ОЈО бара притвор за затвореникот кој вчера со пиштол ограби обложувалница во Маџари

Основното јавно обвинителство бара притвор за затвореникот кој вчера избега од затворот „Идризово“, па со пиштол ограби обложувалница во Маџари.

-Иако се работи за осудено лице на издржување затворска казна, постојат околности кои укажуваат на  опасност од бегство, а и особени околности укажуваат на тоа дека осомничениот  ќе ја попречува кривичната постапка со влијание врз сведоците, соучесници, прикривачи и го оправдуваат  стравот дека тој ќе го повтори или ќе стори ново кривично дело. Од тие причини јавниот обвинител до судијата на претходна постапка достави предлог за определување мерка притвор, велат од ОЈО.

Јавното обвинителство во детали опиша што се случувало вчера во Маџари.

-Осуденото лице избегало од КПУ „Идризово“, каде требало да издржува казна затвор заклучно со јануари 2027 година. Потоа тој дошол до обложувалница во населбата Маџари, влегол во објектот и од зад грб му пришол на вработениот. Му се заканил со пиштол и го принудил да ги извади парите од сефот и да ги стави во црна најлонска вреќа. Самиот осомничен продолжил да пребарува по фиоките каде пронашол уште пари и ги ставил во вреќата. На овој начин осомничениот сторил кривично дело – Разбојништво според член 237 став 4 во врска став 1 од Кривичниот законик и се стекнал со противправна имотна корист од 593.525 денари. На излегување,  го одзел клучот од влезната врата на просторијата за наплата и откако  излегол од просторијата го заклучил вработениот внатре. При бегањето, осомничениот го забележале полициски службеници кои го лишиле од слобода во близина на местото на настанот, се вели во дописот.

Маж загина во тешка сообраќајка помеѓу мотор и автомобил во валандовско

На 06.06.2023 во 13.50 часот во Полициската станица Валандово било пријавено дека на магистрален пат А-1, делница село Удово – село Марвинци, општина Валандово, се случила сообраќајна несреќа помеѓу мотоцикл со гевгелиски регистарски ознаки, управуван од М.К.(68) од село Пирава, валандовско и патничко возило „сузуки“ со валандовски регистарски ознаки, управувано од А.Д.(36) од село Јосифово, валандовско.

Од здобиените повреди на местото починал мотоциклистот, а смрт констатирал од лекар од Здравствен дом Валандово. А.Д. се здобила со тешки телесни повреди, констатирани во Медицински центар Гевгелија.

Увид на местото на несреќата извршиле Јавен обвинител од Основното јавно обвинителство Гевгелија и екипа од Полициската станица Валандово.

Велес: Сообраќајка помеѓу автомобил и мотор, тешко повреден е малолетник кој го возел моторот

На 06.06.2023 во 16.45 часот во СВР Велес  било пријавено дека на ул.„Андон Шурков" во Велес се случила сообраќајна несреќа помеѓу патничко моторно возило „опел" со велешки регистарски ознаки, управувано од Н.С.(28) од Велес и мопед „априлија" со велешки регистарски ознаки, управуван од малолетник од Велес.

Во несреќата со тешки телесни повреди се здобил малолетникот констатирани во Општа болница Велес.  Извршен бил увид од увидна екипа од СВР Велес.

Скопјанец ја тепал партнерката додека пријател му давал упатства

Јавен обвинител од Основното јавно обвинителство Скопје поднесе Обвинителен предлог против 46-годишен скопјанец за кривично дело – Тешка телесна повреда од член 131 став 2 во врска со став 1 од Кривичниот законик, како и против едно 34-годишно лице за кое во текот на претходната постапка беа обезбедени докази дека со умисла му помагало на првиот обвинет да го стори семејното насилство.

На 29 мај, во својот дом на улицата „Партение Зографски“, обвинетиот тешко телесно ја повредил својата вонбрачна партнерка, така што без особен повод и причина, физички ја нападнал и почнал да ја удира со шлаканици во пределот на лицето и главата и со клоци во пределот на екстремитетите, во пределот на бедрата и кај градниот кош под градите.

Вториот обвинет во тоа време бил присутен во домот на обвинетиот, но не презел ништо да ја заштити жртвата, туку напротив му давал совети и упатства како да го изврши кривичното дело. Во домот била присутна и мајката на првообвинетиот, која се обидела да ја одбрани жената од физичкиот напад, но вториот обвинет ја запрел, обраќајќи ѝ се со зборовите “остани настрана, сами нека го решат проблемот тоа е нивнa личнa работа”. Дополнително, второобвинетиот во моментите на физичкиот напад го бодрел сторителот со зборовите “ако треба заедно со мене ќе ја издржиме казната”.

Од многубројните удари, оштетената се здобила со тешки телесни повреди  набиеници, подливи и мултифрагментарна скршеница на носните коски.

За првообвинетиот, за кого претходно беше определена мерка притвор, јавниот обвинител му предложи на Основниот кривичен суд Скопје да ја продолжи притворската мерка. Предлог за определување мерка притвор беше поднесен и за вториот обвинет, но Судот не го прифати предлогот на обвинителот и не определи мерки, па по приемот на решението надлежниот јавен обвинител ќе вложи жалба на ваквата судска одлука.

Популарно