луѓе во текот на врската без обврски? Дали постојат работи кои не се во игра за време на сексот, како аналниот секс или мазење по сексот? Постојат многу теми на кои би требало да разговарате и за кои треба да бидете потполно отворени пред вашата сексуална игра, со цел да избегнете какво било недоразбирање, конфузен однос или повредени чувства.

Нека остане само на забава

Секогаш е потребно добро да се забавувате. Амбиентот кој владее за време на сексот со бенефиции секогаш треба да биде одличен, без никакви компликации со кои би се соочиле во стандардната врска. Ова накратко значи дека ваквиот договор треба да се заснова на одлично поминато заедничко време.

Штом ќе почнете да се објаснувате со партнерот за работи кои не се поврзани со необврзаниот секс или ако почнете да разговарате за вашите проблеми еден со друг, целата комбинација можеби ја достигнала својата природна кулминација.

Одржувајте и негувајте ги своите гениталии

Ова во поголем број случаи не е потребно премногу да се нагласува. Тоа што сте во врска без обврски, не треба да ви е изговор да се запуштите, да пораснете како јужноамериканска прашума и да не ги негувате вашите интимни делови. Постои време и место човек малку да се опушти, но ваква врска дефинитивно не е една од нив. Во сексот без обврски треба да се вложува уште поголем напор да останете во форма и да го правите среќен вашиот партнер.

Немојте да се залепите за неа

Ова е многу важно затоа што целото постоење на ваков однос се темели на недостаток на обврски, повремен сексуален однос и доаѓа без никакво врзување. Комуникацијата би требало да остане на база на лабави средби и да биде ослободена од какви било очекувања. Штом вие и вашата партнерка почнете да си правите притисок еден на друг, оној забавниот елемент, без обврски, почнува да бледее во позадина.

Одржувајте ги работите безбедни

На крај, доколку планирате да стапите во врска без обврски, одржувајте безбеден секс, нешто што со право се наоѓа на прво место. Доколку постои една работа која загарантирано ќе ја уништи целата забава во вашата пријателска врска со бенефиции, тоа се сексуално преносливите болести или несаканата бременост.

Разговорите на оваа тема треба да ги направите што е можно порано за да се избегнат какви било непријатни изненадувања. За да се спречи а не да се лечи – користете заштита.

Четири грешки кои ги правиме на првите состаноци

Љубов и секс

пред еден ден

Првите состаноци знаат да бидат заморни и да предизвикаат нервоза, а со себе носат и бројни прашања, што да облечете, што да кажете и како да се однесувате. Покрај тоа, дури и ако сте разговарале со оваа личност некое време, првите состаноци може да бидат непредвидливи.

Но, без оглед на сите неизвесности и нервози кои доаѓаат со првите состаноци, излегувањето е најдобриот начин да го запознаете вашиот иден партнер и е всушност неопходно.

Кои се четирите најголеми грешки што треба да ги знаете и избегнувате на првите состаноци?

Несвесност за вашите намери

Без разлика дали барате само да се забавувате или барате сериозна врска, обично е корисно да ги разберете вашите лични намери пред да одите на состанок за да имате продуктивен прв состанок со одредена личност.

– Важно е да знаете што барате пред да се забавувате за да можете да внимавате на работи кои не се совпаѓаат. Ако вашиот партнер бара нешто сериозно, а вие не барате, тоа би можело да биде знак дека двајцата не сте компатибилни во моментот. И обратно. Запознавањето бара заеднички напор за двете вклучени страни, па затоа е важно да бидете искрени со себе (и со вашиот партнер) за тоа каде се наоѓате во процесот на запознавање, вели советникот за ментално здравје Вал Окерај.

Запознавање со некој со кој веќе ви било непријатно

Првите состаноци се природно исполнети со нервоза, па затоа не би било во ваш најдобар интерес да излегувате со некој кој веќе ве натерал да се чувствувате нервозно и непријатно. Верувајте им на вашите инстинкти и бидете свесни кои сценарија прават да се чувствувате удобно или несигурно.

Го барате негативното

Избегнете го нагонот да се жалите. Запознавањето бара од вас да бидете отворени за запознавање нова личност, и иако некои работи можеби не се „правилни“ во вашите очи, тоа не значи дека тие генерално се погрешни и се целосно црвено знаме.

Веднаш отпишувате потенцијален партнер

Според Окерај, пред целосно да одлучите дека некој не е вистинскиот за вас, размислете да бидете отворени за втор состанок пред да избрзате со какви било заклучоци.

– Мислам дека е тешко добро да запознаете некого од само еден состанок (освен, се разбира, ако направи да се чувствувате непријатно). Би им дала најмалку два состанока пред да донесете одлука – вели таа.

Жените во овие хороскопски знаци се најдобри во кревет

Љубов и секс

пред 3 недели

Лав

Таа е доминантна господарка на која не смее да и се спротивставите. Страствена е и жестока во кревет, бара да биде освоена само од најдобриот. Често доведува двајца мажи до кавга заради неа. Инстинктивна е и знае да ги открие сите ерогени зони на партнерот. Театрална е и оригинална. Иако сака да доминира, фантазира за мажи кои се строги и доминантни во кревет.

Овен

Нејзиното либидо е секогаш незадоволено, но затоа секогаш знае точно што сака и бара. Недвосмислено иницира секс ако и е до тоа, а кога не и е – знае да одбие. Мажите ја обожаваат затоа што знае да провоцира, динамична е, но не и веруваат често затоа што е опкружена со многу машки „пријатели.“

Скорпија

Ова е жена која очигледно поседува вишок физичка енергија, па постојано прави нешто ново во креветот. Љубоморна е и посесивна, нетолерантна и инаетлива, но нејзините претчувства никогаш не ја лажат. Ова е атрактивна и храбра жена која има многу бујна фантазија и отровен јазик. Сака се што е пикантно, вклучувајќи ги и мажите кои знаат лутината и бесот да ги истурат во кревет.

Љубовта е најубавото нешто на овој свет

Љубов и секс

пред 3 недели

Престанете да се прашувате што би било кога би било и зграпчете ги сите шанси кои се пред вас! Не се држете до лошите спомени и луѓето кои ве повредиле и не ги затворајте очите пред оние кои можат навистина да ве сакаат.

Не се прашувајте дали треба да зборувате со таа личност, и едноставно направете го тоа. Не размислувајте за сите чекори и престанете да се прашувате што би било кога би било. Дозволете и на љубовта да биде дел од вашиот живот. Не се прашувајте како би било и дали ќе биде тешко, дајте си шанса себеси, а и на другата личност и дозволете да дознаете.

Слушајте го своето срце

Тоа тој силен мускул кој чука силно во вашите гради. Не го игнорирајте. Не се преправајте дека не чука посилно за некоја личност. Ако имате чувства во себе, покажете и ги на другата личност. Не рационализирајте, не креирајте сценарија и дозволете си да бидете среќни.

Пуштете ги луѓето во вашиот живот. Дозволете им да ги запознаете, и да ве запознаат. Не носете горчина во себе само поради тоа што еден или двајца ве повредиле. Бидете отворени кон луѓето, кон нови искуства и кон светот. Ќе доживеете и порази и победи, но ќе го паметите сето тоа. Еден ден ќе имате полна книга со сеќавања и се ќе има смисла.

Сакајте силно. Дајте им го срцето на оние луѓе кои го заслужуваат тоа и споделете го својот свет со нив. Верувајте во иднината, не се плашете од неа. Не се споредувајте со другите и само сакајте. Сакајте со целото срце.