Мајкл Џ. Фокс не сака да глуми во обновената верзија на „Враќање во иднината“

Тој смета дека римејкот би бил непотребен и излишен. „Мислите дека можете да ја раскажете приказната на подобар начин? Се сомневам во тоа“, изјави тој. „Јас не сум фанатик. Правете што сакате, тоа е ваш филм. Јас веќе ја добив платата.“

Фокс исто така изјави дека режисерот и сценарист Роберт Земекис и сценаристот Боб Гејл веројатно не сакаат да работат на римејк бидејќи приказната е веќе целосно раскажана.

Ко-ѕвездата на „Фокс“, Кристофер Лојд е малку поотворен за тоа. Иако не спомна римејк, рече дека би сакал да работи на продолжение на трилогијата, но само во случај некој да напише одлично сценарио кое има смисла.

Една од причините зошто Лојд нема проблем да работи на продолжението е фактот што има многу добра хемија со Фокс. „Никогаш не се борев со Мајкл. Немаше никакви конфликти. Само си одговаравме еден на друг. И тоа никогаш не престана. Верувам дека после сите овие години би можеле да ги повториме улогите и не мора ни да размислуваме за врската помеѓу Марти и Док. “, рече актерот.

Веројатно наскоро нема да го видиме „Враќањето во иднината“ на големото платно, но во моментов на Бродвеј се продуцира мјузикл базиран на истоимениот филм. Фокс рече дека нема да го видиме на сцената, но дефинитивно ќе дојде и ќе го поддржи настапот.

(Видео) Теодора се огласи за нејзиниот порно-аудио скандал

Теодора Џехверовиќ ја допре актуелната тема во Амиџи шоу, кога беше вмешана во порно-аудио скандал, на кој наводно се слуша нејзиниот глас. Таа одговори на прашањето на водителот, но повторно ниту ги потврдила, ниту ги демантирала натписите.

-Во оваа прилика се огласувам за прв и последен пат. Може да има две вистини, дека некој сето тоа го наместил и дека не сум јас, а другата е дека некој ме снимал. Без оглед на вистината, тоа е катастрофа. Ова може да му се случи на секого. Ништо не потврдив. Не можам да верувам дека не добив поддршка од жените, а тоа навистина ме повреди. Го прифатив тој потсмев. На овој начин би сакала да и се заблагодарам на личноста која ми го направи ова бидејќи сега всушност сфатив колку сум силна, рече таа.

„Злосторство е тоа што ми беше направено. Лицето што го објави ова може да оди во затвор. Каде пишува дека треба да бидам жртва на такви работи бидејќи сум јавна личност?“, изјави Теодора.

Холивуд се плаши од вештачката интелигенција

Иднината на Холивуд личи на „дипфејк“ или лажен Рајан Рејнолдс, кој ви продава електричен автомобил „тесла“.

Во видео, кое веќе е отстрането, но се споделува на „Твитер“, актерот со дебели очила со црни рамки, чија уста се движи независно од неговото лице, зборува за електричните возила: „Што мислите, колку би чинело да поседувате ваков автомобил, кој изгледа проклето неверојатно?“

На скалата на веродостојност видеото што првично се појави во мај беше означено како неавтентично. Тогаш неговиот креатор, јутјуберот и финансиски советник Кевин Пафрат, откри дека тоа го направил како трик за да го привлече вниманието на Илон Маск, што всушност и се случи: извршниот директор на „Тесла“ одговори на твитот на Пафрат: „Убаво“.

На други профили на „Твитер“ луѓето бараа од актерот Рејнолдс да поднесе тужба. Наместо тоа, неговата продукциска куќа одговори со слично откачено видео во кое Маск (со седа коса) го фали џинот направен од „Авиешн“, компанија во која Рејнолдс е косопственик. И тоа видео оттогаш е избришано.

„Финансиски советник го поддржува Маск на ‘Твитер’“ е далеку од ударна вест, но оваа комуникација укажува на многу поголем проблем: вештачката интелигенција (AI) им овозможува на сите да лажираат познати лица. А актерите, пак, стануваат сè посвесни за можноста оваа технолгија да почне да задира во нивната работа.

Тешко е дури и да се замисли каде ќе биде AI за три години, предупредуваат познавачите на оваа проблематика.

Со оглед на тоа што Здружението на американските писатели веќе штрајкува, делумно поради слична закана, во претстојните преговори меѓу Синдикатот на актерите и филмските студија, најверојатно, ќе се спомнат лажниот Брус Вилис и лажниот Рајан Рејнолдс како најнови чекори кон иднината во која доминира вештачката интелигенција.

Помпата за технологијата значи дека таа ќе биде во центарот на разговорите, особено имајќи предвид дека договорот се преговара само еднаш на секои три години, објаснува Данкан Кребтри-Ајрленд, главен преговарач за актерскиот еснаф (САГ) и Федерацијата на телевизиските и радиските уметници (САГ-АФТРА).

„Со оглед на тоа колку напреднала вештачката интелигенција во последните 18 месеци, тешко е дури и да се замисли каде ќе биде за три години“, вели Кребтри-Ајрленд.

Во писмото во кое ги повикува своите членови да го одобрат штрајкот, актерскиот еснаф (САГ) наведува дека бара договор што ќе ги заштити членовите од губење приход „поради нерегулирана употреба на генеративна вештачка интелигенција“.

Крајниот рок е вторник, 6 јуни, а на 7 јуни САГ-АФТРА почнува преговори со Алијансата на филмските и телевизиските продуценти (AMPTP), која ги претставува студијата. Ако актерите се решат на штрајк, тоа би било првпат од 2000 година.

Авторката на „Сексот и градот“ не ги добила хонорарите што ги заслужила

Кендис Бушнел се пожали дека не ги добила парите што ги заслужила за „Сексот и градот“ по огромниот успех на серијата, базирана на нејзината истоимена колумна во „Њујорк обсервер“.

Авторката на истоимениот бестселер вели дека видела само мал дел од стотиците милиони долари што ги заработи серијата. Таа ја критикува серијата дека не ѝ платиле доволно по хонорарот од 60.000 долари.

64-годишната Кендис напиша колумна за „Њујорк опсервер“, која беше адаптирана во најпродавана антологија.

Но, кога книгите му биле продадени на Ејч-би-о за она што потоа стана мултимилионски серијал – шест сезони и два филма со Сара Џесика Паркер во главната улога – на авторката наводно ѝ биле исплатени само 60.000 долари за правата.

Во интервју за весникот „Сандеј мирор“ таа вели: „Не ги добив хонорарите што ги заслужив. Знаев дека тоа не е добра зделка, но бев под притисок од разни причини. Дури и мојот покоен татко во една пригода пред 15-ина години ми рече: Посакувам да учествуваше поцелосно во економскиот успех на ова дело“.

Кендис се надева дека продолжението на серијата, со наслов And Just Like That… („И, едноставно, така…“), кое неодамна се врати во втора сезона – ќе продолжи да се прикажува со успех.

Но, таа се прашува што се случило со својата верзија што ја вгради во книгата во ликот на Кери Бредшо пред да забележи дека Сара Џесика Паркер успеала да го направи тоа на свој начин и станала омилена меѓу фановите на серијата.

„Што се случи со Кери? Сè се вртеше околу мистер Биг – јас не ја замислив така приказната. Мојата цел, мојата порака до жените не е да го бараат господин Биг. Треба да бидат свој сопствен мистер Биг. Сè е во пронаоѓање љубов, а тоа не е мојата порака до жените. Мојата порака е самоактуализација. Но, Кери е омилена кај фановите. Таа го направи тоа на свој начин – и добро за неа“.

Популарно