Интервју со битолчанката Ангела Домазетовска, ФИФА судија

Спорт

пред 3 месеци

Битолчанката Ангела Домазетовска уште нод 10 годишна возраст започнала да се занимава со фудбал. Има играно во три фудбалски клубови: ЖФК Пелистер, ЖФК Топ Гол и ЖФК Конзули, а воедно потекнува и од фудбалско семејство.

Татко ѝ бил фудбалски судија кој 20 години судел на фудбалските натпревари во македонските лиги, па од тука, Ангела, ја наследила љубовта кон фудбалот.

Освен што е активна на фудбалската сцена, работи во туристичката агенција „ЈК Травел”, но и ги привршува и додипломските студии на Факултетот за информатички и комуникациски технологии во Битола. Ангела слободното време сака да го користи спортувајќи, а од голема важност за неа е и фитнесот.

ФИФА пред 3 месеци ја одобри листата на македонски судии за 2023 години, а на неа се најде и Ангела како женски судија асистент.

Во нашиот разговор, Ангела, освен што ни открива детали за својата нова функција како ФИФА судија, таа зборува и за љубовта кон фудбалот, пасијата да чекори по овој пат, за македонската фудбалска сцена, одржувањето на кондицијата, прифатеноста на женските фудбалски судии во Македонија и светот, како и за процесот на донесување одлуки на еден фудбалски натпревар.

Читај бе: Ангела, може ли да ни кажеш најнапред кога започна да играш фудбал?

Ангела: Имав околу 8-9 години кога прв пат почнав да гледам фудбал на телевизија, станав толку многу заинтересирана за тој спорт, така што се решив да започнам да тренирам фудбал на 10 години. Моите почетоци беа во ЖФК Пелистер, кој беше единствен женски клуб во Битола, во тоа време. Неколку години играв во ЖФК Топ Гол и краток период во ЖФК Конзули. Важен фактор за мене беше несебичната поддршка која ја добивав од моите родители, како женско да влезам во тој „машки спорт”, следејќи ме на тренинзите и натпреварите.

Останатиот дел од интервјуто прочитајте го на Читај.бе

Видео: Елмас доби специјално признание од Наполи за успешната сезона

Спорт

пред 4 дена

Репрезентативецот на Македонија Елиф Елмас сезоната во Серија А ја заврши со шест гола и три асистенции што е солиден учинок ако се знае дека влегуваше како „џокер“ од клупата за резерви.

Наполи го освои Скудетото во Италија на кое овој клуб чекаше цели 33 години, уште од генерацијата на Марадона. Клубот по завршувањето на сезоната одлучи да им се заблагодари на фудбалерите подарувајќи ѝм – златно стапало на Марадона.

Секако признание доби и македонскиот репрезентативец. Освен ова признание фудбалерите добија и премија од 3.5 милиони евра, како и специјален персонализиран дрес кој е пуштен во продажба.

(Видео) Бостон избори „мајсторката“ со звукот на сирената

Спорт

пред една недела

По трите порази, кошаркарите на Бостон врзаа три победи во серија против Мајами, и се изборија за „мајсторка“ во финалето на Источната конференција.

Селтикси ноќеска на гостински терен во драматична заврница со кошот на Дерик Вајт на 2.десетинки до крајот славеа победа над Хитс со 104:103 со што го израмнија резултатот на 3-3 во победи и се изборија за решавачки седми натпревар.

Само неколку секунди пред истекот на времето, Џими Батлер постигна кош за водство на Хит од еден поен103:102. Во последниот напад за Бостон, оговорноста ја презеде Маркус Смарт, кој шутираше за три поени и промаши, но Дерик Вајт забележа офанзивен скок и со своите поени му донесе победа на својот тим.

Најефикасен на натпреварот беше Џејсон Тејтум со 31 поен, 12 скока и пет асистенции, а најрасположен беше Батлер од Мајами со 24 поени, 11 скока и осум асистенции.

На овој начин, Селтикси станаа само четвртиот тим во историјата кој успеал да се врати од негативата од 0:3 во плејоф серијата од НБА лигата, а сега ќе имаат можност да направат целосен пресврт и да испишат историја на својот дом.

Седмиот и решавачки дуел ќе се игра во Бостон, а закажан е за вторник наутро од 02:30 часот.

Скопје не спиеше: Се славеше враќањето на Вардар во Првата лига!

Спорт

пред 2 недели

По две години поминати во Втората лига, фудбалерите на Вардар со вчерашната победа во баражот против Скопје од 3:0 обезбедија место во најелитната конкуренција.

Веднаш по победата во Кавадарци беше најавено дека фудбалерите ќе бидат пречекани Плоштадот во Скопје.

Бројни навивачи излегоа да ја дадат својата поддршка на вардаровите херои кои успеаа да ги надминат сите проблеми и да се изборат за враќање во друштвото на најдобрите.

Популарно