Повеќе од 9.000 загинати во двата земјотреса во Турција и Сирија

Вработените во итната помош поминаа уште една студена ноќ за да ги спасат луѓето заробени под урнатините на илјадници згради.

Роднини на жртвите се приклучија во спасувањето во еден од најтешко погодените градови во Турција, додека некои семејства се пожалија дека на спасувачките служби им треба премногу долго за да реагираат во некои области.

Турскиот претседател Реџеп Таип Ердоган прогласи тримесечна вонредна состојба во Турција во 10-те најпогодени провинции.

Земјите ширум светот испраќаат помош - специјализирани тимови, кучиња трагачи и опрема.

Дел од меѓународната помош пристигнува во Сирија, но пристапот е ограничен поради оштетените патишта. 

Македонец убиен со шише од пиво во центарот на Есен, Германија

Во саботата вечерта, околу 2 часот по полноќ, триесет и двегодишен Македонец бил убиен од страна на двајца Еритрејци во германскиот град Есен.

Германските медиуми пренесуваат дека смртоносниот напад се случил среде центарот на градот.

Двајцата Еритрејци, едниот на 25 години, другиот на 29 години, првично се расправале со Македонецот, а расправијата прераснала во тепачка. Според информациите на тамошните медиуми, Еритрејците го тепале Македонецот со пивско шише додека тој не колабирал. Осомничените сторители потоа побегнале кон главната железничка станица.

Му била пружена прва помош и сведок на настанот се потрудил да го реанимира повредениот на лице место, кој веќе не бил при свест.

„Тој беше однесен во болница, но таму почина по кратко време поради сериозните повреди“, изјавил портпаролот на полицијата.

Поради добриот опис на сведокот, полицијата успеала да уапси еден осомничен (25) на железничката станица во Есен, а другиот (29) на железничката станица во Милхајм.

Се уште е нејасна причината за нивната расправија. Комисија за убиство сега го истражува случајот под раководство на јавното обвинителство во Есен.

Заедничка изјава на 28 странски амбасади во Грција: Историски момент e легализацијата на истополовите бракови

Со заедничка изјава, 28 странски амбасади во Грција го поздравија синоќешното изгласување на законот за истополовите бракови, коментирајќи дека станува збор за историски момент, јави дописничката на МИА од Атина.

Изјавата ја потпишуваат амбасадите на 14 земји членки од Унијата и уште толку од целиот свет, односно Холандија, Белгија, Канада, Шпанија, Јужна Африка, Норвешка, Шведска, Аргентина, Исланд, Португалија, Данска, Франција, Нов Зеланд, Уругвај, Велика Британија, Ирска, Луксембург, САД, Колумбија, Австралија, Финска, Германија, Малта, Австрија, Чиле, Мексико, Швајцарија и Естонија.

-Би сакале да го поздравиме усвојувањето на законот за еднаквост во бракот и признавањето на истополовите семејства. Проширувањето на фундаменталното право на брак на истополовите двојки беше важна пресвртница на патот кон еднаквост и достоинство за сите во сите наши земји. Овој историски момент го славиме заедно со народот, Парламентот и Владата на Грција“, пишува во заедничкото соопштение на дипломатските претставништва во Грција.

Грчкиот Парламент доцна синоќа со 176 гласа „за“ ги легализираше истполовите бракови.

Бебе во Америка починало откако мајката го ставила да спие во рерна

Бебе починало откако неговата мајка по грешка го заспала во рерна, изјави обвинителот. Мараја Томас од Канзас Сити, Мисури беше обвинета за загрозување на благосостојбата на дете.

Во петокот попладне полицијата реагираше на пријава за бебе кое не дише. Во изјавата за веројатната причина се наведува дека брзата помош го нашла детето со видливи изгореници. Бебето е констатирано мртво на местото на настанот.

Во соопштението за медиумите се наведува дека сведокот рекол дека мајката „го заспала детето и случајно го ставила во рерна наместо во креветчето“. Полицијата не прецизираше како точно дошло до грешката, пишува Sky News.

„Ја препознаваме ужасната природа на оваа трагедија и нашите срца се тешки поради загубата на овој скапоцен живот. Веруваме дека системот на кривичната правда соодветно ќе одговори на овие ужасни околности“, рече окружниот обвинител на округот Џексон, Жан Питер Бејкер.

Популарно